قناة السويس بالجنيه مصرى ؟ موضوع للنقاش

**wael3m** · 26-02-2011 01:23 PM

المشاركة الأصلية كتبت بواسطة sharky

و حنجيب دولارات و يورو منين علشان واردتنا اللى اكتر من صادرتنا .
ثم ما هى الحكمة من ارتفاع سعر الجنيه هل دا حيخلينا دولة متقدمة ؟؟

طب ما الكويت مثلا اعلى عملة فى العالم و ليست متقدمة و اليابان من اقل عملات فى العالم و هى دولة متقدمة

لا ارتفاع سعر الجنيه مش هيخليك دولة متقدمة ولا حاجة بس هيوقف نزيف التضخم شوية
وممكن يرجعلك الجنيه زى زمان 1 دولار 2 جنيه لان دولتنا بتستورد أكتر ما بتصدر
وغالبا صادراتنا بترول - منتجات زراعية - منتجات قطنية - والباقى حاجات لا تذكر ولا تسمن ولا تغنى من جوع
وبالنسبه هنجيب دولار ويورو منين
عندك تحويلات المصريين - سياحة - الاستثمار المباشر فى البورصة ( هتلاقى ناس كتير من بره وخصوصا العرب هيحطوا الفلوس عندك علشان يحقق أكبر كمية ربح ) وصدقنى القرار مش وحش زى ما قولت بس محتاج قلب جرئ
الله يرحمك يا عبد الناصر :b4_388:

**م.احمد زكريا** · 26-02-2011 01:24 PM

طبعا لا

لسبب رئيسي ان قناه السويس من اهم مصادر العملة الصعبة (الدولار) والمستخدمة في استيراد كل حاجة في حياتنا بدءا من ابره الخياطة الصيني وحتى الطائرات الامريكية

الممكن يكون مفيد هو تحصيل جزء منها بالجنيه المصري ولتكن 15% حتى لو ثابتة بدون زيادة ده هايرفع الجنيه شوية وفي نفس الوقت مش هايضر بالاقتصاد

وطبعا الخبراء افضل مننا في تقدير ده

**Sharky** · 26-02-2011 01:42 PM

المشاركة الأصلية كتبت بواسطة wael3m

لا ارتفاع سعر الجنيه مش هيخليك دولة متقدمة ولا حاجة بس هيوقف نزيف التضخم شوية
وممكن يرجعلك الجنيه زى زمان 1 دولار 2 جنيه لان دولتنا بتستورد أكتر ما بتصدر
وغالبا صادراتنا بترول - منتجات زراعية - منتجات قطنية - والباقى حاجات لا تذكر ولا تسمن ولا تغنى من جوع
وبالنسبه هنجيب دولار ويورو منين
عندك تحويلات المصريين - سياحة - الاستثمار المباشر فى البورصة ( هتلاقى ناس كتير من بره وخصوصا العرب هيحطوا الفلوس عندك علشان يحقق أكبر كمية ربح ) وصدقنى القرار مش وحش زى ما قولت بس محتاج قلب جرئ
الله يرحمك يا عبد الناصر :b4_388:

يعنى حالنا حيبقى زى او افضل من اليابانيين اللى عملته من اقل عملة فى العالم ؟؟؟؟؟

مين قال ان المصريين الخارجيين حيحولوا دولارات بعد كده لما حيقل و يلاقوا ان قيمة متباتبهم فى الخارج قلت و بقت مقاربة للمرتبات فى الداخل

و لا السياحة حتشتغل لما تبقى اسعار السياحة فى مصر غالية

**wael3m** · 26-02-2011 02:14 PM

المشاركة الأصلية كتبت بواسطة sharky

يعنى حالنا حيبقى زى او افضل من اليابانيين اللى عملته من اقل عملة فى العالم ؟؟؟؟؟

مين قال ان المصريين الخارجيين حيحولوا دولارات بعد كده لما حيقل و يلاقوا ان قيمة متباتبهم فى الخارج قلت و بقت مقاربة للمرتبات فى الداخل

و لا السياحة حتشتغل لما تبقى اسعار السياحة فى مصر غالية

لا مقلتش ان حالنا هيكون أحسن ... بس هيرفعلك قيمة الجنيه شوية ودى مهمة اوى فى الوقت الحالى
اما المصريين مش كلهم هيرجعوا علطول ... فى ناس مرتبطة بعقود وفى ناس مش هترجع خالص
السياحة هتجيلك انضف ... يعنى بدل ما كان بيجيلك 11 مليون سائح ويصرفوا 15 مليار دولار
انا عايز يجيلى 8 مليون ويصرفوا 40 مليار .... أقسم بالله ان عندنا اثار وشواطئ سياحية احسن ألف مرة
من أوروبا وانا بقولك كدا عن تجربة شخصية

