الموضوع: (مفيش فااايدة) مدير امن البحيرة يسب ويتوعد الشعب بقطع اليد والاعتقال

المشاركة الأصلية كتبت بواسطة heshamzaky

دكتور محمد ازى سعادتك يا فندم . بص هو الراجل طبعا واقف بيتكلم فى وسط رجالتة بتوع الشرطة وواضح كلامة بس هو للاسف مش ذكى لان الكلام الى هو بيقولة و خصوصا أنة تم تصويرة اى حد حا يشوفة حا تكون النتيجة هى تهيج الراى العام علية هو كان مفروض كقائد يوعى ظباطة و يقول لهم المهام الى لهم و الى عليهم بس أنا تقريبا فهمت دماغة الغريبة هو بيحمس الظباط دة مظبوط بس للأسف بيحمسهم بصورة مش صحيحة يعنى كان ممكن يقولهم لازم نطارد البلطجية و الحرامية و نقضى على البلطجة و نعيد للشرطة هيبتها و نقطع يد كل سارق و مثير للشغب و مخرب و يحث الظباط على التعامل بالحسنى مع المواطن الشريف بس للأسف هو فاتح صدرة شوية و اعتقد الفيديو دة وصل للقيادات الى فى الداخلية و حا نشوف رأيهم اية لان الشرطة دلوقتى مفروض تمتص غضب الناس و تحاول ان تطبق القانون بصورة جيدة و مشرفة دون تجاوز

هشام بيه لا تنسي ان 5 منهم اتقتلوا لانهم كانوا رايحين يدافعوا عن بنك ضد اللصوص والعربية بتاعتهم اتخرمت علشان يحموا البلد فطبيعي يبقيفيه حالة نفسية تحت الصفر ويحاول يرفعها باي طريقة
ولاحظ انه قال بالقانون يعني مش بلطجة
والله فيه قلق على الطريق في البحيرة فوق ما تتخيل لدرجة انى رجعت النهاردة ومكملتش السفر لانى هوصل بالليل
اي مجرم او مخرب يتضرب بالجزمة زي ما قال
وبعدين ليه لما كانت الناس عاملة لجان شعبية وبيمسكوا حرامي كان بيتقطع في الشارع وبيتربطوا في العواميد ودلوقت زعلانين من انه اللى يمد ايده عليهم هايطقعوها له
وهل المطلوب يقولهم لو الناس مدت ايديهم عليكم سقفوا لهم واعملوا لهم محصر ؟؟؟؟

المشاركة الأصلية كتبت بواسطة mbhead

هههههههههههههه مدير امن البحيرة دا اخره
سيادة اللواء المحترم دا من كام سنة شتمه و بهدله و كان حيضربه نقيب طيار من القاهرة و جاب الشرطة العسكرية و محدش اقدر بعمل للطيار اي شي و كان الكلام دا في دمنهور في وسط الشارع و وسط الظباط يتوعه و اخويا حضر الواقعة بنفسه و حكالي
ديل الكلب عمره يا ينعدل و الناس دي طول عمرها قذرة و زبالة المجتمع ازااااااااي هينضفو طيب و الله ولا حتي بعد 100 سنة
و بيقول احنا اسيادهم .......اسف انتم بلا شك حثالة المجتمع

واضح انك من دمنهور نفسها وردودك متاثرة بوقائع انت وحدك تعرفها
لكن تقدر تقولي العميد والظابط واللى كانوا معاهم واتخرموا عند البنك الاهلى اتقتلوا ليه ؟
تقدر تمشي في طريق التوفيقية بعد 7 المغرب ؟
وكلام الناس دي فيها جمع مرفوض

فضلت ازن على رصد لحد مانشروه
بالشفا ياداخليه