-
الوان الاوبترا
انا جاتلى فكرة صغيرة بس لو عرفنا نعنلها هتفيد الناس كتير
دلوقتى كل ما بيكون فى واحد ناوى على شراء اوبتراية جديدة بيحتار ف اللون زى حالاتى دلوقتى , فانا جه فى بالى اننا نعمل موضوع نجمع فيه الوان الاوبترا بالصور واسماء الالوان واكوادها كمرجع لينا ولاى حد عاوز يتفرج و يشوف .
بس ملحوظة الصور هنا استثنائية شوية , احنا مش عاووين ننقلهم من موقع شيفروليه او اى موقع تانى و نيجى نلزقهم هنا , احنا عاوزين صور حيه و يكون الترتيب كالاتى:
اللون
الكود
صور حية
وصور حية دى معناها صور اخدها الشخص بنفسه لعربيته ومن كذا زاوية و قريب وبعيد وليلا و نهارا
ولو حد مثلا يعرف معرض فيه كذا لون يروح ويصورهم بنفس الاسلوب عشان نعمل مرجع لينا بالوان الاوبترا
بس ياخوانا نبعد عن الصور الجاهزة بتاعة النت لان الوانها غير حقيقية
احنا عاوزين الوان حية
-
هى الفكرة حلوة
بس المشكلة ان اي صورة ترفع على النت بتختلف عن الحقيقة بالسبة للالوان
لان بتفرق من كارت شاشة الى اخر و من شاشة الى اخرى
لكن لو حضرتك راجعت مقابلات القسم هاتلاقى صور للاعضاء مع عربيتهم
ولكن لو تحب ممكن كل واحد يحط لون عربيتة و يقول المميزات و العيوب و دة هايكون اوقع
مش عارف رأي حضرتك و باقى الاعضاء اية ؟
مع العلم ان بعض العربيات فى الاوبترا بتدى درجات لون مع الشمس
زى لون عربيتى الى هى اخضر بوستاج ( فسدقى )
فى بعض درجات الشمس و الظل بتقلب الى لون قريب جدا من السماوى
و بالتوفيق
-
الوان الأوبترا اللي شوفتها
1- الفضي قريب من اللانسر
2- النبيتي "زي لون عربيتي" و درجته حلوة افتح من درجة النيو اكسنت و الماتريكس و المع شوية من اللانسر
3-الفيراني او الجراي بس مش غامق قوي "مش قريب من لون اللانسر بحس انه ابهت منه شوية"
4- الأسود و هوه لون حلو قوي عليها "ميتالك ناصع مش باهت" قريب من الأسود البي ام الفئة التالتة
5- الأبيض
6- الكحلي الغامق و بردوا حلو عليها تقريبا اغمق درجة من اللانسر الكحلي وقريب من الكورولا الكحلي
هي دي الألوان المنتشرة و في الوان تانية مش منتشرة قوي زي:
1- الأحمر نفس درجة الصني 2011 "الأحمر الجديد مش النبيتي القديم" بس بحس انه مش لايق قوي عليها
2- الأزرق الزهري قريب قوي من البروتون جين 2
3- الذهبي مش عارف لسه موجود
4- الزيتي
5- السماوي نفس درجة الدايو نوبيرا
6- طبعا الفسدقي زي عربية العمدة
-
ربنا يخليكم على المجهود الرائع ده
-
-
يا عمدتنا
مقولتش اوصل لصور عربيات الاعضاء ف المقابلات ازاى؟؟؟
لو معاك لينكات ياريت تسهل عليا مشوار البحث
-
شوف اللينكات دى
http://www.nilemotors.net/Nile/181084-a-2.html
http://www.nilemotors.net/Nile/175941-a-2.html
هى الصور بصراحة مش واضحة قوى
بس دة حل مؤقت
بس صدقنى على موقع شيفورلية الالوان حقيقية
بس خلى بالك العربية زيرو بيبقى اللون مختلف عن بعد ما تقعد فى الشمس ( انت عارف العوامل الجوية )
-
-
ياعمدتنا انا عاوز اخد رايك
اوبترا
#8c1414 ولا
#b8b24a ولا
#76bf93 ( الفاتح مش الفستقى)
-
طيب يا عمدة انا عاوز اخد رايك و رايكو كلكو ف الالوان دى؟؟؟
-
-
بص طبعا النبيتى شيك جدا بس مشكلتة التراب عامل شوية زى الاسود
و دة عن تجربة للون فى عربية سابقة
الاخضر المنت دة لون عربيتى و ميزتة انة ما بيلمش تراب و بيغير مع الشمس و الضل ففى الشمس بيقلب شوية لسماوى
مش عارف لو هاتستحمل موضوع التراب غليك فى النبيتى لو مش هاتستحمل خليك فى الاخضر
و على فكرة انا كاتبة فى الرخصة بوستاج :-)
و برضة روح معرض و شوف اللونين على الطبيعة و شوف انهى الى ها ترتحلة اكثر
و بالتوفيق
-
يا عمدتنا المعراض اللى عندنا ف قنا مبتجبش غير بالطلب
يعنى انت و حظك لما تروح يمكن تلاقى عربية مركونة بتاعة حد هيستلمها بكرة
وكمان بتبقى الالوان التقليدية الفضى و الاسود
يعنى لو قولتله عاوز اخضر منت هيفتكرها شتيمة
عشان كدة انا محتار و مش عارف احكم لانى مشوفتش الالوان غير على عربيات ف الشارع وهى بتجرى ، متردد جدا و مش عارف اختار
بعد اذنك يا عمدتنا ف شوية صور لعربيتك لما تكون فاضى
انا شوفتها ف المقابلة بس كان ليل و مش باين حاجة
انا اسف انى هتعبك معايا بس بجد هتريحنى جامد
-
حبيبى تحت امرك
انا هاصورها النهاردة ان شاء الله
و هاحاول ارفعها النهاردة
انا عارف ان اللون من اصعب الحاجات فى الاختيار مثل اختيار نوع العربية
بس خلى بالك ان عربيتى بقالها اكثر من 3 سنوات و لو ترش قبل كدة
فطبعا عوامل التعرية بتفرق
و يجعلة عامر
-
خليك في النبيتي حلو و مدي العربية بريستيج بس محتاج تنظيف شوية بس مش زي الأسود و لون منتشر شوية عكس الأخضر منت و البيج
-
السماوي الفاتح وادعيلي
ودي صور عربيتي بس انا منكلها
من اول الصورة 3
http://www.nilemotors.net/Nile/200743-a.html
Content Relevant URLs by
vBSEO 3.6.0 PL2