من غير ضرب ........ و الله البلد دي كانت تستاهل مبارك و اشباهه و اتباعه فعلا ......
اخص علينا يا مصريين ........
من غير ضرب ........ و الله البلد دي كانت تستاهل مبارك و اشباهه و اتباعه فعلا ......
اخص علينا يا مصريين ........
اتمني ميحصلش طبعا
واتمني مفيش اي حد مننا يتعرض لمشارجة مع سواقين ميكروباس
احسان عبد القدوس اللى سحله بتوع الامن المركزي
احنا بنتكلم عن ظباط الشرطة بشكل عام
وشوف الموضوع ده عن حادثة قسم العمرانية وشوف كم العنف اخر 24 ساعة
http://www.nilemotors.net/Nile/20334...post3873309593
السلاح لو تواجد مع الاشخاص العاديين لا يمكن يتحكم انه يستخدم للدفاع فقط
ايه حكاية اقالة وزير الداخلية بالموضوع ده هو هايمشي ورا كل ظابط ؟
واحمد رشدي تجاوز السبعين والله اعلم ما يمكن محمود وجدي لو الامور مستقرة كان اصبح مثله او افضل منه
وجهاز امن الدولة لا يمكن يتم حله قول يتم اصلاحه وطرد الفاسدين اه انما يتحل مستحيل وكل الدول فيها جهاز ممائل
وقانون الطواؤئهو ما يصلح الان وحده لمواجهة حالة الفوضي التي نعيشها لما تنتهي تبقي حالة الطوارئ ترفع
يا رجالة الى أتذاع فى برنامج الحياة و الناس بتاع رولا خرسا . والدة الظابط و أسمها دكتورة نادرة تكلمت تيليفونيا و قالت أن أبنها ظابط فى الامن المركزى و كان عندة خلع فى كتفة لانة كان وقت المظاهرات فى سجن طرة و اصيب هناك و كان ذاهب للعلاج و اخو الظابط ولد صغير فى سنة ثانية اعدادى كان راكب مع أخوة الظابط و لما حصلت المشكلة كلم والدتة فى التيليفون و قال لها ما حدث و الظابط حى لم يموت و أيضا السائق المصاب ب الطلق النارى حى لم يموت ز أعتقد لازم نسمع شهادة الشهود و الموضوع أتحول قضية و علشان نحكم بالعدل بما يرضى الله لازم المحكمة تسمع الطرفين و تسمع اقوال الشهود . أنا لا مع الظابط و لا مع السواق أنا مع حق ربنا الى غلط فيهم ياخد فوق دماغة مهما كان و القانون فوق الجميع
أنا محبط جدا
للأسف اذا كنا هنا الناس المتعلمة الفاهمة بتاعت النت ذى مابيقولوا مش عارفة تتفاهم مع بعض ... حنستنى اية من البلطجية اللى ماليين الشارع وبيستغلوا الفراغ الامنى وبيستغلوا حالة الغليان على الشرطة يعملوا اية
كل يوم المسجلين خطر يضربوا نار على الشرطة و لما الشرطة ترد ... يقوموا يحرقوا الدنيا
أصل اكيد الظباط مش اغبية قوى كدة عشان ينزلوا يقتلوا فى الناس بالعبط دة وفى الايام دى كمان ... مستحيل ياجماعة
اللى بيحصل دة انا متأكد انها عملية مرتبة من حد معين و اعلام معين الغرض منة تدمير جهاز الشرطة بالكامل عشان الفوضى تستمر و حرب اهلية تقوم
خدوا عندكم أخبار اليوم النهاردة:
صديقة عمتى ست كبيرة 65سنة سواق التاكسى فتح عليها سنجة وقالها انزلى وسيبى الشنطة...طبعا ملقتش حد حواليها سابت الشنطة ومشيت
مريض عندى بيقسم انة امبارح راجع من فرح عند الداون تاون وقفوة شوية همج رموا جذع شجرة قدام العربية وقالولوة ياتجيب 100 جنية يا تجيب المدام ... الكلام دة الساعة 1
...... اية رأيكم ؟؟؟؟؟؟؟؟؟
للاسف رغم ان فيه كذا رواية للموضوع بكذا شكل
