تفاصيل صيانة ال 40 الف كم للسريون + تغيير قاعدة الموتور
السلام عليكم و رحمة الله و بركاته
اولا انا بعتذر عن الانقطاع لفترة طويلة عن المنتدى بسبب ظروف دراستى ... و هحاول فى الفترة الجاية على قد ما اقدر ابقى موجود و متابع
انا شهر اكتوبر 2010 عملت صيانة ال 40 الف للسريون
انا كنت مغير الزيت و فلتر الهوا قبل اما اروحلهم بفترة , و الحمد لله لقيت عندهم البوجيهات الايريديوم, لأنى كنت سألت عنها فى توكيل ngk و مكنش موجود عندهم الموديل اللى يركب عندى, كان خلصان من المخزن
تفاصيل الصيانة كالاتى:
مصنعيات : 300 جنيه
السير : 329.53 (ده غالى علشان بتاع السريون 1500 ... اما سريون 1300 فهو كان فى حدود 100 و شوية)
بوجيهات عدد 4 ايريديوم ماركة ngk: 299.92
سائل تنظيف زجاج : 10 جنيه
زيت فرامل : 11.81 جنيه
زيت فتيس (3 عبوات) : 95.46 جنيه
مياه تبريد : 59.09 جنيه
تشحيمات : 22.50 جنيه
تنظيف موتور : 36.36 جنيه
الاجمالى بعد الضريبة و الخصم: 1145.50 جنيه
تيل الفرامل لم يتم تغييره لأن حالته جيدة
-------------------------------------------------
الاسبوع الماضى رحت التوكيل علشان بشتكى من "تزنيدة" فى العربية, و صوت عالى جدا و رعشة
تم الكشف على العربيةو و اتضح ان السبب هو قاعدة من قواعد الموتور و تم تغييرها فى الضمان, علما بأن الضمان الخاص بى ينتهى بعد شهر
انا لسه برضه علبة الدركسيون عندى باظت تالت ... فالمفروض هيحددوا ميعاد لتغييرها
--------------------------------------------------
بعض الاخبار اللى عرفتها:
م. محمد عبدالصمد و م. احمد عبدالوهاب انتقلوا للعمل فى ميتسوبيشى
اللى مسك فرع ابو رواش هو م. مصطفى شريف اللى كان مسئول عن الضمان فى السابق, و اللى هيمسك فرع العبور بعد التجديد هو م. حاتم (مدير الاستقبال فى ابور رواش)