الموضوع: حدث الان فى ميدان الجزائر فى المعادى - ظابط شرطه و سائق ميكروباص

المشاركة الأصلية كتبت بواسطة moh.abdelbaset

دي بقت غابة
يعني يختلفوا على أولوية المرور فالضابط يقتل سواق الميكروباص
و يعني إيه الأهالي يقتلوا الضابط
و دم الضابط في رقبة الأهالي و هيتحاسبوا عليه أمام الله

انتخابات ايه بأه اللي هتقام في وقت زي ده و فيه الاحداث ديه
أولوية الجيش و الشرطة هي الأمن و إحكام البلد أمنياً
و بعدين نحقق في دم الناس الذي يسال كل يوم تقريباً

يا رب فرج هذا الكرب

=========
هو الاحكام الامنى انه يضرب الناس بالرصاص

مش كفاية انهم حارمين الناس من امتلاك سلاح للدفاع عن النفس

ربنا على الظالمين

هما كلمتين الله يأخذهما ---- صنفين أقذر من بعض

المشاركة الأصلية كتبت بواسطة om mohammed

هما كلمتين الله يأخذهما ---- صنفين أقذر من بعض

ياريت بس نقول اللى مش محترم منهم و منجمعش انا عارف ان المحترمين قليلين جدا بس برضه مندعيش عليهم اما بقى اللى مش محترمين نقول:
اللهم اضرب الظالمين بالظالمين و اخرجنا منهم سالمين

المشاركة الأصلية كتبت بواسطة tamer_a7

وطبعا تعليقاتنا كلها علي اساس ان سائقي الميكروباصات الملائكه اللي ماشيه علي الارض
يعني هو الظابط بس اللي غلطان انما سواق الميكروباص وزمايله اللي اتجمعو علشان يقطعو الظابط طبعا ملايكه
تفتكرو ظابط في الظروف اللي احنا فيها والقلق اللي علي الداخليه هيعمل حاجه كده الا لو كانو هيموتوه فعلا
مجرد وجهه نظر

==

تخمين منى
السواقين اتلموا علي الضابط لما ضرب السواق بالمسدس

وده طبعا اللى بيغيظ
بالذات لانه لابس مدنى - لانى العربية الى كانت معاه ملكى - ورغم كده معاه مسدسه
هو مش المفروض انه لما -يقلع اللبس الميري - مفروض يركن كمان مسدسه الميري

لو احتفظ بمسدسه وهو لابس مدنى --ففى هذه الحالة يحق لكل مدنى انه يكون معاه سلاح
للمساواه فى المعادلة والمعامله
وعلى فكرة من وجهة نظرى
اذا تواجد السلاح مع الاشخاص العاديين للدفاع عن فقط فلن يكون الامر مرعب
لكن هيخلق نوع من التوازن
زى التوازن النووى ( دول عندها سلاح ورغم كده عمرها ما هتستخدمه مثل الهند وباكستان )
طبعا مع الفارق الضخم -- فقط لتوضيح ما اود قوله

المشاركة الأصلية كتبت بواسطة Egyzizo

الكــلام مش عاجبنى خالص ..
يا جماعة بلاش التعميم ..
احنا عارفين ان فيه ظباط سيئين جداً ، وكذلك عارفين ظروف سواقين الميكروباصات.
وكمان عارفين ان كل حادث له ظروفه
فاستنوا لما نعرف التفاصيل ولا داعى للأحكام المسبقة المبنية على سمعة كل مهنة.
وياعالم ممكن الظابط يطلع مظلوم واضطر يطلع سلاحه لأنهم لما عرفوا انه ظابط أرادوا الفتك به ، وممكن يطلع من عينة ظباط البلاك ليست.

المشاركة الأصلية كتبت بواسطة ahmedsamir5edr

ههههههههههههههههههههههههه ههههههههههههههههه

لا مش حقد أبدا ( ممنوع دخول قسم المرسيدس أو بي أم هنا .. علي جميع أعضاء سكودا و فولكس أيضا توخي الحذر )

في حاله الأصرار علي الدخول .. يا ريت اثبات ان فلوس العربيه حلال .ز ( و أيضا اقرار الذمه الماليه )
دانتا شايل منهم اوي .. حضرتك مين عشان تحكم عليهم حكم مطلق ؟؟ و ان كلهم داخلين بالواسطه و الكوسه ؟؟

حضرتك مين عشان تقول أن أمثال الشهيد / محمد عبدالكريم المتناوي ( النقيب ) اللي رفض ان يشوف ( سواق ميكروباس ) خاكف بنت و هيغتصبها .. و أشتبك معاه و أستشهد !!

علي الرغم من أن الشهيد كان لوحده

بالمناسبه سعر الدودج بعد الجمارك و كل حاجه 325.000

ثم أن ده ملازم أول ( يعني مركوب من كل اللي فوقه .. لا لحق يعمل نصبايه و لا بتاع )

المشاركة الأصلية كتبت بواسطة أحمد كمال

نعم لاحلال قيادات الشرطة بقيادات القوات المسلحة و لو انتداب مؤقت لمدة سنة او اتنين لحد ما الوضع يتظبط و المرضى النفسيين دول يتعالجوا

يا ريت بقى عشان تنضف

وزير الداخلية يبقى ضابط جيش

عميد اكاديمية الشرطة يبقى ضابط جيش

مديرين الامن يبقوا ضباط جيش

رؤساء قطاعات الداخلية يبقوا ضباط جيش

مامور القسم و وحدة التراخيص في المرور يبقى ضابط جيش

الخ الخ الخ

و يشغلهم - ضباط الشرطة - زي الساعة السويسري و يحاسبهم بما يرضي الله و اللي يتعوج عالمحاكمة العسكرية ....

