الموضوع: النظام الفاسد مستمر و الكدب علني و على عينك يا تاجر

المشاركة الأصلية كتبت بواسطة dr-mohamed

يا فندم رايي ان فيه وزراء كتير مش بيعرفوا يتكلموا لكن عندهم فكر كويس زي وزير المالية مثلا وغيره كتير وفيه ناس بتتكلم حلو جدا لكن في التنفيذ بتبقي صفر
انا ليا دعوة بعمله هايتصرف ازاي وهو حاليا في فترة اختبار مدتها 3 شهور نحكم على عمله بعدها اما الان وفي هذه الاوضاع الامنية المضطربة صعبجدا احكم عليه من لقاء تليفزيوني

مع احترامي لرأي حضرتك بس يعني ايه وزير داخلية دولة زي مصر و في ظروف زي دي و ميعرفش يتكلم !!!!!

و في فرق كبير بين انه يعرف يتكلم و انه يكدب كدب بين و يقول ان حادثة يوم الاربعاء مكنش فيها عناصر من الشرطة في حين انهم اتقبض عليهم و اتصوروا باثباتات شخصياتهم اللي بتؤكد انهم شرطة

و ازاي لسة بيتهم الاخوان انهم ورا حرق الاقسام و فتح السجون و ... و...

و من ناحية التنفيذ ماشوفناش ولا ضابط اتقدم فيه بلاغ لحد دلوقتي او اتحقق معاه في واقعة اطلاق النار على المتظاهرين و اطلاق الرصاص المطاطي على الرأس و العين تحديدا ليه ؟؟؟

من ضمن لقاءه مذكرش ليه ان في ضباط قيد التحقيق في هذه الواقعة ؟؟ مش كل دي افعال برضو ؟؟

وزير مابيعرفش يتكلم و يرضي مطالب الشعب اللي عمل ثورة عشان يحققها يبقى مايلزمناش و مفيش وقت نضيعه في فترات اختبار لأن احنا في فترة حرجة و مرحلة انتقالية محتاجين فيها شخص بيفهم مطالب الناس و قادر على تنفيذها و قادر على التواصل مع الشعب سواء بالكلام او بالأفعال