شيئ خطير والناس مش واخده بالها

**itsonlyme** · 28-02-2011 03:38 PM

المشاركة الأصلية كتبت بواسطة م.احمد زكريا

العملية مش عملية ذبح المتظاهرين طبعا

الاساس في الموضوع هو استقرار الاوضاع والانتقال الهادىء
لان كل خطوة فيها خلاف حتى بين المتظاهرين من نفس الفئة او الحزب او الجماعة

وزي ما حصل يوم الجمعة الله اعلم مين اندس وسط مين ولا مين ادى اوامر او اتصرف بفردية وكان ممكن الموضوع يولع لولا ستر ربنا

ده الهدف من الموضوع

طيب يا فندم انت واخد بالك انك لو طالبت تأجيل الانتخابات تبقى بتقلبها فوضى وتأثر على استقرار الأوضاع وبتأجل الانتقال الهادئ؟

ده طبعا مش وجهة نظري، دي نفس طريقة تفكير حضرتك ضد اللي بيطالبوا باقالة شفيق.

**م.احمد زكريا** · 28-02-2011 09:18 PM

المشاركة الأصلية كتبت بواسطة itsonlyme

طيب يا فندم انت واخد بالك انك لو طالبت تأجيل الانتخابات تبقى بتقلبها فوضى وتأثر على استقرار الأوضاع وبتأجل الانتقال الهادئ؟

ده طبعا مش وجهة نظري، دي نفس طريقة تفكير حضرتك ضد اللي بيطالبوا باقالة شفيق.

شفيق مشي مع السلامة لا نفع ولا اضر ..وهايجي غيرة هايعجب جزء والباقي لأ بدليل ان شفيق اول ما مسك الناس كلها كانت بتشكر فيه وبعدين افتكروا ان حسني العينة ..... غيرنا الوزاراء والمحافظين وووووو

النتيجة بعد شهر في استفتاء على مواد دستور وبعدها بشهرين في مجلس شعب وبعدها بشهرين في انتخاب رئيس

ده الانا شايفه دلوقتي

**yousef1978** · 01-03-2011 08:51 AM

المشاركة الأصلية كتبت بواسطة otefa

أنا مش عارف أيه الحكمة من تغيير محور النقاش في الموضوع وأتهام الناس أنها ضد الأخوان المسلمين(لم يحدث في أي مشاركة في الموضوع) حضرتك قريت الموضوع كويس ولا ده من باب الدعاية للأخوان المسلمين والتعاطف معهم
الموضوع لتوضيح وتفتيح الأفاق بأن مافيش قوى سياسية مؤثرة على أرض الواقع حاليا غير الحزب الوطني والأخوان المسلمين ده غير برنامج الأخوان المسلمين السياسي أنا واحد من الناس لا أعلم أي شيء عنه لهذه اللحظة
فكده الأختيارات محدودة وغير واضحة لي كرجل متعلم تعليم عالي فا مابالنا بأناس أميين أو لم يكملو تعليمهم ودي مشكلة كبرى بلا شك

يا عزيزي أنا والله لا بأعمل دعاية ولا شئ
أنا رديت على نقطة بسيطة في الموضوع لأنه مش معقولة يتم تمرير فكرة عابرة وكلمتين مؤثرين وسط كلام كتير والناس يدخل في شعورها الخوف والمساواة بين الإخوان والوطني من غير ما نوضح إن الفكرة دي مش صحيحة

أنا رأيي اللي عنده إقتراح يقوله زي ما الأخ الكريم وضح من غير ما نجرح في حد
1-
2-
3-
.... -

وأنا آسف لو كلامي زعلك