الموضوع: مين نازل مظاهرات بكرة

المشاركة الأصلية كتبت بواسطة loveknight

انا مش نازل ولا عايز انزل تانى لان النزول دلوقتى يبقى انا عايز اضر بلدى وبعدين عايز اعرف ماله احمد شفيق راجل محترم وعايز يساعدنا بس احنا نرجع بقى ويبقى عندنا نظام وكل واحد يبدا بنفسه فى كل حاجه وقبل ما يحاسب الناس يحاسب نفسه على اى شيء غلط هو بيعمله وكفايا مصايب لحد كده خلينا نشوف مصالحنا وانا من رايى خلاص معدش حد هينزل تانى فى ميدان التحرير والموضوع هيقل لحد ما يفضل بقى اللى بيدورو على مصالح شخصيه

حصل نقاش الصبح مع الاخ ممدوح عن احمد سفيق وفي النهاية تبين انه لا يوجد اي اعتراض على احمد شفيق اللهم الا لو البلوفر تباعه مش شيك او يمكن علشان بيحاول يحط الشعب معاه في الصورة وبيتكلم كتير علشان قبل كدة كنا بنعيب على المسئولين انهم مش بيتكلموا

المشاركة الأصلية كتبت بواسطة ahmed ezz

لا يفرضها المجلس الاعلي ؟؟!!
امال مين ؟؟؟؟

المشاركة الأصلية كتبت بواسطة everlasting

احنا اللى نختارها ... أو بمعنى أدق ممثلين عن الشعب أومال هو المجلس الأعلى بيجتمع من القوى السياسية ليه .. لازم المجلس يعرف الشارع عايز إيه ... فيه وجوه بغيضة ومكروهة من الشعب في الحكومة مش عارف على أي اساس بيتم اختيارهم ... وحتى ولو كويسين زي مثلا أحمد جمال الدين موسى .. بس يكفي انه كان وزير سابق في النظام البائد + عضو في لجنة السياسيات ... ثم هي مصر مفهاش حد غيره يصلح لوزارة التعليم؟!! الناس زهقت من الوجوه القديمة عايزين تغيير شااااااااااامل .. في الوزارات والهيئات والإعلام.. عشان تبقى ثــورة بكل ما تحمله الكلمة من معنى.
الشعب يريد اسقاط النظااااااااااااااااااام

احنا مين؟
ومين اللى ممكن نقول انهم بيمثلوا الشعب دلوقت ؟ اذا كان اي واحد من اللى يبقولوا انهم بيمثلوا الثورة ولا الشعب يطلع في التليفزيون يطلع عشرين واحد بعده يقولوا لا مش بيمثل غيرنفسه
اللى بيقول انه بيمثل الشعب يكسب الانتخابات البرلمانية بعد 5 شهور او اقل ويبقي يعلم الوزارة بتاعته زي ما هو عايز
وهل كل من عمل في ظل النظام القديم اصبح فاسد خلاص يبقي نلغي من المرشحين للرئاسة عمرو موسي والبرادعي والجنزوري
واحمد جمال الدين من وزراء التعليم المحترمين
وهي المشكلة دلوقت تغيير شامل لمجرد التغيير
واسقاط النظام معناها الدخول في اللانظام او الفوضي الصح تصحيح او تعديل النظام وليس الغائه
ومتهيالي فيه استطلاع راي اتعمل هنا كانت نسبة من يثقوا فيالجيشاكتر من 50% كبيرة جدا جدا مقارنة بمن ثقتهم اقل يبقي نترك الجيش يدير المرحلة الانتقالية ونختار بعدها في الانتخابات من نريد

المهم بعد ما تحصل الانتخابات ميطلعش الخاسرين يقعدوا في التحرير
او يقعدوا ونبقي مشوف النظام الجديد هايتعامل معاهم ازاي
او لو كانوا من مجموعة غير اللى انت بتنتنمي ليها او بتايدها نشوف رايك فيهم هايكون ايه وقتها