ايهما افضل من حيث الكفاءة واسعار قطع الغيار واستهلاك البنزين
هيونداي اكسنت ام فيات سينا؟؟؟؟؟؟؟؟؟
عرض للطباعة
ايهما افضل من حيث الكفاءة واسعار قطع الغيار واستهلاك البنزين
هيونداي اكسنت ام فيات سينا؟؟؟؟؟؟؟؟؟
اكسنت 1300 ولا 1500 و سيينا 1400 ولا 1600
وعموماً بصفة عامة فى رآيى الاكسنت افضل
طيب حضرتك اكسنت 1300 ولا 1500
وياريت عرف رأيك اكسنت ولا اكسيل
بصى انا كنت قريت رد لأخى العزيز كريم منير على سؤالك فى قسم الهيونداى بالنسبة للآكسنت و الاكسيل
وساعتها مالقيتش حاجة زيادة ممكن اضيفها
فعلآ الفروق بينهم بسيطة جداً
الاكسيل تمتاز بالوسع و الثبات على حساب بعض الخشونة و قوة الاحتمال وصعوبة التحكم فى الحجم الكبير
الاكسنت تمتاز بالنعومة و سهولة المرونة والحجم المناسب على حساب عدم الاتزان و الاحتياج دائماً للعناية
واعتقد عنصر الثبات مش هايبقى مهم معاكى اوى و خصوصاً انك مش هتحتاجى سرعات عالية على طرق مفتوحة
فامتحيريش نفسك كتير و بيبقى الفيصل بين العربيات المتشابهة اللى ذى كدة
هى انك اول ماتلاقى حالة ممتازة قدامك (بصرف النظر عن موديل السنة او الموتور) سواء كانت من دى او دى نتيجة معرفة او حد ثقة و تفحصيها او حد يشوفهالك كويس ... خلصى فيها على طول و توكلى على الله .
ربنا يوفقك إن شاء الله.
انا سوقت ال 3 عربيات مع قريبى الاولى اكسيل موديل 98 موتور 1500 كامله والتانيه كانت سينار 1400 بس مش عارف كانت موديل كام بالظبط والثالثه كانت اكسنت 1300 موديل 2006 وللعلم سوقت واحده موديل 2000 كانت 1500 والله اختارى الاكسنت حتريحك فى النعومه والسهوله والحجم وابعادها عبيطه جدااا وحتعرفى تتحكمى فيها حلو عكس الاكسيل او السينا فهى افضلهم وسعر قطع غيارها متوفره ورخيصه ولو عايزه اى سوال عن اى سعر قطعه غيار اقولك عليه مفيش مشكله بس اهم حاجه تجيبها مش ماشيه عداد كتير وتكشفى عليها كويس وهى عيبها وعن تجربه العربيه بتتاخر فى الدواره مش بدور من اول تكه والعفشه بتاعتها بتحتاج تربيط كل فتره قصيره الموبينه بتاعتها بتبوظ بسرعه بس كلها حاجات عبيطه يعنى توكلى على الله وشوفى اكسنت نظيفه وحتدعيلى صدقينى لانها بصراحه انا شايفها انسب عربيه سيدان بعد الهاتش باك طبعا بالنسبه للبنات لان ابعاد العربيه وحجمها سهل جدااا وفى الغرز بقى مش حقولك اوعى وشك يتاكل بيها احسن غرز هههههههههه فابعدها ونعوميتها واطمنى فى موضوع الثبات ده انا اللى مع قريبى واللى تقريبا دايما انا معاه وبسوقها على طول فيها طقم جنوط وكاوتشات اعرض بجيب عليا 160 على الصحراوى وماسك بايد واحده وتحكم فظيع ومفيش اى عومااان والله العظيم وتحكم عالى جدااا مع ان كل الناس بتشتكى من موضوع ثباتها بس والله دى تجربتى معاها بكل امانه ومعلش صدعتكوا
ميرسي جدا جدا سيات باشا ومزاجنجي باشا
بجد انتم كدة ريحتوني جدا وخلتوني اخد القرار وانا حاسة ان مفيش تسرع
ان شاء الله اكسنت
بس ادعولي ربنا يوفقني واجيب حاجة كويسة
وشكرا مرة تاني
والا يهمك ولا شكر على واجب ووالله العظيم نصيحه بكل امانه مش تترددى ثانيه واحده فى الاختيار واكسنت وعلى ضمنتى انا وضمان المزجانجى ضمان دولى معترف بيه فى كل مكان فى العالم هههه وكمان فى البنزين والا ستهلاك كويسه جداا بس مش فارقه عن السينا بكتير بس ده يرجع لطريقه السواقه برضوا والطرق زحمه والا فاضيه والا ايه ودى اسعار قطع غيار الاكسنت ال 1300 الموديلات الحديثه منها
طقم سيور وسير كاتينه 90
فلتر بنزين 15
فلتر هواء 20
فلتر زيت 25
تيل امامى 45
بوجيهات 35
موبينه كامله 125
سلوك اشعال او سلوك بوجيهات 50
ده اللى فكره دلوقتى والعلم الاسعار دى قطع غيار اصلى كورى هيوانداى اصلى مش مضروبه
وكمان تحكمها حلو وناعمه وبتسحب تمام اوووى وفى الركن تمام التمام وابعادها بسيطه جداا وثباتها اللى اختلف فيه مع معظم الناس لحد 160 تمام والا فى اى حاجه وبالنسبه لاختيار سياره نظيفه
احنا جايبين بتاعت قريبى دى موديل 2006 وعداد 10 الف كيلو وسيبك من انك تاخدى ميكانيكى والشغل ده اطلعى على التوكيل احنا عملنا كده فى مركز خدمه معتمد من هيوانداى فى شارع القصر العينى كشف كامل واتكلف 100 جنيه بس اضمن من اى ميكانيكى او كشف بره وبيديكى ورقه مختومه بحاله العربيه من صاج وموتور وعفشه وفتيس واسطوانه وتكيف وكهربا وكل حاجه وده افضل وب 100 جنيه بس ولو فى اى استفسار انا تحت امرك وياريت تقولى المبلغ اللى معاكى علشان لو فى اى حاجه وقعت ادامى ابلغك وكمان عايزاها موديل كام؟ وشكرا
اوك ربنا يوفق فى عربيه حلوه إن شاء الله بس اهم حاجه فى السوق ده تاخدى بالك منها تتفرجى الاول على كل الموجود وتقارنى بينهم وبين الاسعار مش تلاقى حاجنه تعجبك فى الاول تخلصى فيها لا تلفى الاول وتشوفى كل الموجود وتقارنى بين الحاله والسعر وعلى فكره العربيات النظيفه اول لما اصحابها بيبقوا دخلين بيها السوق التجار بتقابلهم وهما داخلين فى الاول وياخدوها ويكسبوا فيها ونصيحه مش تاخدى عربيه من السوق من تاجر خديها من صاحبها لان كل التجار نصابين وده عن تجربه ومش يخدعك كلام البايع والا انه على قد حاله ودى عربيه واحد بيبعها ليه ومش كسيان هو حاجه والكلام ده كله وحولى على قد متقدرى مش تشترى من تاجر ابداااااا وده عن تجربه بجد