طيب ليه ميبقاش مشروع مزدوج ويجمع بين مميزات الفكرتين ( توليد الكهرباء و انشاء ميناء )
ازاى ؟
هنفتح قناه من النيل اللى بسبب الانحدار ومع وجود العنفات هتولد كهرباء ( ودى الفكره الاولى )
ونفتح كمان قناه تانيه من البحر الى المنخفض وبكده هنبقى عملنا الميناء ( ودى الفكره التانيه )
مميزات فكرتى هى
1 توليد الكهرباء هيكون مستمر وبدون مخاوف من انقطاعه عند امتلاء البحيره لوجود التصريف من ناحية البحر
2 الاستفاده من الثروه السمكيه اللى هتبقى موجوده بوفره لوجود اختلاط المياه العذبه مع المالحه زى منطقة لسان رأس البر
3 مع وجود قناه مفتوحه بأستمرار من ناحية البحر هتكون البحيره المتكونه ميناء جبار وممتاز للشحن والتفريغ لهدوء مياهه عن مياه البحر المفتوح مهما كانت حالة الجو
4 البحيره والميناء بداخلها هتبقى قريبه جداٌ لكل المدن المصريه وبخاصه مدن الصعيد وده هيفيد جداٌ فى تنشيط حركة التجاره و خلق فرص عمل غير محدوده لشباب مصر
5 الأراضى اللى هتبقى حوالين البحيره هتعمل كمية مدن جديده غير محدوده من جميع الجهات وهتبقى فيها فرص عمل متنوعه بداءٌ من البناء والأنشائات مروراٌ بالصيد وصولاٌ الى التجاره
6 سهولة انشاء مدن جديده حوالين البحيره لوجود المياه العذبه الازمه للحياه فى البحيره
ده غير فوايد ومميزات تانيه كتير اوى لا يتسع المجال لذكرها
بأمانه اهم موضوع قريته السنه دى واكتر فكره بهرنى مجرد التفكير فى نتائجها ومردودها المليئ بالخيرات على مصر
ربنا يوفق اولى الأمر الجداد الى الفكره دى
( بأمانه تستحق ان تكون مشروع مصر القومى الحالى بدون منازع )
ويا رب ابعد عننا مكر امريكا واسرائيل الفتره الجايه
انا من كتر التفكير فى الموضوع ده مش هنام الليله
المفضلات