حدث الان فى ميدان الجزائر فى المعادى - ظابط شرطه و سائق ميكروباص

**ashouhdy** · 24-02-2011 09:17 PM

لأ بقى كدة كتير

اللى يغلط يتحاسب واللى غلط يتحاسب

مش نطلب من كل الضباط انهم يهدوا الموقف عشان الظروف الحالية ؟؟؟؟!!!! كل يوم السواقين والصيع والبلطجية بيتفرعنوا وايدهم بتنشف اكتر و اكتر

كل يوم يعدى من غير شرطة بيزيد العنف 10 ايام قدامة

كلنا عارفين ان فى ضباط زبالة

لكن فى ناس كويسة ..

لو الضابط كان غلط فعلا يتعاقب لكن مش يتقتل ولعقابة يكون فى الشارع عشان هو ضابط ... لأ كدة غلط ... الضابط اللى يغلط يتحاكم ... على الاقل الضابط ممكن تتكلم معاة لكن البلطجى لأ

مش معنى كلامى انى مع التصرفات الغلط بتاعتهم لأ والف لأ .... بس برضوا خليكوم فاكرين ان اللى حيركب موجة قتل الضباط هم المسجلين خطر

لو المنطق دة مشى فى البلد الضباط حيتساقطوا ذى الذباب قدام مبيد حشرى اللى هو الصيع

ماكل واحد يقتلة ضابط ويعور نفسة ويقول اصلة ضربنى

ووقتها قول على مصر يارحمن يارحيم ... بجد فوقوا

**megamoudy** · 24-02-2011 09:31 PM

المشاركة الأصلية كتبت بواسطة donzi

للأسف جنون العظمة اللي عند الضباط هايقضي عليهم واحد ورا التاني

لأن ببساطة كلنا عارفين سواقين الميكروباصات و سلوكهم و كل اللي بيحترم نفسه مابينزلش لمستواهم و بيتحاشاهم انما سيادته بقى ضابط قد الدنيا ازاي يسمح لسواق ميكروبص كان زمان بيشده على القسم و يظبطه او حتى يبهله في وسط الشارع و محدش يقول بم ازاي يهزقه ولا يرد عليه الند بالند

و بعدين للناس اللي بتقول ان الضابط كان بيدافع عن نفسه طيب هوا مكنش يقدر يعني يضرب السواق في رجله ولا لازم رقبة او صدر عشان يفش غله و الضابط دا لو كان عنده ذرة من المسئولية كان لم الدور نظرا للظروف الحالية اللي في البلد لكن طبعا جنون العظمة ماسمحلوش يعمل كدا

عموما الظباط كلهم حاليا غير متزنين نفسيا خالص و يا عالم هايرجعوا يشتغلوا تاني ازاي

+111111111

بالظبط الغلط من الظابط ماهو دماغ السواقين دماغ وسخة سوري ف اللقظ هنزل لمستواهم

انا في ناس بتشتمني وانا سايق منا لو بقى زيهم هنزل ارود عليهم

ليس الشديد بالصرعة ولكن الشديد الذي يملك نفسه عند الغضب

**heshamzaky** · 24-02-2011 09:47 PM

فى التيليفزيون برنامج رولا الخرسا . مداخلة تيليفونة من والدة الظابط و هى طبيبة و الظابط يعمل فة قوات الامن المركزى و لة أخ فى سنة ثانية أعدادى والدتة قالت أنة كان ذاهب تقريبا للعلاج لانة كان مصاب بخلع او حاجة زى كدة و هو بيؤدى واجبة مش فى المظاهرات خالص و هو من سكان المنطقة و قالت ان السيارة التى يركبها مميزة نسبيا و لذلك سائقين الميكروباص يعرفونة من قبل و هو لم يمت و لكنة مصاب بكدمات من كمية الضرب الى اخذها و اغمى علية لذلك الناس ظنت انة مات و لكنة حى لم يموت و السائق أيضا حى لم يموت

**د.أبونضال** · 24-02-2011 09:56 PM

حتى لو تعرض الضابط للشتم والضرب لا يجب أن يشهر سلاحه الميري أبدا في وجه مواطن، سلاحه الميري هذا منحته له الدوله ليحمي المواطنين لا ليحمي نفسه.
ثم أنت تعرف جيدا أن السادة الضباط يتمنون لو تسير تشريفة بصحبة سيارة كل واحد منهم، أنا أراهم بعيني يكلكسون إذا تجرأ عسكري مرور وأغلق الإشارة وهم قادمون ويسبونهم بأفظع الألفاظ ليفتحوا الإشارة. حتى لو كان السائق مخطئ رجل القانون يجب أن يكون أول من يطبق القانون ويحترمه، لا لشريعة الغاب.

**tito17182** · 24-02-2011 09:57 PM

المشاركة الأصلية كتبت بواسطة shnory

بس كفايه علي الشرطه كده
ملهومش لزمه في البلد

+11111111111

**M7amD_7amDy** · 24-02-2011 09:59 PM

المشاركة الأصلية كتبت بواسطة dr-mohamed

اما البهوات اللى ميسوطين ان سواقين الميكروباس قتلوا الظابط ونفذوا القانون بايديهم فمش هقول يا رب كل واحد منكم قبل نهاية الاسبوع يقع في مشكلة مع سواقين الميكروباس ونبقي نشوف هايحصل له ايه
لا هقولكم افتكروا سواقين الميكروباس هما مين وكانوا وما زالوا بيعملوا فيكم ايه

شكرا

وأوعدك لو ده حصل قبل نهاية الاسبوع او بعده حتى هبلغك بالنتيجة

وهتعرف الفرق بين الظابط واى واحد تانى محترم من بقية الشعب

**tito17182** · 24-02-2011 10:04 PM

المشاركة الأصلية كتبت بواسطة نور القمر

يعني عشان نسبة الغير محترمين من الظباط ممكن تكون اعلى من المحترمين نعتبرهم كلاب جربانة والشاطر اللي يخلص على اكبر عدد
انا لما شوفت الموضوع في الاول استنكرت اللي عمله الظابط وقولت يستاهل بس مش لدرجة القتل
بس لما فكرت شوية تخيلت انا السيناريو ممكن يكون معكوس وكان بيدافع عنه نفسه خصوصا ان الجميع متربص لهم
احنا مش في غابة واللي يقدر على حاجة يعملها بدراعه
احنا في مرحلة بنحاول ننهض بنفسنا ونرتقي لمستوى الدول المتقدمة ولازم القانون ياخد مجراه والمخطيء يتعاقب عقاب الرادع عشان يكون عبرة للغير
سواء المخطيء كان الظابط او السواقين لازم يكون عقابه عسكري واشد من اي عقاب سابق في حالات مماثلة

كفاية تخيلات بقه هو حضرتك مشوفتيش واحد ذي أحسان عبد القدوس وهومة سحلينو بتوع الشرطة
احنا بندافع عن مين المعادي كلها عرفا مين ال ظابط دة يا جماعة