اللى عايزين المظاهرات تستمر يدخل يشوف اللى بيحصل

فيه ناس عايزه المظاهرات تستمر للضغط على الجيش لضمان المطالب

وبعدها المظاهرات الفئويه فى كل مكان أقتداءا بفكر مظاهرات الضغط على الجيش وبيضغطوا على شركاتهم

وده نتيجه اللى حصل وربنا يستر على الجاى

اليوم السابع | عمال الغزل والنسيج بكفر الدوار يقتلون رئيس الشركة

اقتحم عمال شركة الغزل والنسيج بكفر الدوار بمحافظة البحيرة صباح اليوم، الثلاثاء، مكتب رئيس الشركة بالإنابة محمد رأفت جنيدى، واعتدوا عليه بالضرب حتى فارق الحياة، وذلك فى إطار مظاهراتهم للمطالبة بزيادة رواتبهم وأجورهم، وتحسين مستوى معيشتهم.


يرضى مين ده
أتمنى يكون الخبر مش صحيح مع أنه مكتوب فى مواقع تانيه كتيره

الخبر صحيح للاسف والكلام ده من اول امبارح العضو المنتدب للشركة طلب منهم مهلة لبحث طلباتهم والمتعلق بزيادة المرتبات والحوافز لتحديد المبالغ التي يمكن منحها لهم فضربوه وهو مريض بالقلب اصلا مات في ايديهم
عائلته قالت ده مات من سكتة قلبية بس لاني للاسف عارف المكان كويس جدا وعارف عائلة المجني عليه وهم الجنايدة فأنا عارف ان الموضوع مش هايعدي على خير وهاياخدوا بتاره

م/ حاتم السباعى أتصلت بيه حوالى الساعه 4 العصر
كان مع حماه فى الأسكندريه بيعمل عمليه وهما راجعين بيه عند مدخل دسوق لقوا سواقين الميكروباصات قافلين كل مداخل البلد بالسلاح علشان عايزين المجلس المحلى يزود الكارته
فضلوا ساعه مش عارفين هما وكل العربيات يدخلوا البلد وكلموا ناس قرايبهم معروفين فى البلد علشان يحاولوا يدخلوهم
حماه عامل عمليه فى عينه وفضل ملطوع ساعه ودخل بواسطه

يرضى مين ده

يرضي ناس كتير
ولسة
الفوضي تنتشر وتستمر وتتوغل وتتعمق

ربنا يستر على البلد الواحد بقى مش عارف هيا راحة فين او عارف بس خايف يصدق

المظاهرات الفئويه حاجه ومظاهرات التحرير حاجه تانيه الاولى استغلال ظرف اما الثانيه فهى ضرورى للتاكد من اقتلاع الفساد من جزورة

طبعاً ده حادث مؤسف ونتمنى انه ما يتكررش.

لكن منقدرش نمنع الموظفين انهم يضربوا عن العمل أو يتظاهروا حتى لو شايفين ان ده يضر بالاقتصاد ويمنع الحياة انها تعود لطبيعتها. حتى لو اختلفنا معاهم، ده حقهم.

أنا بصراحة أقل تحمسا للمظاهرات الفئوية لكن زي ما حضرتك اعطيت مثل سيء نتمنى أن لا يحدث مرة أخرى، ادي لحضرتك مثل جيد

ركبت مع سواء تاكسي من يومين وطلع عضو لجنة نقابية وموظف في المحافظة.
الموظفين في ادارته عملوا اضراب عن العمل لكن لم يخرجوا خارج المبنى أو يخربوا أي ممتلكات عامة بوعي من قادة الاضراب والمضربين نفسهم. جاء المدير وتفاوض معاهم واتكلموا عن الظلم الواقع عليهم. المدير ده كان استحالة حد يخش مكتبه وكان معاملته للموظفين فظة. الساعي المتعين جديد في مكتب المدير كان بياخد حوافز وبدلات أكتر من العامل اللي بقاله 30 سنة في مكان آخر في المحافظة. الموظفين جابوا مفردات مرتب المدير وكان مرتبه كبير جداً هو ومستشاريه. المستشارين حاليا في الهيئات الحكومية عبارة عن اصحاب كبار المديرين ومعارفهم. المدير كان بيتحايل عليهم (بعد ما كان بيعاملهم اسوء معاملة) عشان يفضوا الاضراب ومايعملوش له مشكلة وفعلا نفذ بعض مطالبهم اللي يقدر عليها. المدير بقى خايف منهم (مش خوف من عنف جسدي بل خوف من قوة صوتهم) بعد ما كان الموظفين هما اللي خايفين منه وساكتين على ظلمه ليهم.