و الله ساعتها هتنضف

وظابط الجيش بكتيره كام شهر ويبقى أسوء منهم ههههههه أكيد هايلعبو بيه ماهو ماعندوش فكرة عن دواخلهم ودهاليزهم الأصلاح لازم يجي من جوه الجهاز نفسه

المشاركة الأصلية كتبت بواسطة ashouhdy

الحل فى تطبيق القانون

على المواطن والضابط والحرامى

لما التلاتة يلاقوا ان تطبيق القانون واحد عليهم محدش حيغلط لما الكل يكون واحد قدام القانون وكلة سواء كلة حينصلح

------ تطبيق القانووووووووووووووون ------

المشاركة الأصلية كتبت بواسطة heshamzaky

فى التيليفزيون برنامج رولا الخرسا . مداخلة تيليفونة من والدة الظابط و هى طبيبة و الظابط يعمل فة قوات الامن المركزى و لة أخ فى سنة ثانية أعدادى والدتة قالت أنة كان ذاهب تقريبا للعلاج لانة كان مصاب بخلع او حاجة زى كدة و هو بيؤدى واجبة مش فى المظاهرات خالص و هو من سكان المنطقة و قالت ان السيارة التى يركبها مميزة نسبيا و لذلك سائقين الميكروباص يعرفونة من قبل و هو لم يمت و لكنة مصاب بكدمات من كمية الضرب الى اخذها و اغمى علية لذلك الناس ظنت انة مات و لكنة حى لم يموت و السائق أيضا حى لم يموت

طلع خبر فشنك يعني مش عارف ليه الناس مش مصدقة أن الأعلام في معظمه وعلى مستوى العالم بيحب يحط شوية تحابيش لزوم الأثارة

المشاركة الأصلية كتبت بواسطة د.أبونضال

حتى لو تعرض الضابط للشتم والضرب لا يجب أن يشهر سلاحه الميري أبدا في وجه مواطن، سلاحه الميري هذا منحته له الدوله ليحمي المواطنين لا ليحمي نفسه.
ثم أنت تعرف جيدا أن السادة الضباط يتمنون لو تسير تشريفة بصحبة سيارة كل واحد منهم، أنا أراهم بعيني يكلكسون إذا تجرأ عسكري مرور وأغلق الإشارة وهم قادمون ويسبونهم بأفظع الألفاظ ليفتحوا الإشارة. حتى لو كان السائق مخطئ رجل القانون يجب أن يكون أول من يطبق القانون ويحترمه، لا لشريعة الغاب.

أزاي يعني مش فاهم ...........أمال يسيب نفسه الناس تموته ولا أيه يعني أمال السلاح معاه ليه مش علشان يحمي نفسه والناس من البلطجة

المشاركة الأصلية كتبت بواسطة Moh.Abdelbaset

الحمد لله أنهم أحياء
و ربنا يعدي الأيام دي على خير
أمين يارب العالمين

يعنى لما يكونوا اتنين بيتخانقوا فى الشارع ولابسين ملكى وواحد طلع مسدس وضرب التانى هل من المفروض انه الناس تقف تتفرج وتشجع كمان؟
وهل من المفروض انه الظابط يستخدم المسدس الميرى لغير ما خصص له ويضرب بيه اى انسان مهما كان علشان خلاف شخصى بينه وبين هذا الشخص؟
وهل علشان سواقيين الميكروباص بلطجية وقليلى الادب يبقى كل لما واحد منهم يعمل مشكلة نموته ونخلص منه؟
ده اصبح قانون الغابة والبلد كده هتولع وموش هتبقى بلد
معلوم انه سواقيين الميكروباص اكتر ناس بيعانوا من الشرطة زى فرض اتاوات وغرامات وهمية والظباط يبعتوهم يشتروا ليهم اكل وما يدفعوش ثمنه كمان وياخدوا منهم الميكروباصات يلموا الناس فيها لما بيعملوا حمله والناس عارفة كدة
وبالتالى رد فعل السواقيين منطقى جدا لكى يثاروا لانفسهم من سفالة الظباط
لابد فورا من اقالة وزير الداخلية
وتعيين شخص له رصيد عند الناس من امثال اللواء احمد رشدى
حل جهاز مباحث امن الدولة
الغاء قانون الطوارئ
ماذا والا هتبقى مدبحة بين الشعب والشرطة
اللهم قد بلغت اللهم فاشهد

خلاصة الكلام

السواق ده شتمه بأمه إستفزه أقصى إستفزاز
عمله إييييييه

ظابط الشرطه ( ربنا يعافيه و يرحم السواق لو مات ) ما كنش ليه أبداا الحق و بالذات في الظروف دي إنه يضرب نار وسط الناس

و الله لو إيه طالما اللي قدامه مش مسلح


الشرطه محتاجه إعادة هيكله في أسرع وقت

للاسف ضابط الشرطه هو المنوط به ضبط النفس مش سواق الميكروباص

إزاي بقى يضرب نار وسط الناس العاديه ده تخلف بجد

أنا عمري ما إتعرضت لإهانه من ضباط الشرطه و الأمناء إلا دفع رشوة بس الواحد كان بيشوف بيعملوا إيه مع سواقين الميكروباص ( عارف إن في منهم زباله كتير برضه )

للأسف الداخليه تجني ما زرعته من تعذيب و خوف و ترهيب

و لسه وزير الداخليه بيتكلم على المندسين !!!!!!!!