حتى إبراهيم عيسى !!!!!!!!!!! وتصريحات مستفزات في واحد من الناس

**Dr Ahmed** · 25-02-2011 03:25 PM

بصراحة الموضوع لا يستحق لا نرفزة ولا جدال ولا حتى نقاش
دا رأى إبراهيم عيسى وافقته ماشى موافقتوش برضه ماشى
إيه المشكلة؟

**tkamal** · 25-02-2011 03:34 PM

مش هضيف كتير على ما كتب من انه يجب فهم الصورة بالكامل لكلام ابرهيم عيسى لكن هضيف نقطه فتصتنى من الضحك

لما عمر الليثى اصر على كلمه ثورة الشباب

راح اقله ناقص تتكلم عن حكمة الشباب ورويه الشباب وسياسه الشباب (من باب المزحة وليس التقليل من شانهم طبعا)

واننا شلنا كلمة مبارك عشان نحط كلمة الشباب

والله قمة الكوميديا السوداء

بحب فى ابراهيم عيسى قدرته على انه يخليك تفكر فى كلامة اكثر من ان تسمعة فقط

**م.محمد علاء** · 25-02-2011 03:34 PM

المشاركة الأصلية كتبت بواسطة dr ahmed

بصراحة الموضوع لا يستحق لا نرفزة ولا جدال ولا حتى نقاش
دا رأى إبراهيم عيسى وافقته ماشى موافقتوش برضه ماشى
إيه المشكلة؟

يجوز حد فهمه غلط ولا حاجه يا دكتور...
لأن فعلا المتحفزين ضد مسمى ثورة الشباب.مش عايزين حد ياخد المجد منهم..
هو كل اللي قاله مره تانيه..إنها ثورة شعب...!مش أكتر من كده.

**م.محمد علاء** · 25-02-2011 03:39 PM

المشاركة الأصلية كتبت بواسطة a_taamer

بحب فى ابراهيم عيسى قدرته على انه يخليك تفكر فى كلامة اكثر من ان تسمعة فقط

بالإضافه لكده..كان قال حاجه جميله وهو مع محمود سعد..
قاله...إحنا مش عايزين كل الناس تثبت إنها كانت مع الثوره..لأ ..
بالعكس..
إحنا قضينا على زمن كان فيه كل الناس بتمشي ورا الحاكم سواء صح أو غلط...
لألأ..مش عايزين كده تاني..
مش عايزين الناس تركب الموجه...عايزين ناس تعارضنا..و ناس تقولنا لأ..إنتوا غلط..
عايزين رأي و رأي آخر من هنا ورايح..
مش اللي تكسبه..إلعبه....لأ..
عارضني و ناقشني..إنما مش بما إن أنا الحاكم...يبقى كل الناس تقولي آمين..