أنا مش اخوان
lol
هو ليه كل ماحد يكتب تعليق يقول كده هي الاخوان دي عيب ولا حاجة
مهم ناس زينا زيهم وفيهم الحلو والوحش
الشريف والحرامي -المتدين واللي ملوش فيها
عادي يعني بانيادمين
المهم بس أنا عايز أرد على حاجة واحدة بس بمناسبة فزاعة الاخوان دي وبالذات على
""
الافضل تأجيل الانتخابات لمدة سنة عشان ضمان تواجد احزاب ناضجة تقدر على مواجهة الاخوان في الانتخابات
""
طب والاحزاب دي لما هي مانضجتش عايزة تمسك الحكم ليه
واشمعنا الاخوان هم اللي ناضجه برغم كل الذل اللي شافوه
ليه ندي الاحزاب دي فرصة ونشيلها من الاخوان كاننا بنقول فيه ديمقراطية بس من غير اخوان "دي ديمقراطية"القذافي اللي بنتريق عليه
لو الناس دول هم اكبر تنظيم ووعي سياسي من حقهم إننا نحترمهم مش نحجر على حقوقهم ولا إيه
الناس دي أكتر ناس عملت نشاط سياسي في مصر وهم الوحيدين اللي كان عندهم الجرأة إنهم يتحدوا الحزب الحاكم من أول الثورة صح ولا إيه ؟
الناس دي منافقوش النظام وعمله معاه اتفاقات وكانوا زي القلب اللي مستنية الكل من سيدها
الناس دي مالوش نطبق الشريعة الاسلامية وهنعمل ونسوي ولا قالوا نعدل المواد اللي هتولعها فالدستور ولا الكلام ده
الناس دي مش بتتاجر بالبلد وحتى لو بيتاجروا أنا عندي حرامي يسرقني من غير ماخد بالي ومايسرقنييش كده عيني عينك وببجاحة وكأنه ماسكلي زلة ولا إيه ؟
مجوش وطلعوا على اكتاف الناس وقالوا الثورة بتاعتنا دول نزلوا بالشباب بتاعهم ومات اللي مات اتصاب اللي اتصاب
مش كانوا واقفين قدام مقر الحزب بتاعهم يقولوا نعترض ونستنكر ويطلعوا في بيانات ويتصوروا والناس فالشارع بتموت
ده اللي أنا أعرفه عن الاخوان
اللي لسة شايف إنهم ولاد تيت ووحشين يقولي أنا ولا معاهم ولا ضدهم بس هما اتسحلوا كتير قوي والمفروض نديهم حقهم زي ماقلنا عالبرادعي إنه مش عميل زي مكانه بيقولوا عليه
وعشان بس الناس متردش ردود مستفزة لو واحد اخوان أو البرادعي رشحوا نفسهم أنا مش هانتخبه