حجزت السيريون بس سعرها زاد 1000 جنيه ,استفسار مهم

**Mzeid** · 06-04-2008 11:45 AM

ربنا يبارك لك فيها إن شاء الله و يمنع عنك أي سوء. :):):):)

**أبو عبدالله** · 06-04-2008 11:46 AM

يا اخواني مش كل حاجه نمسك فيها ونعمل عليها هليله وانهم بيظلموا الناس
هو مش هيخسر حاجه لما يجيب اللون الأزرق ولكن في الوان بيتوقف تصنيعها من سنه لسنه ويتم استبدالها بألوان تانيه
ومتهيألي حصل كده برضه في السيريون

يعني المسالة مش بأيد الوكيل وهو مش هيخسر شئ يعني

وعالعموم اللون الأزرق بتاع التيريوس بصراحه خطير وبيعجبني جدا

**OlaOsman** · 06-04-2008 12:20 PM

بس مش ملاحظين يا جماعة ان بأه اللي يحجز السيريون بيستنى شهر على ما يستلمها؟ انا فاكرة اول ما سجلت في المنتدى كان الناس بتتكلم على استلام تاني يوم الحجز و حاجات غريبة كده

هل ده بسبب الإقبال المتزايد على شراء العربية و لا ايه؟

**أبو عبدالله** · 06-04-2008 12:38 PM

هل ده بسبب الإقبال المتزايد على شراء العربية و لا ايه؟

أكيد انه فعلا بسبب الأقبال اللي عليها

**ows212** · 06-04-2008 07:54 PM

هو النقطة دى صحيحة ... الفترة دى مافيش غير الموديل المانيوال وال1500 فقط وكمان مش كل الالوان .... بس حسب ما اتقللى فى التوكيل ان فى شحنة عربيات هاتييجى يوم 15/4 ...

**m10_10** · 06-04-2008 08:19 PM

بالنسبه للاستلام بعد فترة بيكون عشان الالوان اللي بتنزل ممكن لون معين يبقي عليه اقبال والتاني لا فعشان كدة بستني الدفعه اللي بعدها...

انا عن نفسي استلمت تاني يوم عشان اخترت اللون الشامبين وكان موجود...

تاني حاجه ان كل شهر بتنزل دفعه جديدة بتنزل تقريبا يوم 12 - 15 من كل شهر وبيكون عندهم علم بالالوان اللي هاتيجي... بس بيعرفو الدفعه اللي جايه فيها الوان كذا وكذا...

بس مابيبقوش عارفين الدفعه اللي بعد اللي جايه فيها الوان ايه...

يعني لو احنا في شهر اربعه بيعرفو دفعه شهر خمسه لكن مابيبقوش عارفين دفعه شهر 6..

**amrosh** · 06-04-2008 09:57 PM

المشاركة الأصلية كتبت بواسطة معاذ الشرباصى

لو فى ورق مكتوب او مثبت فيه السعر القديم, عند الحجز للسيارة ساعتها من حقك يلتزموا به

مش عارف بقى لو مفيش يبقى ايه الحل ساعتها, بس فى وكلاء كتير عملوا الحركة دى مؤخرا, و اخرهم وكيل هوندا مع السيفيك, زودها 3100

شكرا على الرد يا باشا
هوه فعلا مافيش ورقه
بس انا اخدتها بالسعر القديم لانى اصلا كنت منزل فيها 1000 جنيه
والحمد لله

**amrosh** · 06-04-2008 09:58 PM

المشاركة الأصلية كتبت بواسطة m10_10

اعتقد علي حسب كلام التوكيل ليا وانا باحجز عربيه اختي ان لو حتى زاد سعر العربيه مليون جنيه هاخدها بالسعر اللي انا حاجز بية...

والله اعلم...

راجع اللينك دة
http://www.nilemotors.net/Nile/showthread.php?t=19685

شكرا على الرد المفيد

**amrosh** · 06-04-2008 10:05 PM

المشاركة الأصلية كتبت بواسطة أبو عبدالله

لا طبعا متدفعشي
لأنك حاجز العربيه وهيا كانت موجوده
الكلام ده لو حجزت وبعدين بعتوا يجيبوا لك فلقوا زياده

ساعتها مش بيبقى بأيديهم

بصراحه لما حجزت العربيه ما كانتشموجوده لانى طلبت اللون النبيتى و هو قاللى لو لون تانى انا كنت جبتهولك على طول بس النبيتى الطلب عليه كتير و هاستنى شويه .
و انا خدتها بالسعر القديم لانى اصلا كنت منزل فيها 1000 جنيه
و على العموم شكرا جزيلا لحضرتك على ردك الكريم
وعايز اقول ان حضرتك من اهم اسباب اقتناعى بالسيريون و شرائى لها

**amrosh** · 06-04-2008 10:07 PM

المشاركة الأصلية كتبت بواسطة mamado90

ما تدفعش لانى انا كمان حاجز التريوس من الشهر الماضى ودافع 1000
وقالو لى مؤاخرا انى باخد السيارة بالسعر القديم 139 الف موش 40 الف كما هو الان
بس يجيبوها ما هو انا كمان منتظر اللون الازرق وقالو ادفع دفعنا وجينا نستلم بعد شهر قالو ... معلش اصلو الازرق موش هتيجى مصر تانى ... قولنا خلاص نخش على اللون الفضى ... قالو الشهر الجاى برضه لان اللى عايزها فيها اير باج واية بى اس يا مسهل
ومبروك عليك مقدما سيارتك يا ملك ربنا يباركلك فيها ان شاء الله

شكرا يا باشا على ردك و ذوقك
و عقبال ما تستلم التيريوس قريب ان شاء الله
وربنا يباركلك فيها و يعطيك خيرها و يكفيك شرها

الموضوع: حجزت السيريون بس سعرها زاد 1000 جنيه ,استفسار مهم

LinkBack

أدوات الموضوع

عرض

-

-

-

المواضيع المتشابهه

ايه رايكم في السيريون ال 1000 سي سي

حجزت صيانة 1000

حجزت صيانه 1000

حجزت السيريون 1300 gl اتوماتيك

سؤال عن السيريون 1000 سي سي

الكلمات الدلالية لهذا الموضوع

المفضلات

المفضلات

ضوابط المشاركة