ومع ذلك كل واحد تطوع ليكون شاهد ( طبعا شاهد ما شافش حاجة)وهذذا ليس لصاحب الموضوع
وطبعا كلو قاضى وكلو محامي ومحدش عارف الحقيقة فين
والغريب ومع كل ذلك لما الاقي تعليق بيقول ربنا يرجعه لاهلة بالسلامة طبعا على الظابط
وان الطرف التانى ده صايع وكلب يتقتل عادى يعنى عاملنا احكام على السمع لله الامر من قبل ومن بعد
الايام اللى فاتت ... من اول الاسبوع
1) بلطجية يقتحموا اوتوبيس نقل عام وسرقة بالاكراة
2) مجموعة مسلحة طلعت على قطر ابوقير ونفضت الناس
3) محل جزارة شهاب وقت العصر 10 بسيوف نفضوا المحل من اللحمة والفلوس
4) شركة يوني ليفر العالمية على ترعة المحمودية دفعت بالاكراة 16الف جنية لمجموعة بلطجية حوطوا الباب وكان السبب ثمن حراسة المنطقة وقت المظاهرات و مدير الفرع اضطر يدفع عشان 70% من العمال حريم وقعدوا يصوتوا
؟؟؟؟؟؟؟؟؟؟؟؟؟؟؟؟؟؟؟؟؟؟؟ حد يرد عليا عاجبكم ؟؟؟ عايز رد
بجد ... ان بدور على سلاح حى حتى لو دفعت 5 الاف جنية ...... اية رأيكم ؟؟؟؟؟؟؟؟؟؟؟؟؟؟؟
ازاي يعني مش فاهمك
يعني هما ال عملو فينا كدا
هما السبب في كدا
كل الحاجات دي كانت بتحصل كل يوم
وياما مواقف حصلت معايا شخصيا و مع غيري ولولا ان الواحد عارف شوية ناس كان زمانه مات
هما ال خلو السواقين بلطجية
و هما ال خلو الظباط بلطجية برضو
احنا دلوقتي في مرحلة وحشة و قرف و كلام كتيييييير
بس لازم نمر بيها يا اما كنا نفضل زي ما احنا
الشرطي يدينا بالجزمة
وسواق الميكروباص يدينا بالجزمة
ولما واحد يقف يثبتك في الشارع يديك بالجزمة برضو
دول ناس كانو مخليين جهاز الشرطة دا مهمته هي حمايتهم هما مش حمايتنا
خلو السواقين بلطجية بمزاجهم
فكر في كلامك تاني
اذا الشعب موثقش فى نفسة وحط ايدة فى بعض ووقف ضد الفوضى دى وتكاتف مع الشرطة كمان لبتر العناصر الفاسدة
يبقى قولوا باى باى للثورة بتاعتنا اللى اتبهدلنا فيها وباى باى للامان
شهديانا جبت حوادث اخر 24 ساعة بس كارثة بمعني الكلمة
وتقول لازم النظام والامن يرجع تاني يقولك لا لازم يتحل جهاز الشرطة كله ونبدا من جديد
يعني نقعد 4 سنين من غير شرطة اصلا علشان يعجب هواة الثورة لمجرد الثورة دلوقت وكارهي الشرطة من غير سبب حتي لو كان واحد زي اللى انت قابلته الصبح وواحد تانى يقولي بتوع الميكروباس دول ملائكة
مفيش حد ملوش موقف مع الشرطة ميكرهوش فيهم
انا ليا بدل الموقف عشرة و مع معارفي كمان مش ظباط معرفهمش
و معظمهم متخاذل و مش عايز يشتغل
بس طبعا ميتحلش
زي ما انت قولت و قال غيرك
ايدينا في ايدهم نجربهم يعملو الصح غصب عنهم
بس في المقابل لما نجيبلهم واحد غلط نشوفو بيتحاسب قدامنا
عشاان نحط ايدنا في ايدهم و احنا مطمنين
عشان نحل جهاز الشرطة ونبدأ من جديد فعلا محتاجين 24 شهر
البديل يتعمل عملية فلترة لجذور الفساد فية وبدأت بالعادلى بس الناس مش صابرة ويتعمل تعوية وعقاب رادع للخروج عن القانون بالنسبة للظباط ودة بيحصل دلوقتى فعلا
لكن نقعد 24 شهر من غير شرطة؟؟؟ اذاى ؟؟؟؟ دة فى اسبوع حصل بلاوى
والظابط بتاع الصبح اللى سواق الميكروباس قالة حهرسك تحت العربية انا متأكد انة مش نازل الشارع تانى
