ندعوكم جميعاً لحضور الحفل الراقص في كازينو الليل في شارع الهرم فأجيبوا الدعوة
ندعوكم جميعاً لحضور الحفل الراقص في كازينوالليل في شارع الهرم
هكذا قالها لي ابراهيم
إذا فمن هو إبراهيم ؟
-
-
-
يروى القصة احد الشباب فيقول
...
كنت رايح زياره انا وأخ إلى صديق ثالث ( زيارة عاديه في الله ) وكنت راكب مع صاحبي في عربيته وطبعا ماشين في شارع الهرم ..
ولما قربنا من ناحية كازينو الليل لقينا واحد كده بيشاور للعربيه بلهفه وكان مثلا معاه حاله خطره عايزيوصلها للمسشتفي
فكان الاخ الي جنبي لابس غطره علي رأسه وكان هو الي سايق وكانت العربيه حديثه وشيك ..المهم
فلما شاور لينا وقفنا علي طول فأول ما وقفن اراح بص بداخل العربيه وقالنا معلش انا اسف اتفضلوا قلت ليه في حاجه ؟؟ مش محتاج ايمساعده .. قالي شكرا يا شيخ
بس فمشينا .. فسئلت صاحبي هو فيه ايه قالي مش عارف ...
فذهبنا لصحابنا في بيته وحكينا ليه الموقف ففضل يضحك
قال ايه ده هم وقعوا فيكم ....
وكان صاحبنا كان نازل اجازه من الجيش وحكى لينا القصه من اولها لاخرها .. لانه كان ماشي وبردوا ووقفوه
فكانت القصه كالتالي .
. ان دول شباب تبع كازينو الليل ( كابريه يعني) واقفين علي شارع الهرم بيشاورا للعربيات عشان تقف وبعد ما تقف العربيه يقعد يقنعه انه يدخل الكزينو
بيقنعوا ازاي بقا اسمع بقا الاساليب الدعويه
عندنا يا فندم :
مضيفات ( عاهرات ) كويسين
المشروبات الي جوه أصليه
مفيش ضريبة خدمه علي المشاريب
في عرض لبنات روسيات
ممكن نخلي المضيفه تقعد معاك علي الترابيزه
الكلام الي فات ده كله الرجل قالوا لصاحبي وصاحبي معدي بعربيه
ففهمت لما وقف عربيتنا وكان شايف فيها غطره افتكرنا ( خليجين ) فلما وقفنا ولقانا ملتحين قال لينا خلاص
لكن صاحبي كان نازل من الجيش وكان حالق لحيته فعشان كده وقفه ودعاه إلى الكازينو ...
انا حسيت بحراره غريبه ,, وقررت انا وصديقي اننا نعدي عليهم واحنا مروحين من عند صاحبي
صاحبناقالنا بلاش .. فقلنا مينفعش يبقي في يوم من الايام عدينا عليه وحتى منصحنهوش علي الي بيعمل ده
فروحنا عدينا علي واحنا مروحين وبالفعل لاحظنا 5 رجال ما بين 28 سنه الي 45 سنه
وبالفعل لاحظنا انهم كلهم بيشاورا للعربيات ..
فروحنا جنبهم ووقفنا .. فقالي لا ياباشا اناكنت بشاور للعربيه الي وراك !!
انا بصراحه مقدرتش اتكلم ضربتني صاعقه الاستغراب من الشباب دي ازاي بيعملوا كده وكان صديقي
عنده خبره اكتر مني وهو اكبر مني فعشان كده سكت ...
فصديقي قال : طيب وانت كنت بتوقف العربيه الي ورانا ليه
الرجل قال: ليه ده شغلي والله يا شيخ
صديقي : طيب وانت بتشتغل ايه
جه شاب ثالث وقطع الحديث قاله يا ابراهيم مش وقته ... وقاله في ايه ياعم شيخ عايز تدخل ولا حاجه جوا مفيش غير رقاصات وخمره ملكش فيه يعني ..
فابراهيم قالوا : خلاص يا احمد انا هتكلم معاهم وهيمشوا
صديقي : قالوا اسمك ابراهيم ... قال الاخر اه
صديقي قالوا انت منين .. قال الاخر وكانت لهجته كالفلاح .. من قريه كذا محافظه كذا
قال له صديقي وانت راضي يا ابرهيم عن الي بيحصل ده
قالوا والله يا بيه انا مش بدخل جوا انا كل شغلي من برا و بقرف لو دخلت جوا من المناظر
صديقي : بس انت مش بتدخل عشان انت كويس بس انت بتاخد ذنب اي واحد بيدخل عشان انت الي بتقنعه ..
