المشاركة الأصلية كتبت بواسطة mahmoudselim
طيب يا دكتور محمد ما تخلينا الاول نعيد ترتيب أوراقنا ونشوف كل واحد مننا بيؤيد أية وماذا يعارض لان أنا أعتقد ان الاوراق أتلخبططنا عن
نفسي هبدأ وأقول أني مؤيد "تماما" للمظاهرات المليونية كل يوم جمعة حتي تتحقق جميع مطالب الثورة
1: تطهير الحكومة من كل الرموز السابقين المعروف عنهم ولائهم للرئيس المخلوع حسني مبارك والذين سقطوا مع خلعة.
خلاص اتصفت ومفيش فاضل غير ابو الغيط وفي الحقيقة الجيش اللى بيعمل كل حاجة بدليل الاجراءات اللى اتخذوها النهاردة علشان يرجعوا الناس من ليبيا
واحمد شفيق ومتهيالي ناس كتير بتقول انه كويس وفي نفس الوقت المجلس العسكري هو اللى عينه وفيه قرارات كتير مش بيرضي يتكلم فيها غير لما يرجع لهم الاول
2: سرعة أتخاذ الاجراءات الخاصة ببدأ التحقيقات في مقتل وأصابة الكثير من المصريين وتروييع وأرهاب الاخرين عن طريق فتح السجون وأستأجار البلطجية.
معاك بس لازم تتعمل صح يعني تتجمع الادلة ويتقدم للمحاكمة كل من قام بالقتل سواء عسكري او مدني وبالقانون ويتنفذ فيهم حكم القانون ودي مسئلة وقت ولا يمكن تخلص في يوم ولا شهر حتي
لكن هانتسرع يبقي هايتقدموا للمحاكمة ويطلعوا براءة ا ويروح فيها واحد بس والباقيين يخرجوا وده متهيالي لا انا ولا انت عايزينه
او فيه حل تاني نترك كل من حوله شك للناس في الشوارع يحطوه في قفص في التحرير ويقتلوه ونبقي في عصر الغاب بمعني الكلمة وبردو انا وانت اكيد مش موافقين على كدة
3: تشكيل مجلس رئاسي ممدني عسكري يقوم بتسيير امور البلاد حتي اخر السنة وبالتالي تأخير انتخابات مجلسي الشعب والشوري وانتخابات الرئاسة مما يتيح للشباب او غيرهم من أقامة أحزاب خاصة بهم والدعاية لهم وأيضا من يوجد الان علي الساحة ممن يمكن ترشيحهم لانتخابات الرئاسة ليس بالعدد الكافي يمكن 2 او 3 لذالك من الافضل اعطاء وقت أطول لظهور مرشحين جدد يملكون خطط واضحة لمستفبل مصر أن شاء الله.
معاك في تاخير الانتخابات ومنح مهلة سنة يظبط فيها الجيش الدولة وكل القوي السياسية خاصة الحديث زي الشباب يقدروا ينظموا نفسهم ويعملوا احزاب ويعرضوا برامجهم على الناس علشان يبقي الاختيار سليم واعطاء الفرص لظهور مرشحين جدد
لكن مش معاك في مجلس رئاسي مدني عسكري لان هايحصل خلاف حول الشخصية المدنية البرادعي ولا عمرو موسي ولا واحد من الاخوان ولا واحد من الاقباط وندخل في متاهة الانتخابات
4: توضيح موقف بعض رموز الدولة السابقين وماذا يفعلون الان ( صفوت الشريف , فتحي سرور وعمرو سليمان)
ليس كل ما يفعل يقال والمجلس العسكري نفي تماما قيام عمر سليمان باي نشاط وقال ان مبني الرئاسة مغلق اما صفوت وفتحي سرور فأكيد لهم وقتهم لكن لما يتجمع لهم ورق صح وانت شايف كل يوم بيضاف ناس جدد
5: تعيين وزير مدني لوزارة الداخلية وكشف ما كان يوجد فيها من فساد في أسرع وقت كلما تأخرنا كلما أحترقت وضاعت اوراق و ومستندات هامة تكشف ذالك
زي ما قالك المهندس محمد كدة هايلعبوا بيه الكورة
لازم واحد من وسط الافاعي علشان يعرف يتعامل معاها من غير ما تسممه
والا بعد شهور هاتلاقي وزير الداخلية المدني خارج من الوزارة لابس 50 قضية
.... أنا ضد كل أعمال العنف والتخريب ولا أنضم لأي مظاهرة فئوية تطالب بمطالب خاصة أبدا.