ينزل لية .؟؟؟ انا لو منة منزلش والله منزل ؟؟ دة انا نازل احميكوا تقوموا تهرسونى
قلتها قبل كدة وبقولها تانى مش عشان شوية بايظين نحرق الكل
بلاش نقول هواة الثورة عشان منخلطش الامور ببعضيها
ممكن نقول الغاضبين من الشرطة .... بس ياجماعة الغضب بيقلب بنار والنار لما تمسك بتمسك فى الكل
لازم نكون واعييين
لازم نحافظ على القلة الصالحة اللى بتنزل الشارع دلوقتى و بتخاطر بنفسها عشانا
مهما ممكن يقعدوا فى القطاع بتاعهم وياكش تولع
الناس دى نازلة و عارفة ان المواطنيين ممكن يقتلوهم بس نزلوا
ولو ضابط اتصرف غلط واستعمل سلاحة غلط يتعاقب و يتحاسب بالقانون
لكن كدا .... بجد ربنا يستر
وبعين يا شهدي على اقولك على حاجة ايجابية كمان وشوف مين السلبي
عندنا في المنطقة اتنين اخوات بلطجية ومسجلين ومعروفين
كذا مرة فى الفترة دي يطلع يضربو نار ويخوفو الناس
لغاية الناس ما مسكتهم وادوهم علقة موت وسلموهم للجيش مش دي ايجابية اهيه
نبص نلاقيهم بعد كام يوم ماشيين في الشارع
الناس تعمل ايه تانى اهى بنتضف في غياب الشرطة يبقى مين ايجابي ومين سلبي
+11111111111
في كتير لهم المصلحه في تدمير جهاز الشرطه واستمرار الفوضى
وترسيخ الخوف لدى افراد الشرطه من الشعب الغاضب
واحداث كتير في الشارع بتقول كده
ليه الجيش لغاية دلوقتي مش بينشر أخبار عن شهدائه في الثوره واعدادهم؟
الحل في ايدينا احنا
انصروا الحق في كل حاله بدون تصنيف للناس
امامك الشرطي بيتهان او بيتضرب علشان بيحاول يؤدي وظيفته
انصره حتى لو بكلمه واللى هيبدأ هيلاقي ناس كتير معاه
انصره علشان هو مواطن على حق انسى انه ظابط شرطه
امامك المواطن هو اللي على حق انصره على ظابط الشرطه
اللى لسه فاكر نفسه عايش قبل الثوره
ارجوكم امنعوا العنف بكل وسيله
ما دى فى حد ذاتها كارثة
للاسف لو عملوا حاجة تانية يتمسكوا تانى و يتربطوا وستنوا بقى رتبة اعلى تتصرف
الجيش اصلا ايام اللجان الشعبية كان بيقولنا اللى تمسكوة افرموة
وبيقول للناس اللى طالعين الصحراوى بالعربيات اللى يوقفك افرمة
وكلمت رائد فى الشارع بيحلفلى ان السجون مليانة على اخرها ومش عارفين يودوهم فين
دلوقتى اللى معاة سلاح بس هو اللى بيتحبس حد تانى بيتساب
يا جماعة مش لازم كلنا مجرد منسمع ان فى خناقة حصلت بين ظابط شرطة ومواطن وحصل حاجة للمواطن يبقى الظابط اللى غلطان؟؟؟
لاة لازم نعرف اية اللى حصل ماهو ممكن يكون بتاع الميكروباص دوة هوة اللى غلط ولما الظابط جة يتكلم قام السواق دة عمل قلبان ولم الناس طبعا الناس مش هتسمع للظابط لانة على طول هيبقى هو الغلطان حتى لو هو ماشى سليم ولما الظابط طلع المسدس للدفاع عن نفسة حصل اللى حصل
يعنى مش بقول انا مع الشرطة انهم مبيغلطوش وفى نفس الوقت مش بقول انى مع المواطن ومش بقول هو اللى غلطان لانى مشفتش الموضوع بعنيا
انا بشوف الشارع عيال صغيرة متكملش 11 سنة وسايقين والناس راكبة والايام دية يعنى بعد الثورة مش قبلها اهوة
وبشوف سواقين ميكروباص ماشيين فى الطريق كانة ملك ليهم لوحدهم وكلنا عارفين اللى بتاعوع الميكروباص بيعملوة والعن من بيحصل دلوقتى فى الشارع
