السلام عليكم
مشكور علي الجهد بس الموضوع ده موجود بالنص في مشاركه م / سبعاوي
[IMG]file:///C:/DOCUME%7E1/ORA/LOCALS%7E1/Temp/moz-screenshot.jpg[/IMG]http://www.nilemotors.net/Nile/showthread.php?t=670
رقم العضوية : 8279
تاريخ التسجيل : 01Apr2008
المشاركات : 123
النوع : ذكر
الاقامة : مصر
السيارة: دا نا غلباااااااااااان
السيارة[2]: Renault Logan BlackLine 2012
دراجة بخارية: لايوجد
الحالة :
السلام عليكم ورحمه الله
بالنسبة لكثرة اسالة الاعضاء فى الاختيار بين دايو لانوس و هيونداى فيرنا فهذا اكبر مقارنة بين السارتين
Daewoo Lanos
Hyundai Verna
تاريخ والأصل الفنى
اللانوس هى عربية جنرال موتورز قلبا وقالبا،فشركة دايو من يوم ما ابتدت فى تصنيع السيارات، وحتى قبل ان تشتريها جنرال موتورز وهى تعتمد تماما على تصميمات جنرال موتورز(أوبل تحديدا)، والسيارة اللانوس ما هى الا السيارة اوبل استرا موديل 1995 من ناحية الموتور وقاعدة العجلات(الشاسية يعنى) والات الجر ونظام التعليق (العفشة)،وكل شئ، فقط تختلف فى الشكل الخارجى والصالون الذى اعيد رسمه ليناسب موضات اواخر التسعينات.
الفيرنا (سأتكلم هنا عن الفيرنا 1500 فقط لانها هى المقابلة للانوس) مبنية على محرك وشاسية وتعليق والات جر اللانسر كريستالة، حيث ان هيونداى تعتمد على تكنولوجيا مشتراه من ميتسوبيشى.
المحرك
يوجد تحت كبوت السيارة اللانوس واحد من اشهر المحركات واكثرها انتشارا فى العالم، محرك E-tech المصمم بواسطة جنرال موتور ادى واجبة ولا يزال فى دفع العديد من طرازات جنرال موتورز للأمام فى قارات العالم السته، فهذا المحرك عمل مع السيارة اوبل استرا وفيكترا موديلات 95 والتى تعمل فى اوروبا باسم اوبل وفى انجلترا باسم فوكسهول وفى امريكا الجنوبية تحت اسم شيفورليه وفى استراليا تحت اسم هولدن، كما عمل مع الدايو لانوس فى كل دول العالم وحاليا مع الشيفرولية افيو(التى هى انسخة الجديدة من اللانوس) و الشيفروليه كورسا البرازيلية التى تباع فى مصر باسم اوبل كورسا سيدان، هذا المحرك يستحق تقدير ممتاز وهو افضل ما فى السيارة اللانوس، المحرك احادى الكامة ذو 8 صبابات يعطى قدرة قصوى فى حدود 85 حصان عند 5500 RPM، نظام تغذية الوقود عن طريق الحقن الإلكترونى.
بالنسبة للفيرنا 1500 نجدها تحمل محرك سلفتها الأكسنت 1998، والذى هو بشكل ما نفس محرك اللانسر البطة او الكريستالة مع تعديلات تكنولوجية طفيفة جدا، مبنى ايضا بنظام الكامة الواحدة العلوية و 12 صباب ولكن بتصميم فريد جدا يجعل الإتصال بين الكامة العلوية والصبابات عن طريق منظومة من الروافع(التاكيهات) والميزة التى اراها واضحة فى هذا التصميم هى سهولة ضيط خلوصات الصبابات (ضبط التاكيهات) عند اى ميكانيكى بدون الحاجة للذهاب لمختص الصبابات، فينما لا يستطيع الميكانكى العادى ضبط تاكيهات اللانوس او الشاهين او حتى ال128 لان ضبطها يتم عن طريق تغيير اطباق الكامة وهو امر يحتاج مختص، فإن تاكيهات اللانسر والأكسنت و الفيرنا يستطيع الميكانيكى الجيد ضيطها، ولكن يعيب هذا التصميم كثر الاجزاء المتحركة فى الموتور وهو امر غير مطلوب، الصراحة حاولت البحث عن القدرة الحصانية لهذا المحرك فى حدود 92 حصان.
