حد جاتلوا الرسالة بتاعت من مركز اسمه auto tech بتاعة الصيانة امبارح
انا كلمتهم و قالولى انهم مركز معتمد للصيانة(الله اعلم هل صحيح ولا لأ) فى جسر السويس و عملين عرض حاليا تغير زيت و فلتر مجانا و كمان المصنعية مجانا
باعتقد ان الرسالة لازم تيجى للناس اللى بتعمل صيانتها فى التوكيل
انا باحاول اكلم التوكيل من امبارح مفيش حد بيرد :_Alshmokh08[1]: عشان اتأكد اذا كانوا معتمدين ولا لأ
http://www.nilemotors.net/Nile/Arabi...t-bot-left.gif
مساء الفل يا باشا
ممكن ارسال رقم تليفون المركز دة
انا فعلا بعمل الصيانة فى التوكيل لحد ما وسطى اتقطم
نمرة جسر السويس كام يا جماعة حد يرد علينا .. مش هيبقي هنا و في التوكيل يعني
عميلنا العزيز آلآن بآبو روآش وحتى 12 مارس خدمه تغير الزيت مجانيه وكشف عام على السيارة وخصم 30 % للكماليا وللحجز 16224
دة الرسالة اللى جاتلى من بريليانس نفسها .
يا جماعة الخبر اليقين
انا اتصلت بالتوكيل الرئيسي بتاع القاطمية و اكدوا فعلا انه مركز معتمد ,
نص الرسالة: نذكركم بالصيانة المجانية و تغير زيت و فلتر مجانا حتى 28 فبراير 0140222262
افرحوا يا رجالة
الله اعلم شكل الكتابة ازاى عشان انا اول مرة استخدم الموقع عن طريق الموبيل
انا حجزت يوم السبت ان شاء الله لصيانة ال 40.000 وان شاء الله هحكى عن التجربة هما قاللولى هتتكلف حوالى 650 جنيه طبعا انتوا عرفين انى سألت فى التوكيل و قالوا 1400 جنيه
ايه رأيكوا ???????
we hope that
السلام عليكم و رحمة الله و بركاته
زى ما وعدت انى احكلكوا عن التجربة
لسة جاى من مركز اوتو تك
رحت و سلمت العربية حوالى الساعة 12:15 و استلمتها على
3:00
الناس قمة فى الذوق و الأدب بداية من فرد الأمن لحد المهندس مصطفى (مهندس الأستقبال)
م/مصطفى استقبلنى و خد بيانات العربية و بعديها ادانى شرح وافى كافى عن صيانة ال 40.000 و ايه اللى هيحصل بالظبط و كل ده بمنتهى الأحترام
وبعد كدة طلع معايا عشات يستلم العربية و قعدنا نكلم عقبال مكتب التقرير بتاعه و حكتلوا عن نايل موتوزر و منتدانا العزيز و الراجل كان مرحب جدا بينا
المهم رحت قعدت فى صالة الأنتظار و مفيش دقيقتين لقين عامل البوفيه جاى صاروخ عليا (تشرب ايه يا باشا)
قعدت منتظر طول الوقت بدردش مع كام شخص محترم عن قطع غيار العربية و الثورة و..............
على الساعة 2 لقيت م/مصطفى بيندهلى و قلى تيل الفرامل محتاج يتغير عشان متاكل- قلتله توكل على الله اصل مغيرتهوش قبل كدة خالص و الطبيعى انه بيتغير على ال 45.000 او ال50.000 الف
بالظبط على 3 لاقيت م/ مصطفى بيناديلى و قلى كله تمام و العربية جاهزة - المهم رحت للمحاسب دفعت و خلصت و كل ده و م/ مصطفى معايا و فضل معايا بيقولى لو اى حاجة كلنا تحت امرك – وفة الأخر خدت رقم موبيله الشخصى
و فى الأخر ادانى ميداية شيك بتاعى زيت Hilux
التجربة بصفة عامة من وجهة نظرى جيدة جدا مش واو بس كله مشى تمام و الحمد لله
كله اتكلف 963 جنيه ده طبعا بالتيل يعنى من غير التيل حوالى 670 جنيه بالضرائب و ده كويس على صيانة ال40.000 اللى فى التوكيل ب 1400 جنيه و حاليا ب 1700 لأنى كلمتهم تانى أتأكد انهاردو و قالوا اتها ب 1700 و حاليا ب 1400
تعرف ركبولك تيل نوعة ايه؟ هل هوهو الرمسا الاسبانى بتاع التوكيل الرئيسى اللى بيصفر
ممكن نعرف المركز إللى حضراتكم تتكلموا عليه ده لصيانة ماركات إيه ؟
المشاركات مش واضح منها لا تخصصه ولا عنوانه ولا تليفونه .
نرجو المشاركة مع الشكر
التيل الرمسا الاسبانى بتاغ التوكيل بس لحد دلوقتى الحمد لله مبيصفرش نهائى
الصيانة لماركات بريليانس و ماهيندارا و جريت وولاقتباس:
المشاركة الأصلية كتبت بواسطة mesaharaty
فى جسر السويس 0140222262
السلام عليكم اعرفكم بنفسي انا المهندس/ مصطفي محمد مدير صيانة المركز الي بتحكوا علية غير مهندس مصطفي مهندس الاستقبال انا حبيت اشركم علشان لو اي حد عندو مشاكل تخص المركز او السيارة انا في الخدمة و تحت امركم لو عيزين اي معلومات ممكن اساعدكم و اتمني ان الخدمة تعجبكم و نستمر كدة.