العربية دي انا ركبتها بنفسي لقيتها محترمة جدااا ياريت يا جماعة اللي عنده معلومات عنها بالنسبة لقطع الغيار أو سعر العربية نفسها يقولنا عليها
وشكرا للجميع
عرض للطباعة
العربية دي انا ركبتها بنفسي لقيتها محترمة جدااا ياريت يا جماعة اللي عنده معلومات عنها بالنسبة لقطع الغيار أو سعر العربية نفسها يقولنا عليها
وشكرا للجميع
اخي عزوز
العربية دي ممتازة جدا انا معايا واحدة 1998 اتوماتيك بقالها معايا شهرين
قطع غيارها تعتبر غالية شوية بالنسبة لكونها كوري بس طبعا مش قي غلو الياباني والالماني والفرنساوي
وكلها متوفرة جديد واستيراد
انا لسة مغير ديانو امبارح وجبته استيراد بـ 130 جنيه
اما بالنسبة لسعرها فهوه ده المحير
ممكن تسمع فيها من 40 لحد 50 الف
ولو سألت تاجر هيقولك بمنتهى السرعة (ماخدهاش بـ 30 الف)
على فكرة انا عارض العربية للبيع وطالب فيها 46 الف
رامي (ابو احمد)
شكرا يا رامي وكتر خيرك يا باشا وربنا يوفقك في بيعها إن شاء الله الموضوع ان اخويا معاه بي ام دبليو موديل 88 وكان فيه واحد عايز يبدل معاه بواحده 97 بس مش عارفين الفرق ممكن يكون في حدود كام لو تقدر تفيدني في الموضوع ده يبقي جزاك الله كل خير
شوف يا باشا المشكلة ان تقريبا العربيتين دول سوقهم ضعيف شوية واعادة البيع تقيلة
طبعا اخوك لما هيحب يبيع البي إم دبليو هيطلب فيها سعر عالى ولو لقى الينترا 97 بنفس السعر اكيد صاحب الالينترا هيطلب برضه فرق (نظرية سوق بحتة)
انا كان معروض عليا ادخل الالينترا مع بي إم دبليو موديل 1987 (كاملة) بس كان الكلام من غير فرق (يعني راس في راس او مفاتيح) بس انا لسة ما خدتش قرار
بقولك ايه ، ابعتلي مواصفات البي إم بتاعت اخوك ونشوف الكلام
رامي (ابو احمد)
بالعكس ده كان الكلام ان اخويا هاياخد فرق لأن البي أم سعرها أعلي في السوق وكمان الطلب علي البي أم اكتر لأن الموديل ده مش بيروح عليه وليه ناسه الغاويين وعالعموم هي موديل 88 دواخل فابريقة كاملة مانيوال أم فورتي
تدخلها في بيجو504؟اقتباس:
المشاركة الأصلية كتبت بواسطة عزوز
طيب ممكن حد يفنى فى النترا 1999 و2000 انا معى اكسنت 1500 سى سى مو98 وبفكر اغيرها بالنتر 1999 او2000 استحلفكم سرعة الرد ان امكن ولكم جزيل الشكر