وكان حوار ساخن جدا بين الاثنين مع قلب رقيق من الرجل الي حس بانه فعلاً مذنب
الرجل حكي قصته تقريبا في نص ساعه
وكان اختصراها
انه متزوج وعنده بنتين .. واهله عايشين في البلد ( القريه)
والشغل قليل ...
هو صنعته فرّان وكان شغال في فرن
بس مشاغل الحياه ومصاريفها اكتر من المرتب
قالي انت عارف باخد هنا كم
قالي باخد 50 جنيه في اليوم ... غير نسبه علي كل واحد بدخله
صديقي قاله : طيب وفلوسك مكفياك ومبسوط زي الاول ( لما كنت فران)
قال والله يبيه الحياه ضنك
قالوا انا نفسي امشي من هنا ولعلمك كل الشباب الي واقفين دول أرفنين من نفسهم ولو لقوا اي شغلانه تانيه هيمشوا وقالي منهم ال 40سنه ومتجوزوش ...
فقال ابراهيم .. خد رقمي يا بيه ولو لقيت لي شغل اتصل بيا ضروري ...
انتهي الحوار وسلمنا عليه ونصحناه ومشينا
والله العظيم هذا حدث معي كمااحكيه لكم ولا اكذب لو قلت لكم الرجل عنيه كانت مدمعه واحنا سايبينه وماشين وكان هاين عليه يقول خدوني معاكم .. ومتسبونيش
الكابريه : يعطيه 50 جنيه في اليوم ( ضمان مستقبله وشهره )
وتعطيه نسبه علي الفرد عشان يكون عنده همه ولا يكتفي بالمرتب ...
وتذكرت وانا ماشي أصوات اصحابه واحنا سايبينهوهم بيقولوا
1- مضيفات ( عاهرات ) كويسين
2- المشروبات الي جوه أصليه
3- مفيش ضريبة خدمه علي المشاريب
4- في عرض للبنات روسيات
5- ممكن نخلي المضيفه تقعد معاك علي الترابيزه
قلت في نفسي مين يجيي واديله خمسين جنيه ويقف قدام جامع ويدخل للناس ويقول ليهم
1- عندنا إيمانيات عاليه
2- عندنا مغفره ذنوب من الله
3- عندناحسنات ومغفره سيئات
4- عندنا صحبه صالحه
5- عندنا بتبدء طريق الجنه
ويفضل يدعوا امام الجامع ولا عشان الهمه لازم نسبه علي الفرد
طيب يا اخي ربنا كريم وقوفك ليه مرتب شهري انك ( تدعو في سبيل الله )
ونسبتك علي الفرد لأن يهدي الله بك رجلاً خيرمن حمر النعم
في اشياء كتير بتحصل في حياه الانسان بتغييرنظرته واسلوبه في الدعوه
لازم انت كمسلم بتدعوه بتقدرمشاكل الناس وظروفها
لو كان صاحبي دخل فيه شمال وانت كذا والديوث ده كذا وكذا
وفضل صاحبي يتكلم وابراهيم يسمع ... وبعد كده مشينا ...
ابراهيم والله فضل يتكلم اكتر من صديقي ..
وانا حاسس انه مجرد انه فضفض ده ولقى حد يقول ليه كلام فيه بشريات وعن اليقين في الله والرزق مش ممكن يكون دافع ليه انه يغير منحياته ولو بعد 5 سنين ..
فكروا كده وردوا عليا
نعرف من الموقف ده حاجتين مهمين اوي
1- ان مش شرط واحد بيعمل شيء من الكبائر انه يكون طاغيه او انسان وحش والله الناس طيبين بس محتاجين الرفق والرحمه والتعامل وانك تقدر ظروفه ...
2- نعرف ازاي الناس دي عندها همه وبتدعوا للخطء مع العلم ان ممكن حد يحرجه ( مش مهم في سبيل ال50 جنيه )
ممكن حد يشتمه ( مش مهم في سبيل ال50 جنيه )
ممكن حد يهزقه ( مش مهم في سبيل ال50 جنيه )
ممكن واحد يبقي محترم وينزل يضربه ( مش مهم في سبيل ال50 جنيه )
------------------
الاخ بقا الي بيدعو الي الله ... مش لكازينو الليل
عنده استعداد
حد يحرجه في سبيل الله ؟؟؟؟؟
"منقول"
