-
عربيتي اتزأت وهي متعشقة
ياجماعة هو في خطورة لما العربية تتزق وهي متعشقة انا عربيتي كانت متعشقة علي التاني (بطريق الخطأ اصل كان في عمود قافل علي باب السواق فاضريت اطلع من الباب التاني وتقريبا وانا بتنقل بين الكرسيين رجلي خبطت في الفتيس فعشقته علي التاني) ولقيت السايس المحترم زقها لورا علشان يطلع العربية اللي واقفة قدامي فكنت عايز اعرف هو الموضوع ده بيأثر علي الترس او ليه اي مشاكل؟؟؟
-
ده ممكن يتنى الفرش بس لو الفتيس سليم وبينقل صح متلعبش فى حاجة
لو الفرش اتنى بيدى نقلات مختلفة عن اللى انت عايزها يعنى الاول ممكن يديلك الثالث او تلاقيها جابت مرشدير
-
اولا متشكر علي سرعة رد حضرتك
انا سقتها انهارده الحمد لله كانت طبيعية ومافيش مشاكل والفتيس نقلاته مظبوطة
-
هو السايس دة عملاق أوي كدة علشان يزق العربية وهي متعشقة !محسش بالمقاومة المستميتة من تروس الجير بوكس المسكين
عموماً هو خطر على الموتور كمان وإن شاء الله تكون جت سليمة
Thanks
Eng.Sherif Shaker
-
:dهو مش عملاق ولا حاجة بس انا عارف في الحالات دي بيعمل ايه اصل الموضوع ده حصل قدامي في عربية واحد في الجراج
الافندي(السايس) بيروح ينادي علي اي تلات بني ادمين من القهوة اللي جنب الجراج علشان يزأوا العربية معاه بالعافية
-
لأ في حاجة تانية كمان بيعملوها عشان يعرفوا يزقوا..
بيرفعوا العربية شويةمن علي الارض..
وبالتالي الكاوتش بيبقي بيزحف علي الارض من غير ما يلف..
-
اه انا شفت الموضوع ده برده مره كان واقف قدامي عربية وكان صاحبها رافع الهاند فالسايس جاب ناس ورفعوها عن الارض
Content Relevant URLs by
vBSEO 3.6.0 PL2