يا جماعه انا عندى التكييف الصبح بيبقى التبريد فيه ضعيف شويه و بليل بيبقى تلاجه (لون العربيه نبيتى)
استهلاك البنزين بقه يا جماعه انا حاسس انها بتاكل بنزين موتتتتتتتتتتتت و كنت عاوز اعرف ايه سر الموضوع ده
عرض للطباعة
يا جماعه انا عندى التكييف الصبح بيبقى التبريد فيه ضعيف شويه و بليل بيبقى تلاجه (لون العربيه نبيتى)
استهلاك البنزين بقه يا جماعه انا حاسس انها بتاكل بنزين موتتتتتتتتتتتت و كنت عاوز اعرف ايه سر الموضوع ده
-طبيعى ان التكييف فى النهار يكون اضعف من الليل بسبب اشعه الشمس بس انت ممكن تنظف سربنتينه التكيف بالهواء المضغوط فى محطه البنزين و تكشف عن فلتر التكييف
-ممكن اعرف استهلاك البنزين المعدل اد ايه وبعدن انت حسبتها ازاى لان الاستهلاك داخل المدينه غير الطرق السريعه و بفرق مع تشغيل التكييف
متشكر يا استاذ محمد على ردك و مستنى بيقيت الردود و خصوصا استاذ باسم ناجى و استاذ احمد عبد الله (liquidator)
ازيك يا مصطفي أخبارك ايه ....
- هو التكيف الصبح أكيد لازم يبقي أضعف من بالليل بسبب اختلاف درجة الحراره و ماتنساش ان لون عربيتك ( النبيتي ) بيمتص معظم أشعة الشمس فالعربيه بتبقي عامله زي الفرن !! بس لازم برده تتأكد ان فيه فريون كفايه في التكييف ... المفروض ان سعة تكيف الماتريكس للفريون هي 570 جرام فانت لازم تتأكد انها عندك مش أقل من كده و ممكن تزودها شويه لحد 610 جرام اذا كنت عايز تكييف أكفأ بس خللي بالك ان ده هايبقي علي حساب السحب , و مش مسموح بأي حال من الأحوال انك تزود عن 610 جرام , و من وجهة نظري ال 570 جرام حلوين أوي , تقدر تكشف علي كمية الفريون عندك في أي محطة بنزين لكن لو عايز رأيي خللي غبور يكشفلك عليه في الصيانه أحسن لان جهاز شحن الفريون عندهم متقدم جدا عن اللي في أي محطة بنزين و أنا شفته بعيني ده زائد انهم عارفين عربياتهم كويس ....
-بالنسبه لاستهلاك البنزين الطبيعي المفروض انه حوالي 11 لتر لكل 100 كيلو جوه البلد و حوالي 7 لتر لكل 100 كيلو في السفر علي سرعة 90 ... بس ممكن لو دلعت العربيه جوه البلد و مشتها بالراحه من غير ما تقرص عليها هاتفرق معاك كتير أوي و ممكن تعمل معاك 9 لتر و يمكن أقل جوه البلد لكل 100 كيلو ده لو اتبعنا حكمة control your right foot يعني تحكم في قدمك اليمني !!! صدقني أنا مجرب الموضوع ده كويس و فرق معايا جامد , اديها بنزين واحده واحده و دلعها علي الأخر و شوف اللي هايحصل ... خللي بالك برده ان استهلاك البنزين بتاع العربيه بيتحسن بعد أول 10000 كيلو و كمان السحب بيتحسن بعد أول 10000 كيلو ... ده كلام أكيد ...