اخيرا هقول لو كلنا مشينا صح هتلاقى بتاع الشرطة دوة مننا و مشى صح ولما بقى ظابط هيدنة يمشى صح ويتعامل باحترام
كل اللي عايز يعمل حاجة دلوقت بيعملها بحجة الثورة واللى عايز البلد تتخرب يقولك ثورة ولازم نسقط النظام ننسف الناس دي كلها طيب وبعدين مش مهم
يا شهدي جوز اختي ظابط مرور من يوم 29 في الشارع بس طبعا واقف بيقول يا رب اروح اليوم حي
اول امبارح البلطجية ضربوا نار وسرقوا كام محل في المكان اللى هو فيه واول ما لمحوه ضربوا عليه بالنار جري
بقولك جري
بقوله طيب ليه مفرغتش فيهم الطبنجة بتاعتك قالى لو اتقتلت الناس كلها هتقول مفتري وكان عايز يموت الناس الابرياء ولو قتلت واحد منهم يا اما الناس تقتلني لانى قتلت واحد وهو يا حرام غلبان يا اما اتحول محاكمة عسكرية واتسجن
الفوضويين واللى عايزين يعملوا اللي هما عايزينه وبس ومش مهم الاخرين ولا البلد هما اللى عايزين يدمروا كل شئ وينسفوه وبعد كدة نبقي نبني من جديد مش مهم هايحصل لنا ايه في فترة البناء دي مش مهم الفوضي اللى احنا فيها واللى بتزيد يوم عن التاني
وشهداء الجيش عندك ناقلة جنود وعربيتين جيب احسبي كان فيهم كام واحد ودول في اول يوم بس يوم الجمعة في التحرير والله اعلم فيه ايه تاني والله اعلم الجهات التانية المفقودين فيها احياءولا اموات والاكيد اموات لان مفيش اخبار عنهم من اكتر من 25 يوم دلوقت
والمفروض القانون يطبق على الجميع بالعدل لكن رغبة الانتقام والتهييج واي حد في الشرطة يبقي ابن كلب زي ما ناس هنا قالت دي قمة الفوضي
لغاية الفترة الانتقالية ماتعدى ويحصل الكلام ده مين هيكون مسئول عن ادارة الشرطة فى مصر حتى لا تزداد الامور تعقيدا ونسير الى كارثة محققة؟
اقترح ان يراس الشرطة احد قواد الجيش الكبار وياحبذا من المجلس العسكرى ويتم اختيار لواءات من الجيش سواء من العاملين او المتقاعدين لادارة قطاعات الشرطة ووضع ظابط جيش برتبة رائد او عقيد على الاقل ليقوم بمهام المامور فى كل اقسام الشرطة على مستوى الجمهورية
حل جهاز امن الدولة بالكامل
نقل افراد الامن المركزى الى مكانهم الطبيعى وهو الجيش وليس الشرطة لانهم اصلا مجندين للخدمة العسكرية وليسوا من افراد الشرطة وتغيير زيهم الذى يكرهه كل افراد الشعب الى زى الجيش ويتم الاستعانة بهم فى حفظ الامن باوامر مباشرة من قواد الجيش وليس الشرطة
وبذلك يتفرغ جنود الجيش لمهامهم الاصلية فى الدفاع عن الوطن وليس حفظ الامن والنظام
ياجماعة لو انتم فكرتم فى نفسية افراد جهاز الشرطة الان ستجدون انهن يحسون باهانة كبيرة ولطمة شديدة حيث انهم كانوا يظنون ان غيابهم سيؤدى لوصول الحال فى مصر الى فوضى شديدة وبذلك يستشعر الناس بقيمتهم ويطالبونهم بالعودة ولكن الان ثبت العكس تماما فقد قام افراد الشعب بالمحافظة على الامن والممتلكات بطريقة افضل من هؤلاء البلطجية الف مرة بل واظن والله اعلم ان وجودهم على ماهم عليه من ثقافة الغرور والعنجهية والظلم (ثقافة ال 50% فى الثانوية العامة)كانوا هم احد اسباب الفوضى والفساد فى هذا البلد ان لم يكن السبب الاساسى والحفاظ على الفساد وانتشاره وتوغله فى كل اركان الدولة(وهذا الامر خطير جدا جدا يجب الانتباه اليه)
