من أول السطر ( ننتخب مين )

**Ahmed Sharaf** · 24-02-2011 10:04 AM

بالأمس إستمعت لبرنامج " من أول السطر" ليسري الفخراني على راديو مصر.
في نقطة من كلامة عجبتني وحبيت نشارك بعض فيها:

كان سؤاله ليه منفكرش مع بعض اية المواصفات اللي كلنا محتاجينها سواء في رئيس الجمهورية ـو اعضاء مجلس الشعب.

طالما إن إن شاء الله الإنتخابات تكون نزيهة تحت إشراف قضائي وإشراف الجيش, وبما إن الإنتخاب هيكون بإذن الله عن طريق الرقم القومي.

سيبقى نفكر من الآن عن المواصفات والمتطلبات العادلة ( اي ليس شخصية بعينها ), التي نرجو تواجدها في المرشح سواء للرئاسة أو مجلس الشعب , والتي بناء عليها ربنا يكرمنا ونقدر نختار من يمثلنا من الشعب.

وعلى فكرة, أنا شايف إن فية زملاء كتير من المنتدي يصلحوا للترشيح ... ولو عملنا إنتخاب لأحد الاعضاء من الممكن يكون ممثل لينا.

يلا بينا نبدأ.

**human** · 24-02-2011 10:22 AM

يسرى الفخرانى بيجيبلى الضغط و السكر
ماعلش بس مش بعرف اركز و بيجيلى زغلله فى العين لما اسمع اسمه

**Ahmed Sharaf** · 24-02-2011 10:51 AM

المشاركة الأصلية كتبت بواسطة human12

يسرى الفخرانى بيجيبلى الضغط و السكر
ماعلش بس مش بعرف اركز و بيجيلى زغلله فى العين لما اسمع اسمه

حضرتك أنا لما كتبت اسمه , لان دي فكرته , وانا ما احبش انسب افكار لنفسي.
ممكن جداً ان يكون شخص بتتضايق منه , لكن ممكن يكون عندة فكرة كويسة.
بمعني آخذ اللي كويس من اللي بتعارض مع فكرة أو شخصة.

إسرائيل كلنا بنكرهها مش بس بيجيلنا ضغط منها, هل معني كدة اننا نقول هي بتصرف علي البحث العلمي يبقى بالتالي إحنا مش هنصرف علية لاننا بنكرها أو أي حاجة هي بتعملها وتكون كويسة يبقي نبعد عنها!.

على العموم حاول متشوفش اسمة وفكر في الفكرة نفسها, هل هي سيئة؟

**human** · 24-02-2011 11:11 AM

الموضوع طرح كثيرا من قبل
و الاتفاق انه يكون نظيف اليد و الغالبيه تنادى بدوله برلمانيه

يعنى رئيس ذو صلاحيات محدوده يراقبها مجلس الشعب

**M.Mosaad** · 24-02-2011 11:41 AM

مصر محتاجه اصلاح سياسي و اقتصادي سريع الفتره اللي جايه يبقي اعتقد الرئيس القادم لازم يكون من الاشخاص اللي عندهم افكار اقتصاديه و سياسيه متقدمه و مش الافكار اللي من نوع رفع الحد الادني للاجور و القضاء علي البطاله و محاربة الفساد محتاجين برامج محددة و كلام علمي سليم

يعني محتاجين نعرف مثلا هنبطل نستورد قمح امتي و ازاي

هنجذب الاستثمارات الاجنبيه ازاي و نبقي دوله مصنعه للسلع مش بس مستهلكه او مجمعه ليها

من الاخر واحد كدة زي مهاتير محمد عندة افكار و قادر علي اختيار الناس اللي تنفذ طموحاته و طموحتنا و الشعب كله وراه

**ahmedjumpo** · 24-02-2011 12:04 PM

المشاركة الأصلية كتبت بواسطة m.mosaad

مصر محتاجه اصلاح سياسي و اقتصادي سريع الفتره اللي جايه يبقي اعتقد الرئيس القادم لازم يكون من الاشخاص اللي عندهم افكار اقتصاديه و سياسيه متقدمه و مش الافكار اللي من نوع رفع الحد الادني للاجور و القضاء علي البطاله و محاربة الفساد محتاجين برامج محددة و كلام علمي سليم

يعني محتاجين نعرف مثلا هنبطل نستورد قمح امتي و ازاي

هنجذب الاستثمارات الاجنبيه ازاي و نبقي دوله مصنعه للسلع مش بس مستهلكه او مجمعه ليها

من الاخر واحد كدة زي مهاتير محمد عندة افكار و قادر علي اختيار الناس اللي تنفذ طموحاته و طموحتنا و الشعب كله وراه

+++++++++++++++++1
الله ينور هو ده اللى احنا محتاجينه برامج و كلام علمى و ليس مجرد وعود