الموضوع: واحد تانى الشرطة قتلته فى العمرانية كده هتبقى مذبحة

المشاركة الأصلية كتبت بواسطة dr-mohamed

حين يترك تجار مخدرات يتشاجرون بالمولوتوف واطلاق النار معرضين السكان الامنين للقتل والحرق يكون اخف الضررين هو القضاء على تجار المخدرات لافسادهم في الارض وليس تركهم

المشاركة الأصلية كتبت بواسطة a.saad

الطريقة دى اللى كانت الشرطة بتعملها
انهم يستنوا لما الخناقة تتفض وينزلوا
وكل الناس كانت بتنتقدها
امال ليه بنطالب بيها دلوقت
ولا اي حاجة بتعملها الشرطة بتبقى مكروهة لمجرد انها شرطة ؟؟؟؟؟؟؟؟
وبعدين الضرر الاكبر هو اللى بيقع على الناس العادية الامنة
لو شايف انه يسيب واحد لحد ما يموت التانى
ده كدة يبقى :
شريعة الغاب ، مش عاجبنى ابقى اموتك
مفيش احترام للقانون
وبعد كدة اللى سابه ده هيعمل ايه
هيسرق ويقتل اللى مش بيبع مخدرات
او هيكبر ويبقى تاجر مخدرات وقاتل اكبر

ارجو تفهموا كلامى الاول وبعدين تعلقوا عليه
انا لم اقصد ابدا انهم يسيبوا الناس تموت بعض وبعدين يتدخلوا
فيه طرق كتيرة للسيطرة على مثل هذه الامور بدون قتل
انتم عارفين يعنى ايه قتل؟
ماهو للاسف حفظ الامن بحرفية لم يكن اصلا من اهداف جهاز الشرطة ولم يكونوا مدربين عليه
العلوم الامنية تدرس فى دول العالم المحترمة وهناك حرفية خططية وتكنولوجية للسيطرة على مثل هذه الامور بدون قتل انما تدريب جهاز الشرطة كان على السفالة والتعالى على الناس وحفظ الانظمة الفاسدة فى الاساس
ربنا يرحمنا برحمته

المشاركة الأصلية كتبت بواسطة dr-mohamed

ده الفيديو الناقص وفيه الكلام اللى ممكن يستفز الناس
فيه فيديو اكبر من ده بيقول فيه ازاي يتعاملوا مع الناس المحترمة
بس طبعا الفيديو الناقص اتنشر الاول علشان يعمل تهييج
ودلوقت يقولوا الفيديو الكامل واحد نبهه ان فيه تصوير فيديو يعني هو مش شايف من الاول اللي بيصور من على بعد متر منه

فيه ناس هدفها الاثارة والتهييج فقط بدون نظر لنتائج هذا السلوك

أنا عموما حطيته على موقع القوات المسلحة علشان يحققو في الموضوع ونصبر ونشوف أيه التصرف ألي هايتاخد مع تجاوزات أمثاله ..........ولا أيه رأيكم.........أنا شايف دي الأيجابية الأفضل من التظاهر في وقتنا الحالي درءا لمزيد من الفوضى ألي يقع تحت أيضه أي تجاوز ما يقدمه يا للنيابة يا على الموقع الرسمي للقوات المسلحة