مشكلة في صوت الموتور ( ارجو الإفادة )
إخواني أعضاء نايل موتورز الكرام ( قسم نيسان )
تحياتي للجميع وأتمنى لمصرنا الحبيبة كل خير وأمان
في الحقيقه انا بتواجهني مشكله مش عارف سببها أيه
أنا عارف أن فيه ناس أفاضل كتير هنا ممكن يفيدوني إن شاء الله
انا عندي عربية نيسان صني مو 2009 مانيوال abs
ساعات كتير بسمع صوت غريب جدا في حالة لما أدي غيار أول للعربية وخصوصا لما أدوس بنزين
بمعنى أدق عند بداية حركة السيارة في حالة توقفها في إشارة أو في الزحام فطبعا بشيل رجلي ببطء من على الدبرياج وبدوس على البنزين برده ببطء عشان العربية تبتدي تمشي في الحالة دي بالذات بسمع صوت مصاحب لصوت الموتور ( بس صوت غريب جدا ) الصوت ده مشابه للكلمة التالية ( تررررررررررررر ) وبتتكرر كل اما العربية تبتدي تمشي بعد الوقوف إما في الاشارات أو عند صعود الكوبري ببطء أيضا
أنا بصراحه محتار من الصوت ده ومش عارف أيه سببه
ياريت تفيدوني