أي استفسار تاني أنا في الخدمه و منورنا يا مستر مصطفي
الف شكر يا احمد باشا و معلش بقرفك معايا كتيييييييييييييير بس معلش كان عندى سؤالين تانيين انا كنت عاوز اركب زينون و فى التوكيل بيقلولى انه بيسيح الفوانيس لأنها بلاستيك
و كنت عاوز اركب صب و طبعا بيركب معاه جى ام
ف بالنسبه لتركيب الزينون او الصب هل لازم اركبه عندهم و بعدين لو ركبته عندهم تقريبا تكلفت تكون كام تقريبا و بعدين ل صحيح موضوع ان الزينون بيسيح الفوانيس ده
الف شكر يا احمد باشا و معلش بقرفك معايا كتيييييييييييييير بس معلش كان عندى سؤالين تانيين انا كنت عاوز اركب زينون و فى التوكيل بيقلولى انه بيسيح الفوانيس لأنها بلاستيك
و كنت عاوز اركب صب و طبعا بيركب معاه جى ام
ف بالنسبه لتركيب الزينون او الصب هل لازم اركبه عندهم و بعدين لو ركبته عندهم تقريبا تكلفت تكون كام تقريبا و بعدين ل صحيح موضوع ان الزينون بيسيح الفوانيس ده
ولا يهمك يا باشا اسأل بس في أي وقت و مالكش دعوه بس أنا خايف لتكون واخد فيا مقلب !!!
بالنسبه للزينون و الصب أنا ماعنديش لا ده ولا ده و ماليش احتكاك بيهم بشكل مباشر و لا حتي أعرف الصب ده بيركب ازاي علي ضفيرة الكهرباء ده زائد اني أصلا بكره الزينون و الصب كمان . بس اللي هايركب الصب لو هايلعب في ضفيرة الكهرباء فخللي بالك عشان هاتخرج من ضمان الكهرباء .
بس أنا أول مره أسمع عن زينون بيسيح الفانوس , متهيألي الكلام ده مش صح و الدليل علي كده ان غبور قريب أوي هايعلن عن زينون كوري الصنع هايبقي هو الوكيل بتاعه و تقريبا هايعرضه ب 1200 جنيه فامش معقول يعمل كده و هو عارف انه غلط علي الفوانيس ... ده غير ان ناس كتير مركبه الزينون و متهيألي الفوانيس بتاعتهم ماسحتش ولا حاجه و أكيد في أعضاء مركبين زينون هنا يقولولك ...
بالنسبه للزينون أنا رأيي تستني زينون غبور عشان هو يركبهولك و يضمنهولك كمان لمدة سنه و تبقي في السليم من ناحية الضمان , أما الصب فغبور مش بيركب صب و لو اللي هايركبهولك بره هايلعب في الضفيره يبقي ضمان الكهرباء بتاعك هايروح ...
و بعدين يا راجل انت ازاي بتستحمل الدب بتاع الصب ده , ده انت لو ركبت عربيتك 10 دقايق و الصب ده شغال متهيألي يجيلك ارتجاج في المخ لا قدر الله !!! علي العموم دي أزواق و لولا اختلاف الأزواق لبارت السلع ....
أتمني أكون أفادتك بأي حاجه لولا اني عارف اني ماقدرتش أساعدك المره دي ... معلش
الف شكر يا احمد باشا و مستنيين رأى استاذ باسم فى موضوع الزينون و الصب يمكن هو تعامل مع الموضوع ده قبل كده
معلش متاسف على التاخير
انا برضوا مش مركب ولا صب ولازينون بس اتوقع ان فى عربيات كتير مركبة زينون على فانوس العربية بدون تعديل
واخر مرة انا كنت فى التوكيل كان فى اعلان عن زينون hid plus بس ماسالتش بكام
بالنسبة للصب مش عارف اقوللك اية بس ممكن تشوف عند عشم نوار بس انت كدة محكم بالانواع الية عندة عشان هو الية مركب الكاسيت والانذاروعشان ماتخرجش برة الضمان
وبالنسبة للتكييف احمد قال كل حاجة
انا حسيت جدا باتحسن الاستهلاك بعد ال 10000
عن تجربتى
الماتريكس الاوتوماتيك
بتاكل بنزين وفى احسن حالاتها ومع عدم تشغيل التكييف اقصى حاجة بتعمل 180 كم فى الصفيحة
يعنى 9 كم لكل لتر
وانا باتابع باستمرار الاستهلاك عن طريق عداد التريب