الموضوع: هذا الاسم لا يجب ان يبقى

انجاز عهده ده اتعمل من المال العام حضرتك مش من جيبه
ماحدش فينا مدين له بحاجة , على العكس هو اللي مدين لنا بالمليارات اللي سرقها من مال الدولة اللي هو مال الشعب اللي مفروض انه كان مؤتمن عليه و هو خان الأمانة

المشاركة الأصلية كتبت بواسطة moh.abdelbaset

عارف إنه مش من جيبه
بس اتعمل في عهده..يبقى يتحسب له
السد العالي من إنجازات عبد الناصر رغم إنه مش من ماله و مشاركش في بنائه
حرب أكتوبر تحسب للسادات رغم إنه ممسكش سلاح على الجبهة
و الضربة الجوية تحسب لمبارك رغم إنه ماساقش طيارة في الحرب
و لم أقل إن احنا مدينون له أو أنه لم يسرق من أموال المصريين

عبد الناصر ما سرقش اموال الشعب و ما قتلهمش في الشوارع , و ما اتخلعش
و اظن عبد الناصر لما توفاه الله خرج الألاف او الملايين لتشييع جنازته , مش زي واحد خرج الملايين عشان يطردوه من البلد
اما عن الضربة الجوية فمن حقك تحسبها له , رغم ان الحرب نفسها كان اسمها حرب اكتوبر مش حرب السادات , و الخطة نفسها اللي عملها الشاذلي الله يرحمه و ظلمه المخلوع و توفاه الله قبل تنحي المخلوع بيوم , و ما شفتش حد بينسب الحرب للشاذلي مثلا , و رغم ان المصريين اللي قتلوا في عهده سواء بالاهمال و الفساد او بأجهزته الامنية اكتر بكتير اوي من الاسرائيليين اللي قتلوا في الضربة الجوية

عموما من حقك زي ما تحب , بس انا عن نفسي شايف ان ده مش صح و مؤيد بشدة لخلع اسمه من كل مكان في مصر و محاكمته على كل جرايمه كمان