خلو بالكو يا رجالة

**eng.m7md.ali** · 23-02-2011 04:41 PM

ياجماعة التحذير ده جالي على الايميل النهاردة الصبح ياريت نخلي بالنا كويس اوي
طريقه البلطجيه دلوقتى بيستخدموها لسرقه العربيات بيرموا بيضه على زجاج العربيه - السواق حيشغل المساحات الموضوع حيسوء أكثر و مش حيشوف حاجه - فحينزل يمسح الزجاج - يهجموا عليه البلطجيه و يخدوا العربيه و يمشووا طب الصح إيه لو - بعد الشر - حصل كده أو أى حاجه شبه كده محدش يشغل المساحات و نمشى بدون توقف الى أقرب مكان آمن و كمان اى حد يرمى نفسه على العربيه و يعمل نفسه أتصاب - محدش يوقف - و يكمل مشى حتى لو حيدوس عليه بالعربيه - و الله أتقلى كده بالحرف حتى لو حدوسى عليه بالعربيه أنا حبيت أنقل النصائح ألى أتقالتلى عشان كلنا ن

**a_samy** · 23-02-2011 04:44 PM

شكرا على النصيحه
ربنا يستر طريقنا كلنا.

**haroun707** · 23-02-2011 04:53 PM

فعلاً الكلام ده مظبوط فعلاً

الكلام ده بيحصل فى اماكن كثير دلوقتى ومش بس كده دا انت ممكن تلاقى عربيه او موتسيكل بيرمى عليك او بيخبطك كده علشان تقف

وواحد صديقى كان جاى من الاسكندريه امبارح بالليل وطلع عليه قطاعين طرق بس ربنا سترها انه لقى عربيه تانيه ماشيه معاه فى الطريق وعرفوا يهربوا منهم

ربنا يسترها علينا كلنا يارب

**beautiful0mind** · 23-02-2011 04:56 PM

احب اضيف على الجميع الحذر ثم الحذر من الحرامية فى المصالح الحكومية والاماكن المزدحمة لكثرة الحرامية بها يقوة بقطع شنط السيدات واخذ محتوياتها دون ان يشعرون ويقومة ايضا بقطع الملابس والجيوب بالامواس ................نرجو نشر الموضوع وتوخى الحذر الشديد .................الموضوع حصل مع والدتى وواحد صحبى .........

ارجوكم انشره الموضوع لتصدى لهؤلاء الاشخاص

**eng.m7md.ali** · 23-02-2011 05:25 PM

ربنا يستر علينا مش عارف هنوصل لفين اكتر من كدة

**Ayman-Ahmed** · 23-02-2011 06:01 PM

واحد من اللى بيرموا نفسهم دول.لسة شاكك فيه النهاردة اودام سيتى ستارز(مدينة نصر).وانت رايح على دار الاشارة.كان واقف على الشمال وشكله ميريحش ولما بصتله فى عينيه وانا داخل عليه وزودت سنة بنزين بصلى وابتسم ابتسامة خفيفة ولما عديته وبصيت فى المرايا لقيته لسة متابعنى برده.مش عارف بقى كان اهبل ولا ايه.بس هو مقلق ولا انا اللى مقلق من كل حاجة حواليا.