في كل مؤسسة من مؤسسات الدولة في رئيس ومدراء في قمة الفساد والموظفين عارفنهم. كل هيئة لازم تتطهر نفسها وتبلغ عن الفاسدين فيها.

أيوة، الاضرابات الفئوية دي بتضر الاقتصاد مؤقتا. وبعض مطالب الموظفين تعتبر انتهازية، لكن في المجمل الاضرابات والمظاهرات الفئوية دي بتطهر جذور الفساد اللي معششة في كل مؤسسات الدولة.

أما بقى المظاهرات ذات المطالب العامة دي مفهاش شبهة انتهازية أو مكاسب شخصية. ودي أنا شخصيا معاها 100%.

الاختلاف كبير قوى بين المظاهرات الفئويه الى بيقوم بيها ناس عشان مصالح شخصيه ومظاهرات ميدان التحرير
عشان الاوراق ما تتخلطش فى الزحمه
كلنا ضد المظاهرات الفئويه والانتهازيه

اقتباس:

---

المشاركة الأصلية كتبت بواسطة dr-mohamed

يرضي ناس كتير
ولسة
الفوضي تنتشر وتستمر وتتوغل وتتعمق

---

كتير اد ايه يعنى
ويا ريت تقولنا احصائية عن اسماء الكتير دول اللي عايزين يخربوا
يا دكتور محمد مش كل مختلف معاك في الراي بقى مؤيد للفوضى والمظاهرات الفؤية وضرب جميع ضبات الشرطة
وياريت دايما تدي حلول لمشاكل وتناقشها بدل ما انت واخد صف وكل مخالفينك حاططهم في صف العدو
وعموما انا مازلت محترم شخخصك مع اختلافي واعتراضى على 99 % من ارائك وطريقتك في مناقشة مخالفيك ومحاولة اسقاط عليهم ما ليس بهم

اقتباس:

---

المشاركة الأصلية كتبت بواسطة zkralla

الاختلاف كبير قوى بين المظاهرات الفئويه الى بيقوم بيها ناس عشان مصالح شخصيه ومظاهرات ميدان التحرير
عشان الاوراق ما تتخلطش فى الزحمه
كلنا ضد المظاهرات الفئويه والانتهازيه

---

يا ريت ده يكون واضح للجميع
لا للمظاهرات الفؤية
لا للفوضة
لا للبلطجة
نعم لكل حشد سلمي له مطالب وحقوق ولا يؤثر في حركة المجتمع

لا حول ولا قوة الا بالله........الله يرحمه........ويرحم بلدنا من الغوغائية

اقتباس:

---

المشاركة الأصلية كتبت بواسطة zkralla

الاختلاف كبير قوى بين المظاهرات الفئويه الى بيقوم بيها ناس عشان مصالح شخصيه ومظاهرات ميدان التحرير
عشان الاوراق ما تتخلطش فى الزحمه
كلنا ضد المظاهرات الفئويه والانتهازيه

---

+111111111111111

اقتباس:

---

المشاركة الأصلية كتبت بواسطة mohamed_hegazy

المظاهرات الفئويه حاجه ومظاهرات التحرير حاجه تانيه الاولى استغلال ظرف اما الثانيه فهى ضرورى للتاكد من اقتلاع الفساد من جزورة

---

أنا مش بشبهم ببعض طبعا
أنا ضد مظاهرات التحرير ( دلوقت ) علشان ندى فرصه للجيش يتصرف ( بأعتبار أن مطالبهم رحيل شفيق )
لكن المظاهرات الفئويه بتقلد التحرير بس بمنهى العبط

اقتباس:

---

المشاركة الأصلية كتبت بواسطة itsonlyme

طبعاً ده حادث مؤسف ونتمنى انه ما يتكررش.

لكن منقدرش نمنع الموظفين انهم يضربوا عن العمل أو يتظاهروا حتى لو شايفين ان ده يضر بالاقتصاد ويمنع الحياة انها تعود لطبيعتها. حتى لو اختلفنا معاهم، ده حقهم.

أنا بصراحة أقل تحمسا للمظاهرات الفئوية لكن زي ما حضرتك اعطيت مثل سيء نتمنى أن لا يحدث مرة أخرى، ادي لحضرتك مثل جيد