هذه المرحلة تحتاج الى ان يتنحى هؤلاء ايضا ولو بشكل مؤقت كما تنحى راس الفساد
أفيقوا يها الناس
الا هل بلغت
اللهم فاشهد
يا ريت تدخلوا الموضوع ده
http://www.nilemotors.net/Nile/203412-a.html
لما الناس بتشوف منظر قتل هذا الشخص المستهتر لشخص اخر بدون جرم يستحقه تتولد حالة نفسية تخرج الناس عن حاجز السيطرة على النفس فلا تسال عن ما يحدث بعد ذلك
وياريت تفتكر صراخ امهات 360 شاب من خيرة شباب مصر قتلوا لانهم كانوا بينادوا بالحرية
وده اهم من صراخ ام ظابط شرطة سكير ضرب سواق ميكروباص بالنار وقتله عشان زنق عليه وهو ماشى فى الشارع
زى كده مثلا يادكتور
Login | Facebook
حكمت منين ان ظابط الشرطة كان غلطان اقرا الموضوعات كلها هاتعرف ان الموضوع مقصود بيه الخناق مع الظابط وكل سواقين الميكروباس اتلموا عليه علشان يضربوه ومنهم حرامية وشوف الفيديو بعد دقيقة و20 ثانية تقريبا هاتشوف حرامي بيسرق اللى جوة العربية في الزحمة
وللمرة التانية بتقول انه سكير رغم ان مفيش اي دليل عن ده
وايه العلاقة بين الحادثة دي وبين قتلى 25 يناير الذين يجب تصفيتهم فعلا لمعرفة من منهم كان شهيد بالفعل وقتل في المظاهرات ومن منهم قتل وهم يهاجم قسم شرطة ليخرج قريبه المحبوس او يحرق ملف سوابقه او يسرق سلاح
ومعاقبة من قتل المتظاهرين ومعاقبة كل من اعتدي على رجال الشرطة بدون سبب
القانون يطبق عل ىالجميع وبالعدل
حضرتك شاطر اوى فى الجدال يا دكتور واحييك على هذه الموهبة
ويعنى لما تقرا اقوال الشهود على الحادثة ستجد انهم اتفقوا على تفاصيل اللى حصل فى الاغلب وعلى فكرة انا كانت واحدة جارتى راكبة الميكروباص ده اللى صاحبه مات وحكت التفاصيل لزوجتى وانا موش هاعيد وازيد فى امور واضحة للجميع والحكاية موش حكاية سواق الميكروباص يادكتور الضحايا كتير اوى زى خالد سعيد وبلال وغيرهم
خليها على الله
انا غير مؤيد لا للفعل بالطبع ولا رد الفعل المتخلف الهمجى المشكله فى ان الناس مشحونه من الشرطه كتيير حتى اللى ماكانش موجود وسمع ان الظابط اتضرب فرح فيه
معلومه بس حابب الناس تعرفها الظابط ده ابوه اسمه العميد اشرف السجينى كان رئيس مباحث المعادى وما ادراكو ما السجينى سيرته نجسه ياما لبس ناس قواضى ومحاضر كده كان الناس بتترعب لما اسمه يتقال بس طبعا مش شمتان فى ابنه بس ربنا يمهل ولا يهمل ولسه حسابه جى (عند الله طبعا)
الخلاصه
ان الشرطه كده بتدى رساله اننا ما اتكسرناش احنا زى ما احنا بجبروتنا وقله ادبنا بس بنتجمل (وفيه منهم اللى مش عارف يتجمل ) زى الواد ده وطبعا كلنا شفنا رساله مدير امن البحيرة النهارده وقبلها كان حوار وزير الداخليه عما حدث فى 28 يناير :)
المساله وسعت ومحتاجه حل فورى عاجل جدا
انا اؤيد ان يكون وزير الداخليه من القوات المسلحه وان تنشىء الدوله جهاز رقابى مدنى على الشرطه كحل مؤقت وبعدين نعمل خطة للتعامل مع طلبه الشرطه وتاهيلهم بالنسبه للظباط الحاليين مش عارف ايه الحل معاهم :s ?
