اتفقت مع واحد ابن حلال بيغسل العربيات عند البيت ، بيغسل العربية 3 مرات فى الاسبوع و بياخد 50 جنية فى الشهر ، و لاحظت انو بيغسل بالرغوة الاول بدون ماء ثم بيطوق للتجفيف ، هل كده كتير و فى ضرر على السيارة ، عاوز رأى الوحوش .
عرض للطباعة
اتفقت مع واحد ابن حلال بيغسل العربيات عند البيت ، بيغسل العربية 3 مرات فى الاسبوع و بياخد 50 جنية فى الشهر ، و لاحظت انو بيغسل بالرغوة الاول بدون ماء ثم بيطوق للتجفيف ، هل كده كتير و فى ضرر على السيارة ، عاوز رأى الوحوش .
متابع باهتمام
كتر غسل السياره يضر بها في حاله ان الميه هتركن فيها والبارومه تشتغل
واهم حاجه الفوطه متكونش خشنه علشان متخربش
خليها مره واحده اسبوعيا
او مرتين
كتر غسيل العربيه مش حلو
ولا فيها اي حاجة خالص يعني هو بيحط رغوة البيريل عشان لو فيها حته مش نضيفة تنضف وتدي لمعة في نفس الوقت وبعد كدا بينشف بفوطة ناشفة يعني مبيسبش اي ماء برغوة يبقى كدا تمام وتدي لمعة كويسة .
بس السعر هو كتير حبتين إلا إذا بينضفهالك من جوا على الاقل مرتين في الشهر
اللي بيعمله الراجل بتاع الغسيل ده اكبر غلط :
1. العربية مش محتاجة تتغسل غير مرة كل اسبوع لو لونها غامق او مرة كل 10 ايام لو لونها فاتح
لاحظ اننا بنتكلم على 4 مرات شهريا وده كتير
يا راجل دا فيه ناس مبتستحماش غير مرة في الاسبوع !
2. الميا المرغية غلط
لانه لازم يحط ميا الاول عشان يشيل اي شوائب على العربية
وبعدين يحط الصابون وبعدين يشيله كويس جدا
يعني كمية الميا بعد الصابون اهم من الميا اللي قبليه عشان الصابون بياكل في الدوكو
شغل اصل بسرعة عشان اخلص دا مش كويس
3. نوع الصابون يبقى شامبو للعربية ولو عايز حاجة رخيصة تبقى رابيدو العلبة ب 4.5 جنيه من كارفور العبور او سبينيس
لو الدنيا قفلت وخربت وخلاص لازم نغسلها يبقى صابون اطباق مخفف جدا جدا
ممنوع منعا باتا الرابسو او مساحيق الهدوم
4. ياريت القماشة المستخدمة في الغسيل تبقى مايكروفايبر عشان ميجرحش الدهان وبلاش اي حته هدوم عنده قديمة ولا بنطلونه الجينز يقعد يغسل بيه العربيات
5. بعد كده بقى لو عايز لمعة على العربية عندك البولش والواكس خصوصا الواكس لان عربيتك جديدة مش محتاجه بوليش
الواكس حيخليها لك مرايه
لو مستعجل ومش عايز تستخدم الواكس المعجون فيه واكس رش (زي جونسون بتاع الازاز) بيلمع العربية في 3 دقايق بالضبط
الله ينور عليك