السلام عليكم
انا حجزت الدايهاتسو سيريون الاوتوماتيك 81500 يوم 18 -3
و بأذن الله هاستلمها بكره
بس فى التوكيل قالولى ان سعرها زاد 1000 جنيه من اول شهر 4
و المفروض ادفع فرق الفلوس
مش عارف ادفع و لا لا باعتبار انى حاجز قبل الزياده
و شكرا
السلام عليكم
انا حجزت الدايهاتسو سيريون الاوتوماتيك 81500 يوم 18 -3
و بأذن الله هاستلمها بكره
بس فى التوكيل قالولى ان سعرها زاد 1000 جنيه من اول شهر 4
و المفروض ادفع فرق الفلوس
مش عارف ادفع و لا لا باعتبار انى حاجز قبل الزياده
و شكرا
اعتقد علي حسب كلام التوكيل ليا وانا باحجز عربيه اختي ان لو حتى زاد سعر العربيه مليون جنيه هاخدها بالسعر اللي انا حاجز بية...
والله اعلم...
راجع اللينك دة
http://www.nilemotors.net/Nile/showthread.php?t=19685
لو فى ورق مكتوب او مثبت فيه السعر القديم, عند الحجز للسيارة ساعتها من حقك يلتزموا به
مش عارف بقى لو مفيش يبقى ايه الحل ساعتها, بس فى وكلاء كتير عملوا الحركة دى مؤخرا, و اخرهم وكيل هوندا مع السيفيك, زودها 3100
لا طبعا متدفعشي
لأنك حاجز العربيه وهيا كانت موجوده
الكلام ده لو حجزت وبعدين بعتوا يجيبوا لك فلقوا زياده
ساعتها مش بيبقى بأيديهم
ما تدفعش لانى انا كمان حاجز التريوس من الشهر الماضى ودافع 1000
وقالو لى مؤاخرا انى باخد السيارة بالسعر القديم 139 الف موش 40 الف كما هو الان
بس يجيبوها ما هو انا كمان منتظر اللون الازرق وقالو ادفع دفعنا وجينا نستلم بعد شهر قالو ... معلش اصلو الازرق موش هتيجى مصر تانى ... قولنا خلاص نخش على اللون الفضى ... قالو الشهر الجاى برضه لان اللى عايزها فيها اير باج واية بى اس يا مسهل
ومبروك عليك مقدما سيارتك يا ملك ربنا يباركلك فيها ان شاء الله
هههههه ....
يعنى اية الازرق مش حيجى مصر تانى , جديدة دى يصراحة , ...لية هو الازرق بقى ممنوع فى مصر ولا حاجة , و انت بكل بساطة كدة غيرت اللون , ليهم حق والله يعملو اللى هما عوزينة , فهمنى ونبى يعنى اية الازرق مش حيجى مصر تانى دى , عشان ان مش فهم الحتة دى لو سمحت , هو كمان هما يختارو لينا الالونا اللى نركبها ولا اية , دة تهريج والله العظيم اللى بيتعمل دة , هو المواطن المصرى بقى درجة خمسة ولا اية مش من حقة حتى لون ازرق .
انا كمان في نفس المشكلة حجزت في منتصف شهر مارس بألف جنيه ومستنية استلام العربية في منتصف ابريل ان شاء الله ومش عارفة حدفع على حسب السعر القديم وقت ما حجزت ولا على حسب السعر بعد الزيادة؟؟ ممكن يا استاذ mamado90 تبقى تقوللي حيعملوا معاك ايه ؟؟ وهل في مشكلة فعلا في حجز الالوان بمعنى اننا بعد ما نحجز ونستنى شهر كاااااامل نيجي نستلم منلاقيش اللون اللي استنينا علشانه ده كله برضه ؟؟ يعني وكأنهم ناقص يفرضوا علينا الالوان اللي عندهم او اللي هما عايزينها دي حاجة غريبة فعلا .. والله وبجد لو ده بقى العادي بتاعهم يبقى توكيل ملوش لازمة الصراحة ...
ملحوظة : ياريت حضرتك تبص على صندوق الرسائل الخاصة بتاعة حضرتك..
لما تيجى تستلم يقولك فى اللون الاحمر اية رايك دة تحفة , تقولة انا حاجز اسود , يقولك لاء اصلا الاسود مش حيجى مصر تانى , انا عاوز افهم هوة احنا بنشترى قميص و لا عربية , هوة اية اى لون موجود و خلاص حيسلمك منة , اية المنطق دة , خلاص العميل مبقاش لية اى احترام لهذة الدرجة , و سهل جدا ياخد اى حاجة , هى وصلت فعلا للمستوى دة من التعامل ولا انا فاهم غلط .
يا جماعة كل واحد يتمسك باللون اللى هوة عوزة , دة انت لو بتشترى قميص و ملقتش اللون بتاعك بتقول للمحل مع السلامة , ما بلك بقى بسيارة حتعيش معها عمر بحالة , محدش يتنازل عن حقة فى اللون بتاعة تحت اى ظرف , و لو معندهمش اللون اسحب العربون و شوف ماركة تانية .
المفروض التوكيل بتبعت طلبات الالوان للشركة و هى بتوفر اللون المطلوب , اما ان التوكيل يجيب كمية من لون معين عشان رخيص,و يبيع فيها لحد ما تخلص و طز فى الزبون.
كل موديل بينزل بالوان معينة و انت ليك كامل الحق فى اختيرا ما يناسبك منها ,انت دافع فلوس , دى مش عربية طلعالك فى كيس الشبسى ,
تنازل الناس عن حقوقها هوة اللى بيوصل للتعامل دة .
ده رابط فيه الوان التريوس المتاحة على موقع دايهاتسو, و طبعا الازرق واحد منهم
http://www.daihatsu.com/catalogue/te...ior/index.html
و على فكرة كان فى تريوس ازرق, فى معرض دايهاتسو المعادى من اسبوعين