الموضوع: الحد دار السلام والخميس المعادي

يوم الحد اللي فات الدنيا ولعت في دار السلام
فيه ناس من حتة اسمها الجمعية اتخانق مع ناس من حتة اسمها العزبة
والعزبة للي ميعرفهاش هم دول اللي كانوا بيسرق المعادي كلها وكارفور والمرور
المهم بتوع العزبة طلعوا بيت الناس اللي فالجمعية وموته واحدة من عندهم
قام بتوع الجمعية نزلوا موته 9 من بتوع العزبة اللي فالشارع

النتيجة :
بتوع العزبة نزلوا وقافله شارع الفيوم طول اليوم وأي عربية بتعدي بتتكسر والمحلات افلت والشارع كله وقف اللي هو الشارع الراسي في دار السلام وطول اليوم الناس كلها عايشة في قلق وتتصل بالنجدة مابيردوش وال جيش برده بقوا يكلمه 140 دليل ويبلغوا الكلام ده كان الصبح فضله لحد الساعة 6 مستنيين لحد مالدليل قال للناس اللي بيتصلوا إن الجيش موجود فالمكان وراح خلاص والجيش أصلا كان وا في حتة تانية خالص وأنا عن نفسي مشفتوش لأني رحت المكان ده مالقيتش حاجة
تاني يوم الصبح لقيت 3 عربيات أمن مركزي مضروبين واقفين وطبعا من غير ظباط العساكر بس اللي قاعدين فالشارع والبهوات بياخدوا شاي عند الناس
----------------------------------------------------------------------------
من 5 دقائق بالضبط جالي تليفون من trainee عندي شغالة فالمعادي جنب بيتي شوية بتقولي شارع وميدان الجزاير فيه بلطجية كتير قوي بيكسروا كل حاجة عشان ظابط شرطة ضرب نار على سواق مكروباص والناس طلعت علي على كل الحاجات بتاعت الشرطة بيكسروها وقالتلي إنهم في صقر بيكسورها تقريبا

أنا لسة معرفش إيه وضع المعادي بس الكلام ده مايتمنش وأنا ساكن في شارع الجزاير أصلا
---------------------------------------------------------------------------

المهم بقى أنا اتخنقت من قلة الأدب والسفالة دي
يعني إيه ظابط يضرب ناس على واحد وبذات فالوضع اللي احنا فيه دلوقتي ؟
أنا لو شفت ظابط شرطة ماشي فالشارع تصرفي معاه مش هيكون كويس أبدا كده كتير قوي دول مش عايزين يتغيروا ولا يتلموا المفروض أصلا هم نفسهم الأشخاص يتغيروا يمشوهم كلهم ويجيبه غيرهم دول مش هيتصلحو أبدا

ويعني إيه الناس مقضياها بلطجة عالفاضي والمليان وتقفيل شوارع وتكسير فكل حاجة إيه الهمجية دي
أنا واللهِ ماكنت عايز أعملها في الايام السودة اللي فاتت بس أنا دلوقتي هانزل الدور على سلاح الي عشان أنا أي حاجة تحصل معايا ولا حتى أشوف منظر الكلاب الهمجية دي هفرغ السلاح كله فيهم أنا غلطان إني ماشتريتش في أيام القلق اللي فاتت وكان كتير قوي

بجد بقى بقت حاجة تقرف سواء كان الهمج ولا الشرطة دول عايزين إبادة كاملة

انتا لو شفت واحد ماسك سلاح ممكن تبلغ عنه وتتعرف عليه ولا انتا بتعمل اللي عليك وتكلم النجدة وخلاص . السؤال للناس كلها