http://gate.ahram.org.eg/News..........%A8%D8%A7.aspx
النيابة تصرح بدفن جثة سائق المعادي وتتهم الضابط بالقتل العمد
_____________________________________________
ربنا يستر
كده هاتبقى فوضى الى ابعد الحدود
انا كنت هناك فى مشوار جنب الموضوع بالضبط كل ماسئل حد الاقى فى كلامه وعينيه خوف من مجهول..... فحسيت ان المووووضوع فى فعلا حاجه غط :majd(4):
الضابط اتهان واتبهدل واضرب تحت بيته ...وامام امه من واحد له سوابق مش سواق ميكروباص بس !!! ده ممكن يحصل مع اى حد منا بكل سهوله صح ...؟؟؟!!! :00020140:
كده همجيه وفوضى وطريق ملهوش نهايه من كراهيه وضغائن وتصفية حسابات ونتحول زى العراق او الصومال ..... :crashcomputer3::redeye:
لا كده مينفعش ده مضادات للثوره الجميله هانضيعها بادينا :T_thum1[1]:
ربنا يهدى
هو الضابط إتهان و إضرب ليييييهاقتباس:
لضابط اتهان واتبهدل واضرب تحت بيته ...وامام امه من واحد له سوابق مش سواق ميكروباص بس !!! ده ممكن يحصل مع اى حد منا بكل سهوله صح ...؟؟؟!!!
مش عشان قتل واحد و ضرب نار في الشارع و قدام البشر كلها
هما جابوه من بيته يعني و لا هما إتبلوا عليه
الضابط قتل و بغض النظر عن السواق ( الله يرحمه ) لو عمل إيه فيه
فيها حاجه إسمها ضبط النفس و خصوصا في الأيام دي
هل أنا أو إنت أو أي حد لما نتخانق مع سواق ميكروباص ( سوابق و فيه عبر الدنيا فرضا ) نقتله !
للأسف الخاسر من ده كله جهاز الشرطه و بالتالي الوطن
المطلوب وقفه حازمه و صريحه و محاسبة كل المجرمين في الداخلية
أما الوزير يطلع و يقول مندسين و إخوان و فزاعات خلاص بقى ... زهقنا
ما هو لما إنت جاد و بيتصلح و عارفين إن الإصلاح مش في يوم و ليله لإما إنت بتماطل
http://gate.ahram.org.eg/News..........%84%D8%AA.aspx
مفاجأة ..النيابة تكتشف عدم وفاة سائق المعادي بعد التصريح بدفن جثته
________________________________________________
إيه يا أهرام إحنا هنلعب مش كان من شوية ميت
ههههههه ما قولنا نخلي بالنا من وسائل الأعلام كلهاااااااااااااااااااا ومنا خدش حاجة مسلم بيها منهم
وأي خبر فيه تعدي أو تجاوز أو فساد نحطه على موقع القوات المسلحة وهما الفيصل المركب لما يكون لها ريسين بتغرق فما بالك 5 جرائد على 5 تلفزيون العملية هاتظيط ومش في مصلحة حد أبدا
شفتم الاهرام كاتب ايه فى عدد السبت - الواد الضابط كان من ابطال حرب 25 وكان بيدافع عن السجن يا ولداه
وسواق الميكروباص الوحش كان قافل الطريق عليه نص ساعه - قافل الطرق فى ميدان ؟؟؟؟
مش بنقول لكم لسه ما فيش حاجه نضفت - احنا شعب نفسه قصير وهمه على نفسه
التلفزيون المصرى عمل لقاء فى المستشفى مع الضابط والسواق والاتنين اتكلموا... الاول تصريح دفن ايه بقى ومحدش مات ؟
ثانيا الاتنين قعدوا يكذبوا لما يقولوا بس بس الضابط الى كان بيقول كلام استعطاف وميتصدقش كدا
السواق قال : الضابط قفل عليه ونزل من عربيته ضرب السواق ورماه عالارض السواق قام قاله (من هنا الفشر بقى) كلنا عايزين نتغير باين وانا اسف وبرضه الضابط ضربه وضرب نار جت فيه......
الضابط قال : (بس الضابط كان حالته اسوء بكتير) قال ان السواق غلط فيه علطول كدا وشتمه شتايم بذيئه ولما نزل يهوش بالمسدس (هنا الفشر) السواق مسك ماسوره المسدس ومع الشد والجذب السواق الى ضغط عالزناد والرصاصه جت فيه .. ههههههههه سبحان الله