صباح الفل والورد والياسمين علي اجمل اعضاء وفرسان شيفورلية المحترمين
انا عايز اسأل اية الي ممكن يحصل للضمان لو الواحد مستخدمش العربية وطبعا دة لوجود عربية تانية ودة لغرض المحافظة علي العربية الجديدة واستخدمها للمشاوير المهمة بس :rfds:
عرض للطباعة
صباح الفل والورد والياسمين علي اجمل اعضاء وفرسان شيفورلية المحترمين
انا عايز اسأل اية الي ممكن يحصل للضمان لو الواحد مستخدمش العربية وطبعا دة لوجود عربية تانية ودة لغرض المحافظة علي العربية الجديدة واستخدمها للمشاوير المهمة بس :rfds:
إسمحلي أرد عليك..
في ضمان أي عربيه بيكون محدد لحضرتك عدد كيلومترات محدد..أو في فتره معينه...
يعني تعمل الصيانه مثلا كل 10.000 كم أو مثلا 6 شهور...
فلو المده المحدد حتفوت وحضرتك ممشيتش بالعربيه المسافه المذكوره..روح و ‘مل صيانتك بردو مش حيضر.و ده حفاظا على الضمان..
واللـــــه أعلم
السؤال كان بيتكلم عن حتة معينة و الاجابة اتكلمت عن حتة تانية فا انا حتكلم عن الاتنين
ضمان اى عربية بيبقى عدد محدد من الكيلومترات و فترة زمنية محددة... قطع الكيلومترات المحددة او انقضاء المدة المحددة (ايهما اقرب) بينتهى معاه الضمان
موضوع الصيانات الدورية برضة محدد بيكلومترات ووقت... لو الوقت بتاع صيانة معينة جة و كانت العربية ممشيتش الكيلومترات المحددة يبقى لازم تعمل الصيانة برضة لان الزمن عامل مهم فى عمر مكونات السيارة مش بس الكيلومترات
MMamdouh
اولا انا يشرفنى جدا وجود حضرتك معنا في قسم شيفورلية
وثانيا بشكر حضرتك جدا لاهتمامك
ثالثا فعلا معلومة مهمة جدا موضوع العمر الافتراضى لااجزاء السيارة
وبعدين انا كمان بشوف ناس كتير ركنين عربيتهم وميستخدمهاش غير في السفر بس مع العلم انها عربيات متميزة يعنى اكيد مش بسهولة الوقت يأثر علي ادئها:w6266d:B4_388:
الموضوع ملوش دعوة بتميز العربية لان دى طبيعة فى المكونات نفسها
اى عربية فيها سيور كاوتش لازم حتتاثر بالزمن حتى لو ما اشتغلتش و لازم تتغير
اى عربية فيها سوائل بتتغير خواصها الكميائية بالوقت و لازم تتغير
اى اويل سيلات او جوانات و خلافة بتتاثر بالوقت برضة و حتبقى عرضة للتلف حتى لو ممشيتش كيلومترات كتير
الموضوع دة يحس بية اللى كان رافع عربيتة كذا سنة... اول ما ينزلها و يستعملها حيلاقى حاجات كتير بتتلف بالرغم من انها مشتغلتش كتير
MMamdouh
اهلا بيك با باشمهندس منور القسم
طبعا مافيش كلام بعد كدة بس ازيد جزء صغير
بالنسبة لشيفورلية
الصيانة 5000 او 4 شهور ايهم اقرب
و حتى لو العربية ما مشيتش لازم تروح التوكيل للحفاظ على الضمان
و طبعا انك تضحى بالضمان دة شىء راجع ليك
و بالتوفيق فى القرار السليم