دعوة لمظاهرة ترليونية بمصر للاعتذار لحسنى مبارك بعنوان :
"جمعة اللى يشوف بلاوى الناس تهون عليه بلوته"
بعد ما شوفنا وسمعنا خطاب الأخ القذافي ... حاجة فظيعة انا عايز أعرف الأخ ده مؤهله ايه
عرض للطباعة
دعوة لمظاهرة ترليونية بمصر للاعتذار لحسنى مبارك بعنوان :
"جمعة اللى يشوف بلاوى الناس تهون عليه بلوته"
بعد ما شوفنا وسمعنا خطاب الأخ القذافي ... حاجة فظيعة انا عايز أعرف الأخ ده مؤهله ايه
وأنا بتفرج عالخطاب
مراتى قالتلى على كده اللى كان بيحكمنا كان راجل محترم
على الأقل مبيضحكش علينا الدنيا كلها
اه والله .. انا كنت باتفرج ومش مصدق ان ده مسئول عن شعب
يعني الواحد لو ابوه مجنون مش هيقول لحد انه مجنون
تخيل بقى لما العالم كله يعرف انه مجنون
أنا مقدرتش أستحمل أنى أكمل كل الخطاب!!! بجد ربنا مع الشعب الليبى !!!!
من حق القذافي يقول اللى هو عايزه هي دي الديموكراسي
ولا محدش فيكم قرا كتابات وليم بن زبير
مجنون رسمي
إلى الأمام إلى الأمام
إلى الأمام إيه الله يخيبك
نهايته وحشة
أنا نمت بعد نصف ساعة من الخطاب قدام التلفزيون
الراجل رغاي رغي واللي يزيده يعيده وكله إعدام إعدام
دا احنا كنا مستورين
أنا فهمت يعنى أيه جملة فيه قطط فى دماغه
دي مش قطط
ده دماغه فيها فاره والده
ثورة ثورة ثورة
ده فاكر نفسه هو اللى بيقوم بالثوره ضد المساطيل اللى فى البلد
هو محدش فهمه ان الثوره دى علشان هو يمشى
ولا هو ناوى يقوم بثوره ويخلع نفسه ويبقى قائد الثوره ويحكم البلد تانى
وعشان كدة كان لازم نستنى حسني مبارك لنهاية مدتة
وبعدين احنا فيها مايرجع يكمل مدتة
عفا الله عما سلف ايه قسوة القلب دي
مبارك لو كان عنده امكانيه انه يعمل زي القذافي كان عمل فينا اكتر من كده
الفضل يرجع الي الله سترها معانا ثم الي جيشنا العظيم مادلوش فرصه
يا دكتور محمد الكلام ده اكيد .....بس جمال مش ابوه
اخويا مهندس في شركه تبع الجيش و كل اصحابه رتب جيش في الشركه ده غير ابن عمتي قبطان في البحريه و قريبنا كان من الحرس اللي قدام العروبه بيؤكدوا الكلام ده بالنص .....
جمال طلب من المشير ....المشير بعت رساله لحسني ((انتهي الامر ))
فيه اجماع من ناس فى قيادات كبيره وناس كانت جوه النظام قالت ان جمال مبارك ادى اوامر للجيش بكده
كان عاوز يعمل زى ما الدبابات بتاعه الجيش عملت فى الصين (ده الى اتقال ) ومش عارف بصراحه هو ايه الى حصل فى الصين
والجيش ساعتها رفض وادى ذلك الى رفع الامر لمبارك وبقى الكلام مع الجيش ومبارك
جمال منطقي جداااااااااااااااااا.......... ......عيل مدلل فاسد لايفقه في السياسة ولا في الشؤن العظمى لبلد بحجم مصر يعملها ونص........وعلشان كده كان من سابع المستحيل يبقى رئيس لمصر وقلبوها بالراحة هاتوصلو للصورة لما يحدث الأن...........أهدافنا ورغباتنا تتفق وتتمناها القوات المسلحة قبلنا وزينا وأكتر كمان.
الكلام ده مؤكد 100 فى 100
و تحديدا الاوامر جت لسامى عنان وهو فى امريكا يوم جمعة الغضب العظيمه
الاوامر كانت ان الجيش ينزل و يضرب مع الشرطه فى المتظاهرين
لكن هو رفض و قال ينزل الجيش بس من غير مايضرب حد
و قطع زيارته لامريكا و رجع
و الكلام ده انا سمعته من الظباط فى التحرير يوم السبت تانى يوم من جمعة الغضب
كان أحتمالات جيمي لتولي الرئاسة شبه مستحيل لا الشعب هايرضى ولا الجيش ومش عايز أقول أمريكا لأحسن أخدلي طوبة ولا حاجة ههههههه
وكانت الفرصة الذهبية ثورة الشعب وأرباك صفوف الفاسد من قوات الشرطة ألي بتحمي الحياة السياسية وأنتخاباتها المختلفة وألي كانت هاتحمي جيمي في حال توليه وألي كانت بتعد العدة لليوم ده بس ربك لما يريد تقدمت ساعة الصفر وفاجأت الجميع وخصوصا (البوليس السياسي).......وكانت فرصة أكثر من رائعة (الثورة المصرية الجبارة)
وبالطبع المواجهة الأن أفضل 10000 مرة من الأنتظار ليوم توريث الحكم.......أتمنى أكون قدرت أوصل الصورة لأني مش نايم كويس برده ههههههههه
كلام منطقي برده ....
بس ده كده لولا الثوره ديه كنا هنشوف مذبحه علي حق ربنا بقا ....
جمال و الشرطه اللي هما اكتر من الجيش و البلطجيه و احتمال الحرس الجمهوري
ضد المواطنين العزل مع الجيش ....
و متهيالي كانت هتقوم حرب فعلا ,, لان جمال عيل اهبل و مش هيستسلم لمجرد انقلاب من الجيش
الحمد لله
الجيش كان أكبر عقبة قدام حسني مبارك عشان يولي جمال بعديه رئاسة مصر , لإنهم مكانوش بالعين إن العيل ده يتأمر عليهم
عشان كده ماصدقو اللي حصل ده , قامو عاملين إنعقاد المجلس الأعلى و طلعو بيانهم الأول في إشارة لحسني إنه يتنحى , وده اللي أوضحه لواءات المجلس في العاشرة مساءا , إن البيان و الإنعقاد الدائم إشارة ليه إنه يمشي من سكات