هل دة طبيعي فى سماعات بايونير 400 وات ؟ !!! مشكلة
السلام عليكم ورحمة الله ....
قمت بشراء سماعات بـايونير بيضاوي 400 وات " مش المدورة " بسعر 290 ج بعد الفصال
السماعات تايلاندى .. ويرجى الحذر لوجود فـيتنامى وصيني والاتنين نفس الشكل ونفس العلبة
الفرق فى طباعة كلمة بايونير على السماعة نفسها وطباعة " صنع فى تايلند " على السماعات والعلبة
والفيتنامى والصيني ارخص 80 .. دى كانت معلومات فقط للاضافتها لحضرتكم بعد لف على المحلات .
ندخل فى صلب الموضوع وهو .. هل الاتى طبيعي ام لا
اللى حصل انى وصلت السماعتين على الكاسيت JVC والصوت رائع وزي الفل .. لكن لو شغلت Suber bass
السماعات بتخروش وكأن الكاسيت عالى عليها !! ازاي دى 400 وات !! مش 300 وات !
طيب .. قفلت السوبر بيز وعليت البيز على اخرة Bass = 6 ستة هى اعلى درجة فى الجهاز
الصوت كويس لحد فوليم 30 فقط ... انما 50 الصوت كأن السماعات مش قادرة تطلع البيز .. لما توطى على 30
فأقل الصوت كويس . السماعات مش قادرة على الكاسيت .. دخلت فى الاوبشنز ... فية خيار اسمة
AMP GAIN = Amplifer gain control ودة فية اختيارين وهم : LOW gain و High gain
لو خليت على الـ Low gain الصوت مش هيعلى اكتر من فوليم 30 ومكتوب فى الكتالوج ان الـ Low gain يستخدم للسماعات اللى 50 وات فأقـل ... اما الـ هاي = بيستخدم لسماعات اعلى من 50 وات
لما بستخدم الـ LOW gain مهما عليت الصوت بيكون زى الفل وحلو .. وباردو مفيش سوبر بيز !
علماَ ان السماعات مكتوب عليها ماكس 400 وات .. والاستخدام العادى 80 وات ..4 اوم يعنى كدة كويس
الجهاز : من 4 لـ 8 اوم ... 50 وات لكل سماعة .. فين المشكلة بقى ؟؟
عايز اشغل السـوبر بيز ... هل من حل لة ؟؟؟ اقصى حد لة على ليفل واحد اكتر من كدة الصوت يبوز
عايز اشغل الـ high gain علشان اعلى الصوت اكتر من كدة لان اخرة حاليا 30 .. هل من حل ؟؟؟
هل السماعات مش قادرة على خرج الكاسيت ولا العيب فين ؟ رأيكم يا خبراااء .