سواء شاف اللي كان بيصور او ماشافوش انتوا مش سامعين التعالي (احنا اسيادهم) لا يا سيادة اللواء انت ومديريتك موظفين ف الدولة بتاخدوا مرتباتكو مننا عشان تحافظوا على امننا مش امن النظام زي ما كنتم قبل الثورة ولا انتم اسيادنا افهموا بقى
عرض للطباعة
سواء شاف اللي كان بيصور او ماشافوش انتوا مش سامعين التعالي (احنا اسيادهم) لا يا سيادة اللواء انت ومديريتك موظفين ف الدولة بتاخدوا مرتباتكو مننا عشان تحافظوا على امننا مش امن النظام زي ما كنتم قبل الثورة ولا انتم اسيادنا افهموا بقى
انا عارف ان هو ده الهدف من اسئلتك بس مش عارف ليه مش بتقولها بصورة مباشرة وواضحة
يا د محمد لو انت مش ظابط و مالكش اي قرايب ظباط من قريب او بعيد يبقي ممكن نسمع وجهة نظرك لكن لو ليك قرايب ظباط حتي لو من بعيد يبقي اكيد بتحابي ليهم و كلامك غير موضوعي
في نقطة تانية..د محمد مش بيدافع عن سلبيات الشرطة...هو بيقول ان الشرطة زي ما ليها سلبيات ليها ايجابيات و ماينفعش ناخد الصالح بالطالح ...زي ما في ناس بتطالب بالغاء الشرطة و احلال الجيش مكانها
و احب اسال حضرتك ايه رأيك في الخبر ده
اليوم السابع | سكان مدكور الهرم يطالبون "الداخلية" بحمايتهم من "البلطجية"
دلوقتي لو قوة من الشرطة طلعت علي مدكور ايه اللي هايحصل؟؟؟؟
اكيد البلطجية دول مسلحين بسيوف و طبنجات... و بعد الاخبار الي سمعناها عن الاعتداءات علي ظباط الشرطة الايام اللي فاتت البلطجية دلوقتي مش بيكشوا من الشرطة و فاردين عليهم..هايحصل الاتي...الظباط هيضربوا نار في الهوا عشان يفرقوا الناس و يتبقي البلطجية و يمكن تميزهم من اشكالهم و الاسلحة اللي معاهم...البلطجية هيضربوا نار برده و بيبقوا واقفين وسط الناس يعني في الزحمة مش بتبقي عارف مين ضرب نار علي مين...الظباط لو حسوا بان في خطر عليهم هايضربوا في المليان...هيموت واحد...البلطجية هيهيصوا و و يقولوا الشرطة بتموتنا...الاهالي هاتنزل و تهاجم الشرطة...الشرطة هاتهرب و ممن يمسكوا ظابط و غالبا هايتقتل و يتمثل بيه
و بعدين يظهر الخبر الاتي
ظابط شرطة يقتل مواطن بمدكور و الاهالي تتمكن من الامساك به و قتله انتقاما للضحية
و هاتسمع حكايات للصبح...الي يقولك الظابط ضرب من غير سبب و الي يقولك الظابط ضرب واحد مالوش دعوة و الي يقولك انا عارف الظابط ابن ستين في سبعين و الي يقولك لأ البلطجي ضرب الظابط الاول و الي يقولك اصله مش عارف مين شتم مين بالأم و كان لازم يرد عليه و الي يقولك انا شفت الظابط لابس ساعة تمنها 2000 جنيه و هو مرتبه 500 جنيه يبقي اكيد حرامي و داخل شرطة بالواسطه و جايب 50% و حلال فيه اللي جراله...و الي يقولك ده بيثبت وجهة نظري ان لازم نسرح الشرطة و نجيب الشرطة العسكرية مكانها...