**Sharky** · 26-02-2011 02:20 PM

المشاركة الأصلية كتبت بواسطة wael3m

لا مقلتش ان حالنا هيكون أحسن ... بس هيرفعلك قيمة الجنيه شوية ودى مهمة اوى فى الوقت الحالى
اما المصريين مش كلهم هيرجعوا علطول ... فى ناس مرتبطة بعقود وفى ناس مش هترجع خالص
السياحة هتجيلك انضف ... يعنى بدل ما كان بيجيلك 11 مليون سائح ويصرفوا 15 مليار دولار
انا عايز يجيلى 8 مليون ويصرفوا 40 مليار .... أقسم بالله ان عندنا اثار وشواطئ سياحية احسن ألف مرة
من أوروبا وانا بقولك كدا عن تجربة شخصية

للأسف احنا معندش الخدمات الكويسة اللى تخلى السائح الغنى يجى مصر اصلا

اللى معاه فلوس ما بيجيش مصر يا باشا و دا معروف سياحيا
فلما تغلى السياحة مش حيجيلك الفقير و لا حتى الغنى لغنه عارف مش حيلاقى خدمة تستاهل المبلغ دا

**Dr Ahmed** · 26-02-2011 02:24 PM

المشاركة الأصلية كتبت بواسطة wael3m

لا يادكتور أحمد احنا مش بنفتى احنا بناخد اراء بعض وبما انى دارس اقتصاد فى الكلية 3 سنين
( خريج تجارة طنطا 2001 ) وقريت كتب اقتصاد كتيرة فطرحت الموضوع هنا
لان اتعمل جروب على الفيس بوك بيناقش الموضوع دا وكل يوم عمال بيكبر ويزيد عدد أعضاءه
احنا هنا عيله واحده ويجوز نتطلع برأى نوصلة للمسئولين ... الشعب لازم يشارك فى القرار
ومياخدش موقف المتفرج لا احنا أتفرجنا 30 سنة على خيبتنا وحتى لو حضرتك دكتور وملكش دعوة
بالاقتصاد فاعرف ان اى قرار بتاخده الدولة له أثره عليك كمواطن مينفعش أقول مليش دعوة
لازم اشارك فى صنع القرار وإلا هيرجعوا يدونا على قفانا تانى وانت فاهم

يا أستاذ وائل الموضوع مش موضوع عيلة خالص وماينفعش المثل دا خالص
إحنا نسند الأمر لأهله
لما القاضى بتجيله قضية هندسية بيجيلها للمهندسين
طبية بيحيلها للأطباء
واحنا بنناقش معضلة اقتصادية بكل سهولة كأنها مباراة كرة قدم
أنا لا أفتى فيما لا أعلم لأن رأيى سواء صح أو غلط من المفروض إنه يشكل قوة ضغط على صاحب القرار
لما يكون عند عيلة مريض يحتاج عملية مش هيعملوا مجلس عيلة ويشوفوا هيعملوا له إيه ... هيودوه للدكاترة ... مش كده؟ يبقوا هم كده قالوا ملناش دعوة ومشاركوش فى صنع قرار صحة ابنهم؟

**yahyanaabil** · 26-02-2011 02:33 PM

اقتصاديا مينفع لان مصر دوله بتستورد تقريبا كل احتياجتها و التعاملات ديه بالدولار لما نبقى دوله مصدره نبقى نعمل اللى احنا عاوزرينه

**m_elkhishin** · 26-02-2011 04:03 PM

انا ليا سؤال مش عارف حاسس انه في وسط كلامكم سؤال عبيط بس لازم اسأله

الناس بتقول حنجيب عمله صعبه منين؟؟
طب هما أصلا حيجيبوا جنيه يدفعوه لنا منين؟؟
مش احنا اللي بنطبع الجنيه ده؟؟ يعني لازم يشتروه مننا الاول بالعمله الصعبة وبعدين بعد كده ناخده منهم ، يعني كده أو كده العمله الصعبة جاية.
الفرق اللي حصل انه خلا الطلب على الجنيه يزيد وبالتالي قيمته تزيد

**wael3m** · 26-02-2011 04:22 PM

المشاركة الأصلية كتبت بواسطة m_elkhishin

انا ليا سؤال مش عارف حاسس انه في وسط كلامكم سؤال عبيط بس لازم اسأله

الناس بتقول حنجيب عمله صعبه منين؟؟
طب هما أصلا حيجيبوا جنيه يدفعوه لنا منين؟؟
مش احنا اللي بنطبع الجنيه ده؟؟ يعني لازم يشتروه مننا الاول بالعمله الصعبة وبعدين بعد كده ناخده منهم ، يعني كده أو كده العمله الصعبة جاية.
الفرق اللي حصل انه خلا الطلب على الجنيه يزيد وبالتالي قيمته تزيد

اهوا كده يا وديع بدءت تفهمنى

والله ينور عليك وعلى مخك الدول هتحاول تشترى الجنية
وبالتالى سعره هيعلى ويخليه احتياطى عندهم زى ما احنا عندنا احتياطى من الدولار واليورو

-

الموضوع: قناة السويس بالجنيه مصرى ؟ موضوع للنقاش

LinkBack

أدوات الموضوع

عرض

-

-

-

-

-

-

-

المواضيع المتشابهه

ازاي أروح قناة السويس ؟

الكلمات الدلالية لهذا الموضوع

المفضلات

المفضلات

ضوابط المشاركة