الموضوع: قناة السويس بالجنيه مصرى ؟ موضوع للنقاش

تمت مع الموضوع ده جداااااااااا
بس احنا كده ممكن ندخل فى حروب مع الدول الكبرى لانها مش هتوافق عليه
وهيحصل معانا زى العراق لما صدام قرر يصدر النفط بالدينار

بس انا شايفه موضوع هيساعد على رفع الاقتصد الثومى
سعر الواردات كله هيبقى فى الارض واحنا بنستورد حاجات كتير
بس المشكلة سعر الصادرات هيرتفع

مديونيتنا فى الخارج مش هتبقى ترليون وهتبقى كام مليار

الدول اللي ميزان الصادرات اعلي من ميزان الواردات هي اللي بيهمها ان عملتها تكون قيمتها امام العملات التانية ( محكومة مش زبادة او اقل )

المشكلة ان قناة السويس شغالة بسلة عملات .. يعني مش دولار بس
طبعا الوضع الحالي بيسمح لنا بوجود عملات اجنبية جاهزة لاستخدامها في عمليات الاستيراد لكن احنا بنخسر في حالات التصدير لتحويل العملة الاجنبية تاني لجنيه
صعب انك تحول دخل قناة السويس كل بالجنيه لكن لو تحول نسبة بالجنيه بجوار سلة العملات ( اللي المفروص مصر اللي تحددها مش زي ماهو حاصل و صندوق النقد الدولي هو اللي بيحددها )
فانت بكده ....1- هتقلل نسبة التضخم
2- هتزود قيمة الجنيه امام الدولار

الصادرات مس هتتاثر برفع سعر الجنيه كتير .... بس لان مصر بتستورد اكتر ما بتصدر بكتير جدا جدا جدا .... فدا هبكون شئ ايجابي

المشاركة الأصلية كتبت بواسطة a7med_pharma

بصوا ياشباب
إحنا دلوقتي في عهد جديد
...
يعني موضوع إن الدول الكبرى تقبل أو ماتقبلش ..متهيألي إننا من يوم 25 يناير بقينا أسياد قرارنا
وزي ماكلنا شوفنا .. مصر مش بلد فقيرة
مصر بلد غنية جدااااااا ..موارد بشرية + موارد طبيعية + سياحة + ...............
ولو رجعنا تاني لنغمة اننا نعمل لمصلحة الدول الكبرى على حساب إقتصادنا
يبقا عملنا إيه بقا؟؟؟
وبالنسبة للموضوع الأساسي وهو تحويل القناة للجنيه المصري
دي محتاجة خبير إقتصادي ..أو بالأصح لجنة كاملة
تقعد
وتدرس
وتشوف الإيجابيات والسلبيات لتحويل التعامل للجنيه المصري
ولو الايجابيات أكتر ..يبقا نخليها بالجنيه المصري ..ولو السلبيات أكتر ..يبقا نصبر شوية وتشوف بكره فيه إيه

بالظبط كده
وبعدين هو الناس لسه عايشه على قديمة في مسألة الخوف من امريكا
امريكا ايام المظاهرات كانت هتموت على نفسها
وكانت مش عارفه تقف مع مين علشان مصالحها
ياريت نحس ان احنا اقوى وان امريكا بتدور على مصلحتها وان هيا اللي محتاجلنا مش احنا اللي محتجينلها
انا اللي اتكلم انا حر في بلدي
قناة السويس بيعدي عليها 60% من السفن البحرية في العالم
يعني 60% من التجارة العالمية بتعدي عليك بحريا
فتخيل بقه لما تطلب انها تبقى بالمصري

المشاركة الأصلية كتبت بواسطة hossamkoshy

هو موضوع ممتاز
بس لية جوانب سلبية وانت زكرت بعضها.
ثانيا الدول الكبري واولهم امريكا مش ممكن هتفبل وضع زي دة
الاقتراح الاجمل يكون نسبه من التحصيلات بالجنية المصري ولتكن 10% مثلا ثم في خلال 5 سنوات تكون النسبة 15%
كدا هتحافظ علي قيمة الجنية المصري وتعلي قمتة .
و تعرف العالم ان ممكن ان النسبة هتزيد الي 50% في خلال30 سنة مثلا.
ودة هيكونلوا مرضوض اقتصادي سريع علي قيمة الجنية المصري او علي الاقل هتحافظ علي قيمتة في الاسواق العالمية
وطبعا دة رأى شخصي و احب اسمع كلام خبراء الاقتصاد

وجهة نظر مش وحشة ودا فعلا اللى كنت بفكر فية
ربط المرور فى القناة بسله عملات والنسبة تزيد كل سنة
ولتكن فعلا 10% كل سنة بكدا الجنيه هيرفع واحدة واحدة
وفى نفس الوقت تهيئ السياحة لزيادة معقولة وتتحسن بقدوم
فئات قادرة على الصرف
بالنسبة للتصدير الشركات اللى هنا هتطلع المنتج بتاعها علشان
تقدر تنافس بيه على السوق بره