ركبت مع سواء تاكسي من يومين وطلع عضو لجنة نقابية وموظف في المحافظة.
الموظفين في ادارته عملوا اضراب عن العمل لكن لم يخرجوا خارج المبنى أو يخربوا أي ممتلكات عامة بوعي من قادة الاضراب والمضربين نفسهم. جاء المدير وتفاوض معاهم واتكلموا عن الظلم الواقع عليهم. المدير ده كان استحالة حد يخش مكتبه وكان معاملته للموظفين فظة. الساعي المتعين جديد في مكتب المدير كان بياخد حوافز وبدلات أكتر من العامل اللي بقاله 30 سنة في مكان آخر في المحافظة. الموظفين جابوا مفردات مرتب المدير وكان مرتبه كبير جداً هو ومستشاريه. المستشارين حاليا في الهيئات الحكومية عبارة عن اصحاب كبار المديرين ومعارفهم. المدير كان بيتحايل عليهم (بعد ما كان بيعاملهم اسوء معاملة) عشان يفضوا الاضراب ومايعملوش له مشكلة وفعلا نفذ بعض مطالبهم اللي يقدر عليها. المدير بقى خايف منهم (مش خوف من عنف جسدي بل خوف من قوة صوتهم) بعد ما كان الموظفين هما اللي خايفين منه وساكتين على ظلمه ليهم.

في كل مؤسسة من مؤسسات الدولة في رئيس ومدراء في قمة الفساد والموظفين عارفنهم. كل هيئة لازم تتطهر نفسها وتبلغ عن الفاسدين فيها.

أيوة، الاضرابات الفئوية دي بتضر الاقتصاد مؤقتا. وبعض مطالب الموظفين تعتبر انتهازية، لكن في المجمل الاضرابات والمظاهرات الفئوية دي بتطهر جذور الفساد اللي معششة في كل مؤسسات الدولة.

أما بقى المظاهرات ذات المطالب العامة دي مفهاش شبهة انتهازية أو مكاسب شخصية. ودي أنا شخصيا معاها 100%.

---

بس أحنا معندناش ثقافة التظاهر والدليل أمثله كتيره جدا جدا أكتر بكتير من مجموعات تانيه بتطالب بحقوقها بطريقه كويسه
وأزاى حتى لو هتضر بالأقتصاد وتمنع الحياه تعود

اقتباس:

---

المشاركة الأصلية كتبت بواسطة zkralla

الاختلاف كبير قوى بين المظاهرات الفئويه الى بيقوم بيها ناس عشان مصالح شخصيه ومظاهرات ميدان التحرير
عشان الاوراق ما تتخلطش فى الزحمه
كلنا ضد المظاهرات الفئويه والانتهازيه

---

وضحت كلامى فى أول رد

اولا فعلا اللي معطل البلد المظاهرات الفئوية

محنا الاطباء دلوقتي مأجلين موضوع المظاهرات ومحترمين نفسنا

وبتوع مظاهرات التحرير معادوش بينزلو

ياريت منخلطش بين الاتنين فعلا

اقتباس:

---

المشاركة الأصلية كتبت بواسطة mahmoudysf

كتير اد ايه يعنى
ويا ريت تقولنا احصائية عن اسماء الكتير دول اللي عايزين يخربوا
يا دكتور محمد مش كل مختلف معاك في الراي بقى مؤيد للفوضى والمظاهرات الفؤية وضرب جميع ضبات الشرطة
وياريت دايما تدي حلول لمشاكل وتناقشها بدل ما انت واخد صف وكل مخالفينك حاططهم في صف العدو
وعموما انا مازلت محترم شخخصك مع اختلافي واعتراضى على 99 % من ارائك وطريقتك في مناقشة مخالفيك ومحاولة اسقاط عليهم ما ليس بهم

---

+111111111111111

اقتباس:

---

المشاركة الأصلية كتبت بواسطة otefa

لا حول ولا قوة الا بالله........الله يرحمه........ويرحم بلدنا من الغوغائية

---

المطالب مشروعة والأسلوب غير مشروع والنتيجة موت أنسان

اقتباس:

---

المشاركة الأصلية كتبت بواسطة sharafconsult

أنا مش بشبهم ببعض طبعا
أنا ضد مظاهرات التحرير ( دلوقت ) علشان ندى فرصه للجيش يتصرف ( بأعتبار أن مطالبهم رحيل شفيق )
لكن المظاهرات الفئويه بتقلد التحرير بس بمنهى العبط


بس أحنا معندناش ثقافة التظاهر والدليل أمثله كتيره جدا جدا أكتر بكتير من مجموعات تانيه بتطالب بحقوقها بطريقه كويسه

---

+11111111111
الدليل الراجل ألي توفى والله أعلم بالي ممكن يحصل تاني كل يوم والتاني أشاعة ولا أتنين بحرق كنيسة أو هدمها ربنا ساترها لغاية دلوقتي..........ده كلام يرضي ربنا نصلح الغلط بأكبر منه

البلد من سيء الى اسوء

اقتباس:

---

المشاركة الأصلية كتبت بواسطة ziours

البلد من سيء الى اسوء

---

+++++++++++++111111111111

اقتباس:

---

المشاركة الأصلية كتبت بواسطة mahmoudysf

كتير اد ايه يعنى
ويا ريت تقولنا احصائية عن اسماء الكتير دول اللي عايزين يخربوا
كل من يدعو الان لايقاف العمل والتظاهر في ايام العمل والمطالبة بمطالب ليست من حقه هو مخرب
يا دكتور محمد مش كل مختلف معاك في الراي بقى مؤيد للفوضى والمظاهرات الفؤية وضرب جميع ضبات الشرطة
لا طبعا ولكن كل من يدعو لذلك الان يكون مخرب
وياريت دايما تدي حلول لمشاكل وتناقشها بدل ما انت واخد صف وكل مخالفينك حاططهم في صف العدو
نفسي نبدا نبحث عن الحلول معا لكن معظم ما اجده هو محاولات للاثارة والتهييج مرة للنزول وسط الاسبوع لعزل شفيق ومرة النهاردة ومش معروف السبب لكن الحمد لله اتوجد السبب بسرعة وهو فيديو ممكن يكون له اكتر من تفسير وممكن يتم معاقبة المسئول عنه بدون التظاهر لكن الظاهر اصبح هواية عند البعض
وعموما انا مازلت محترم شخخصك مع اختلافي واعتراضى على 99 % من ارائك وطريقتك في مناقشة مخالفيك ومحاولة اسقاط عليهم ما ليس بهم

---

وما زلت احترم شخصك واحترم كثيرين ممن اختلف معهم في 99% من ارائهم وهم من يكون الاختلاف معهم في الراي وباحترام وبدون تجاوزات

اقتباس:

---

المشاركة الأصلية كتبت بواسطة megamoudy

اولا فعلا اللي معطل البلد المظاهرات الفئوية
محنا الاطباء دلوقتي مأجلين موضوع المظاهرات ومحترمين نفسنا
وبتوع مظاهرات التحرير معادوش بينزلو
ياريت منخلطش بين الاتنين فعلا

---

يا دكتور احنا من اكتر من 7 سنين بنطالب بمطالب فئوية كتيرة جدا لكن لما حاول الوزير السابق استغلال ظروف الثورة قبل نجاحها ومحاولات ارضاء الجميع ودعا للاجتماع به لتنفيذ كل مطالبنا تم رفض الاجتماع به وخرجنا في المقابل في مظاهرة يوم الثلاثاء هي التي فتحت الباب امام المتظاهرين للوقوف امام مجلس الشعب
دلوقت نشتغل علشان نلحق نطلع ببلدنا مش كل شوية مظاهرة بحجة شكل
المجلس العكسري اعلن انه هايسلم البلد في خلال 5 شهور دلوقت والتعديلات الدستورية تقريبا تم الانتهاء منها لان اللجنة تكاد تنتهي من تعديل القوانين المكملة وبالتالي لابد ان تكون انتهت من التعديلات الدستورية والمطلوب الان مهلة لالتقاط الانفاس للبلد ككل

اقتباس:

---

المشاركة الأصلية كتبت بواسطة otefa

المطالب مشروعة والأسلوب غير مشروع والنتيجة موت أنسان


+11111111111
الدليل الراجل ألي توفى والله أعلم بالي ممكن يحصل تاني كل يوم والتاني أشاعة ولا أتنين بحرق كنيسة أو هدمها ربنا ساترها لغاية دلوقتي..........ده كلام يرضي ربنا نصلح الغلط بأكبر منه

---

وماذا استفادت اسرته من ان المطالب كانت مشروعة
الشركة قطاع اعمال وهو عضو منتدب وليس صاحب الشركة وطلب مهلة لتحديد ما يمكن القيام به لماذا يقتل ؟
اطباءالقصر العيني لماذا يتعرضون للارهاب ؟
المواطن العادي لماذا يشعر بتهديد دائم 24 ساعة من البلطجية
وغالبا عيلته لن تسكت وهاتاخد بتاره قريب اوي ويا عالم من كام واحد
والاشاعات اللى من النوع التاني والتظاهر بسببها هوالكارثة وربنا يستر وماتحصلش

يارب سلم يارب سلم

يعني بقى المفروض انه كله يصبر لأن الوضع لو حتى مش كويس على النواحي الاقتصادية او غيرها سئ هيكون مؤقت لغاية ما الحكومة الجديدة تكون جاهزة

يبقى الصح بقى لا مظاهرات فئوية ولا غيره

نبدأ نشتغل والطلبة تذاكر والحياه تتقضى بأي طريقة زي ما كانت بتتقضى طول تلاتين سنة فاتو

YouTube - ‫ط§ظ„ظ…ط¤طھظ…ط± ط§ظ„طµط.ظپظ‰ ظ„ط±ط¦ظٹط³ ط§ظ„ظˆط²ط±ط§ط، ط£ط.ظ…ط¯ ط´ظپظٹظ‚ 13-2-2011‬‎