حدث الان فى ميدان الجزائر فى المعادى - ظابط شرطه و سائق ميكروباص

**Moh.Abdelbaset** · 24-02-2011 04:16 PM

دي بقت غابة
يعني يختلفوا على أولوية المرور فالضابط يقتل سواق الميكروباص
و يعني إيه الأهالي يقتلوا الضابط
و دم الضابط في رقبة الأهالي و هيتحاسبوا عليه أمام الله

انتخابات ايه بأه اللي هتقام في وقت زي ده و فيه الاحداث ديه
أولوية الجيش و الشرطة هي الأمن و إحكام البلد أمنياً
و بعدين نحقق في دم الناس الذي يسال كل يوم تقريباً

يا رب فرج هذا الكرب

**hossaam** · 24-02-2011 04:17 PM

كانوا زمان بيقولوا امسك حراااامي والناس تجري وراه..

دلوقتي

لو حد عاوز ينتقم من واحد...
يشاور عليه ويصرخ ويقول الحقوووووني ضااااابط...
والناس مش هتقصر...

شر البلية ما يضحك...بس الموضوع كده خطر جداااا...
كده الصيع والمجرمين هيرتعوا...وفي المقابل الشرطة هتتراجع اكتر واكتر
واحنا كلنا الخسرانين

**mody_halawa** · 24-02-2011 04:17 PM

مش هيجيبوها لبر ابدا النوعية دى من الظباط

**تامر.محمد** · 24-02-2011 04:21 PM

المشكلة الحقيقية انهم بدل ما يصالحوا الناس بمحاكمات مباشرة و سريعة للقادة السابقين , قضوها لقائات كل هدفها يحسسوا الناس ان الدنيا ما تنفعش من غير شرطة مع شوية وعود و خلاص
المبدأ صحيح , بس مش كافي لأن الناس تنسى اللي حصل , ولا كافي لرجوع الهيبة للشرطة
و جه وزير الداخلية الجديد خربها خالص في اللقاء اللي فات لما أثنى على اللي عملته الشرطة يوم 25 و يوم 28 و قال انهم ما غلطوش
دي كأنها دعوة مباشرة لأي حد انه ياخد حقه بدراعه , دعوة للفوضى يعني
و المصيبة ان اللي هايتظلم فيها الكل باستثناء القادة دول

ادي ظابط شرطة اهو طلع غله في سواق مكروباص غالبا عامله بقلة ادب
و ادي الناس عملوا اللي قدروا عليه في الظابط ده طالما مش هايتحاسب بقى
ده غير بقى ظباط الشرطة المحترمين بجد , رغم انهم مفروض مش كتير , الناس طبعا بتعامل منظومة الشرطة ببيتعاملوا وحش جدا , برده دول ضحايا

**heshamzaky** · 24-02-2011 04:22 PM

كان مكتوب على صحيفة الدستور ان الى أتقتل أمين شرطة مع الظابط مش الظابط

**itsonlyme** · 24-02-2011 04:26 PM

المشاركة الأصلية كتبت بواسطة hossaam

انا يتهيأ لي بالطريق دي
لو حد عاوز ينتقم من واحد...
يشاور عليه ويصرخ ويقول الحقوووووني ضااااابط...
والناس مش هتقصر...

كانوا زمان بيقولوا مسك حراااامي :)

شر البلية ما يضحك...بس الموضوع ده خطر جداااا...
كده الصيع والمجرمين هيرتعوا...وفي المقابل الشرطة هتتراجع اكتر واكتر
واحنا كلنا الخسرانين

تعمل ايه بس يا أستاذ حسام. ما احنا برضو لن نسمح لبطش وظلم الشرطة أن يعود من جديد.

الموضوع محتاج سنين. بس لازم تبتدي بوزير داخلية شريف ويحترم كرامة الانسان يضع راضع قوي ضد ظباط الداخلية عشان مايفتروش على الناس زي ما كانوا بيعملو وفي نفس الوقت تربية جيل جديد من الظباط بعقلية مختلفة تماما.

كل ده مع تحسين تدريجي لظروف الشرطة مع تحسين اداءهم. لكن نكافئهم دلوقتي حالا بعد سنين من القمع للناس والمجازر اللي حصلت اثناء الثورة لأ.

يستحملوا اهانة الشعب لغاية لما الشعب يرضى عنهم، ما الشعب استحمل اهانتهم كتير
يستحلموا يعيشوا على مرتبتهم لغاية لما مرتباتهم تزيد، ما الشعب استحمل قطعهم للطريق (لجان المرور) وأخد فلوسنا بالغصب طول السنين.

**human** · 24-02-2011 04:26 PM

المشاركة الأصلية كتبت بواسطة tamer_a7

وطبعا تعليقاتنا كلها علي اساس ان سائقي الميكروباصات الملائكه اللي ماشيه علي الارض
يعني هو الظابط بس اللي غلطان انما سواق الميكروباص وزمايله اللي اتجمعو علشان يقطعو الظابط طبعا ملايكه
تفتكرو ظابط في الظروف اللي احنا فيها والقلق اللي علي الداخليه هيعمل حاجه كده الا لو كانو هيموتوه فعلا
مجرد وجهه نظر

من غير مسدس موجود مكانش حد هيموت
لو احترم نفسه و احترم وظيفته و عنده الحد الادنى من الحكمه فى التعامل مكانش اصلا اتخانق مع سواق ميكروباص

**abo_anas** · 24-02-2011 04:28 PM

المشاركة الأصلية كتبت بواسطة aly_hosny

دي عربية دودج تقريبا
حرام يا جماعة كدا والله
حتى لو قتل سواق الميكروباص مش المفروض دا ال يحصل

ياباشا اللى مايتقيش ربنا ويضرب انسان زيه بالنار يبقى فى ستين داهيه وخليه يبقى عبره لغيره ولو لاقدر الله كان اللى اتقتل قريبك كان حكمك اكيد هيختلف. ربنا ينجينا

**Abo_Lina** · 24-02-2011 04:29 PM

لازم الضرب بيد من حديد على جهاز الشرطة المهترئ و أفراده المستهترين المرضى نفسيا
ظابط غبي و مغرور إنه في ظل هذه الظروف و الغضبة الشعبية ضد الشرطة بعد ما إرتكبوه ضد المتظاهرين .. في ظل كل هذه الظروف وجد في نفسه الرغبة في إستخدام سلاحه لقتل شخص إعترض سيارة سيادته ..
و يا ريته إستخدم مسدسه لمنع جريمة أو إيقاف سرقة مثلا ..
هذه النوعية من الظباط لا تعاطف معها لأنهم ظالمين و لا تعاطف مع الظالم
نصيحة لأي ظابط الناس قبل ٢٥ يناير غير بعد ٢٥ يناير .. فكر كويس قبل ما ترتكب شيئ تندم عليه

الإحترام للشرطة يأتي من عدالتهم و تصرفاتهم المحترمة ..
لن يحترم أحد مسدسك أو بلطجتك ..

-

الموضوع: حدث الان فى ميدان الجزائر فى المعادى - ظابط شرطه و سائق ميكروباص

LinkBack

أدوات الموضوع

عرض

-

-

-

-

-

-

المواضيع المتشابهه

انا اتخنقت من البلد دي (مشكله مع ظابط شرطه)

ظابط مرور مكلبش عربيه شرطه و قصتى أمام محكمه المنشيه

اياك و التحدث مع ظابط شرطه !

خبطه بسبب ظابط شرطه

الكلمات الدلالية لهذا الموضوع

المفضلات

المفضلات

ضوابط المشاركة