الحمد لله عملت صيانة 10000كم فى فرع العبور يوم الأربعاء
كنت حاجز الساعة 8:30 ووصلت فى الميعاد وإستلمها مهندس على ما أظن إسمه أمجد
وسألنى صيانة العشرة بس قولتله ومجموعة البريك عشان المفروض كانت تتعمل فى صيانة الخمسة بس كانت لازم تبات ومكنش ينفع
قاللى هتستلمها الساعة 3 قولتله مش مشكلة وراح جرب الفتيش وطبعا بان فى المارشدير التزعيقه المعروفة للتروس
المهم على الساعة 11:30 لقيته بيندهنى وبيقولى العربية خلصت وجرب الفتيس والحمد لله الصوت راح والفتيس بقى أنعم نسبياً من الأول
دفعت 440 جنيه للزيت والفلتر والمصنعية
بجد التوكيل بتاع رينو محترم جداً