ايه افضل زيت لموتور خفيف

السلام عليكم ورحمه الله و بركاته
الموضوع باختصار
ان سيارتي بيجو 305 موتورها خفيف شويه ( بيحرق زيت )
و لسه حوالي شهر علي ما اعمل العمره
و عاوز احط زيت تفتكره ايه افضل نوع احطه و يا ريت تقولولي لزوجته تبقي كام
و الف شكر

شل X3
لزوجته 20w50

وتحط عليه علبة زيت شنبر

جزاكم الله خيرا
بس انا اسمع ان زيوت شل اللي حضرتك قلت عليه ده مخصص للاولد اينجين
بس انا عاوز حاجه في حاله المحرك الخفيف
انا سمعت عن زيت محركات الديزل
و جبت واحد من امارات مصر اسمه باور ماكس 50
اديني بجربه اهو و هبقي اخبركم ان شاء الله

لو المكنه بتاخد 4 لتر يبقى انصح حضرتك تحط نصف لتر زيت شنبر + 3.5 لتر من اى نوع من الزيوت التاليه :
زيت اسو اكسترا (جركن رمادى)
زيت فيسكو موتور اويل (جركن ابيض)
زيت شيل x3 (جركن احمر)
زيت التعاون سوبر (جركن ازرق فاتح)

ربنا يبارك فيكم
بس ايه رأيكم في الزيت اللي حطيته ؟

السلام عليكم و رحمة الله و بركاته

أنا عندى برضه الموتور فى العربية البيجو ال505 بتاعتنا خف شوية و بحط زيت total , أنا مش فاكر درجته كام, بس هو بيبقى جركن برتقالى كده و ب 62 جنيه و الحمد لله كويس و مابينقصشى كتير على ما بييجى معاد الغيار اللى بعده و أهى ماشية لحد ما أعمل عمرة بأه و لا أشوف هعمل ايه .

انا حاطط حاليا شل الاحمر مع علبة زيت شنبر
وربنا يصلح الحال ونفتح الموتور

بردو مقولتوليش رأيكم في الزيت اللي حطيته

السلام عليكم ورحمة الله
ويارب ييسر لمصر الخير والرشاد
عربيتي اكسيل 1500 مو 95
تم بحمد الله تعالى فتح الموتور
والحمد لله لقيت الشمايز سليمه والكرنك ومخرطوش قبل كده وكانت اول مره تحل
بس لقيت عدد 2 بستم مكسورين
واشتريت طقم بستم ستاندر وطقم شنبر وطقم جوانات
والميكانيكي هيعمل روديه للصبابات ان شاء الله
هو محلش عمود الكرنك ( هل ده عادى ولا لازم الافضل يشيلوا خالص ويكرب المكنه بره )
وهل يوجد طريقة معينه للتاكد من كلام الميكانيكي من ناحية سلامة الشمايز والكرنك
نيجي لجزء الدبرياج والفتيس
لما ركب العربيه وجربها قالى صوت الوجوجه ده من الفتيس ويفضل تغييره لانك هتغيرله بلي وغوايش وبعد شهر هيرجع تانى وتكون صرفت 200 ج مثلا اقل واجب؟

وقالى بخصوص بلية الدبرياج والديسك والاسطوانه ميبانوش الا لما يحل الفتيس وانهم ع الوضع الحالى مش باينين من ناحية حل الموتور
وان صوت النحره والعربيه واقفه ولما تدوس دبرياج الصوت يروح تكون بلية الدبرياج سليمه والعيب فى الفتيس
وحتى لو غيرنا الديسك والاسطوانه والبليه مش هتفرق معاك
ولا راي حضرتك ايه(( هو المفروض وهو حالل المكنه يشوف الدبرياج والفتيس ولا ايه الوضع بالظبط ))
اصل النقطه دى مش واضحه بالنسبه لي


السؤال بقا هل لو ظبطت المكنه حاليا وصرت لما اغير الفتيس بعد شهر او اتنين هل هيأثر بالسلب ع الموتور ؟ ولا ملوش علاقه ؟


مستنى ردودكم المفصله القيمه باذن الله تعالى
ولكم جزيل الشكر والامتنانhttp://www............com/vb/images/..._19%5B1%5D.gif

يا رب يا رب
يا رب زي ما زلزلت عرش الظالمين
تكرمني و حد يرد عليا في الزيت اللي استخدمت نصه و لا حد راضي يعبرني