و طبعا الاختلاف في الراي لا يفسد للود قضية....خالص :redeye:
السلام عليكم و رحمة الله و بركاته
1 - الراجل مدير الأمن ده سكران و لا ايه؟؟
2 - أن الراجل ده باين من كلامه و من أسلوبه أنه من العينة اللى لازم تاخد على دماغها باستمرار, عشان متينساش نفسه, لا هوا و لا الجفيط اللى جنبه .
3 - أن الراجل ده, باين جدا من كلامه, أنه من أزناب النظام الفاشل البائد الماضى .
4 - أن الراجل ده, من مظهره, أنه سكران و أكيد حشاش و ماينفغش أبدا يبقى مدير أمن, ده ممكن بالكتير أوى يمسح عربيات فى أى اشارة .
5 - أن الراجل ده بيبفكرنى بواحد سكران تانى, اللى هو عاطف عبيد .
6 - أن أنا طبيب و أعرف كويس أوى أفقس السكرانين و الحشاشين اللى لا زالوا تحت تأثير المواد المخدرة من أول بصة و لا مؤاخذة :00020140::00020140::00020140::00020140:.
شكرا ليكم .
أنا مش بدافع عن مدير الأمن و لو فعلا تاريخه السابق سيء يبقي لازم يتغير
بس هو الي فهمته انه بيتكلم علي اللي يمد ايده علي الظباط يبقي تتقطع
مش عارف ليه كل واحد خدها علي نفسه..من فينا هايمد ايده علي ظابط؟ من المواطن العادي اللي هايمد ايده علي ظابط؟؟؟ اللي هايعمل كده واحد مجرم او بلطجي...و في الحالة دي يستاهل العقاب القاسي و كله بالقانون
انا شايف ان الشرطة لازم تكون اسياد علي الحرامية و البلطجية و المجرمين...ما ينفعش الظابط تبقي عينه مكسورة قدام البلطجي...زي ما الاستاذ احمد شهدي قال ان في ظابط ملازم حاول يمنع ميكروباص يمشي عكس الاتجاه و كل اللي عمله انه قاله لف و امشي صح...لا ضربه ولا شتمه و لا قاله رخص (عشان عينه مكسورة) و كانت النتيجة ان السواق البلطجي شتمه و الناس اتلمت عايزة تضرب الظابط راح واخد بعضه و مشي
الى الدكتور محمد ارجوا من سيادتك عدم استفزاز مشاعر الاعضاء لان ده وااااااضح جدا فى كل مواضيعك من اول ايام الثوره وحتى الان
رجاء رجاء رجاء لا تحدث فتنه بين الاعضاء:majd(4):
تم وضع الفيديو على موقع القوات المسلحة خلونا أيجابيين أي حد عنده حاجة شبيهة وموثقة بفيديو يقدمها للنيابة أو على موقع القوات المسلحة ونصبر ونشوف التجاوب هايكون أزاي الصبر جميل
Welcome to Facebook - Log In, Sign Up or Learn More
ههههههههههههههههههههههههه ههههههههههه
تصدق والله فعلا....
أنا ركزت فيها لقيته فعلا بيقوله إن فيه واحد بيصور...
على طول...الباشا عدل كلامه في ثانيه..
إيه ده؟؟؟هي حترجع بنفاق.؟؟و الكلام اللي قدام الكاميرا حاجه...والكلام اللي ورا الكمايرا حاجه تانيه؟؟؟؟؟
شكلنا حنشقيهم معانا من هنا ورايح..
:plusone2::plusone2:
مش مينفعش تبقى عينة مكسورة قدام البلطجى والحرامى بس لأ و أى حد مخالف أو بيخرق القانون
لازم يتم التعامل بكل جدية بس للأسف هما السبب من الأول لو كانوا بيتصرفو بحكمة شوية كان الوضع اختلف
بس برضو ياجماعة لازم نساعد الناس دى لازم الثقة ترجع مش عشان حالات فردية يبقى هناخد العاطل فى الباطل
كما نطلب منهم حسن المعاملة علينا أحنا كمان حسن المعاملة والألتزام وكل واحد يبدأ بنفسة