المشاركة الأصلية كتبت بواسطة tareket

انا مع قناة السويس بالمصرى
للاسباب الاتية

اولا الفوائد

لو الجنيه تمنه زاد دا معناه المشاريع العملاقة بالنسبة للمصريين هتبقى اسهل
استيراد المعدات الطبية هيبقى ارخص.
من ناحية الاستيراد كل حاجة هتبقى ارخص مما يؤدى ان المنتج المصرى يبقى جودة عالية من اجل التنافس
جودة الخدمات المفروض تتحسن بما ان التجديد ارخص
السياح هيبقوا من الفئة الراقية
اعادة الثقة فى المنتجات المصرية ذات الكفائة العالية
زيادة الوافدين الاجانب للعمل بمصر مما يزيد من الخبرات المصرية
رجوع بعض العمال المصريين المغتربين بالخارج لتقارب المرتبات


العيوب

الكثير من الشركات الاجنبية والموردين هيرجعوا نفسهم قبل الاستثمار فى مصر
السياحة هتضرب نسبيا او هيخلى السياح من فئة اخرة ,فئة ارقى


واخيرا
انا لا افهم فى الاقتصاد وهذه وجهة نظرى

والله بالنسبة للسياحة افضل ان يجيلى سايح يقدر يصرف
يعنى رحلات وبازرات وعربيات والذى منه
اما حكاية ان الشركات تخاف لا اعتقد بالعكس أظن هيحاولوا
يعملوا استثمارات فى مصر لأن المكسب هيكون أكتر
وطبعا شوفوا لندن قبل الازمة ناس كتير كانت بتعمل شركات
هناك ودول عربية كتير عملت احلى شغل بس ياعينى اتنصب عليها

المشاركة الأصلية كتبت بواسطة fepsceasar

مش موافق، للاسباب الاتية
1- هيرقع سعر الصادرات والطلب عليها هيقل ومش لسبب متعلق بالكفاءة او التنافسية ولكن بشكل مصطنع
ياترى احنا بنصنع ايه علشان علشان نصدره ؟
2- زيادة الواردات من السلع الرفاهية
ممكن تتحكم فيها وتحط جمارك 100% وتقدر تعملها زي العربيات
3- السياحة الخارجية هتنخفض
أقصدك السياحة الروسية اللى بتجيلك ب٣٠٠ دولار فى الأسبوع
نفسى تيجى هنا روما وتشوف السياح اللى بصرفوا 150 يورو لليلة
وروما مفهياش حاجات كتير زى مصر
4- طبعا كل ده هيتبعه ارتفاع الاسعار بشكل مبالغ فيه وتدمير الصناعة الوطنية وتبقى كانك يا ابو زيد ماغزيت ، والاقتصاد يحول لاقتصاد ريعى مش انتاجى، يعتمد على ريع من الموارد الطبيعية ورسوم المرور فى القناة

الصناعة الوطنية اتدمرت واتباعت فى العهد البائد تقدر تقولى ايه المصانع
اللى حاليا بتساهم فى الأقتصاد غير مصنع المحلة بتاع النسيج

المشاركة الأصلية كتبت بواسطة karim_monir

اقتصاديا ماينفعش عشان كل التعاملات الدوليه بتكون بالعملتين الدولار او اليورو

طيب والصين اللى بتخلى اليوان مرحلة اولى فى شرق اسيا
افتكر الجنيه السودانى رفع ازاى بعد ما اكتشفوا بترول هناك

المشاركة الأصلية كتبت بواسطة nktis

موافق علي الجنيه
بس ساعتها ان العالم كله هيقف ضدنا مش كراي بس
وممكن تحصل حاجه زي الحمله الثلاثيه علي مصر وده اكيد
عشان تاخد قرار زي ده
اولا مش وقته
ثانيا لازم اولا نتقدم والاعلان يوضح ان مصر بتتغير اقتصاديا
ونعمل مصانع سلاح وعلماءنا اللي بره يخترعوا انظمه دفاعيه جديده ..ده غير اننا يبقي عندنا نووي بجد
ساعتها ممكن نفكر في القرار ده ونتحمل عواقبه

ما احنا بنقول واحدة واحدة وأظن خطة الجنزورى كانت كدا
وحكاية حرب والكلام دا منطقيا صعب
لأنه ممكن يوصل تمن البرميل للبترول 500 دولار وأكتر
العملية محتاجة قلب وإرادة حديد زى ما عمل فى 56

الموضوع اسمحوا لى - مضحك
هو ينفع نعمل استفتاء أو نأخذ رأى العامة فى تفضيل عملية استبدال الغشاء المخاطى بالجزء الأمامى من الحاجز الأنفى المصاب بمرض أوزلر بجزء من الجلد أو بجزء من الغشاء المغطى للقرنية السفلى؟

ههههههههههههههههه
المتخصصين فقط هم اللى يجاوبوا على الأسئلة المتخصصة وإلا نكون بنفتى فيما لا نعلم