الأداء
ملامح اللانوس فى الاداء تبدو كالتالى، المحرك يكون كسول الى حد ما فى RPM المنخفضة ولكنه بمجرد تجاوز حد ال2500 RPM يعلن عن عنفوانه ويكشر عن انيابه ويطير بالسيارة الى مد البصر تاركا السيارات المنافسة تعانى الغبار الذى اثارتة اللانوس، ولذلك فهى من السيارات البطيئة فى الإنطلاق ولكنها تعوض هذا البطء فى السرعات العالية، ثبات السيارة على الطريق معقول وان كان يسوء الى حد ما فوق ال120، ولكن يوجد حل بسيط لهذة المشكلة البسيطة هو تركيب جنوط سبور من نوع جيد، قدرة السيارة على المناورة افضل من معقولة، فرامل السيارة تبدو الى حد ما فقيرة تصميما ولذلك فهى تجاهد لإيقاف السيارة( على رأى ممدوح عبد العليم قى فيلم بطل من ورق: مابيعرفش يواجيفها مابيعرفش بيواجيفها ).
الفيرنا بعكس اللانوس سيارة ترغب فى القفز من على الأرض بمجرد رفع القدم اليسرى من على دواسة الدبرياج، فتشعر وكأن السيارة سوف ترفع عجلاتها الأمامية عن الارض كما يفعل الحصان ثم تطير من على الأرض، ولكن الملاحظ ان هذة الثورة فى الإنطلاق تفقد حماستها الى حد ما مع السرعات العالية فلو افترضنا ان اللانوس والفيرنا انطلقتا معا بأقصى ما تسمح به محركاتهما فانا اتوقع ان الفيرنا بسرعة انطلاقها العالية ستختفى من مجال إبصار سائق اللانوس لفترة ولكنها لن تصمد مع اللانوس فى السرعات العاليه حين تلحق بها وتتخطاها، فرامل الفيرنا افضل كثيرا من اللانوس وقدرتها على المناورة لا تختلف كثيرا عن قدرة اللانوس وكلاهما جيدتين، لكن الفيرنا المجمعة محليا يعيبها بشدة عدم الثبات على السرعات العالية وحتى الأن لم يفيدنا احد بحلول لهذة المشكلة.
الصوت
محرك اللانوس رغم انه ليس اهدأ محرك فى العالم لكنه افضل بمراحل من محرك الفيرنا من وجهة نظر الصوت، محرك اللانوس له زنه مميزة لكنها ناعمة و مريحة للأذن وليست مرتفعة.
لكن محرك الفيرنا خشن و صوته مرتفع وغير مريح وهو احد النقاط التى اعتبرها سلبية للفيرنا، لكن نلاحظ بالمقابل ان الفيرنا صوت آلات الجر بها غير مسموع فى حين يبدو واضحا فى كابينة اللانوس، ايضا نلاحظ ان عزل صوت الطريق فى الفيرنا افضل من اللانوس فبينما ان اى عقب سيجارة يخبط فى السيارة اللانوس من اسفل يرن بداخل الصالون فإن دوشة الطريق اسفل السيارة غير مسموعة فى الفيرنا.
الراحة
الباور ستيرنج والتكييف فى كلتا السيارتين ممتاز، وضع القيادة مريح فى كلتا السيارتين، الفيرنا افضل فى التعامل مع دواسات البنزين والفرامل لان مشاويرها اقصر، الرؤية الخلفية والمرايات قاصرة جدا فى اللانوس بسبب ارتفاع الشنطة وصغر الزجاج الخلفى لكنها معقولة فى الفيرنا.
الإتساع
صالون اللانوس اوسع لكن شنطة الفيرنا اكبر والسيارتين بنفس الطول (420 سم) .
المتانة
شاسيه اللانوس يعتمد عليه تماما فهو احد الإبداعات القيمة لجنرال موتورز التى تهتم تماما بمتانة الشاسيه، اما الصاج الخارجى للانوس فلا استطيع ان اعطيه اكثر من خمسة على عشرة، ارق كثيرا مما تتطلبه ظروف بلدنا التى يعتبر اهلها سيارات الغير الموجودة فى الشارع هى الإمتداد الطبيعى للكنبة الموجودة فى البيت، وكبوت سيارات الغير هو المكان الملائم للاكل والمذاكرة وتبادل عبارت الغرام. الخامات المستخدمة فى صالون اللانوس تقييمها من ناحية المتانة 6 من 10
بالنسبة للفيرنا جاء صاجها الخارجى نقلة تاريخية فى تاريخ هيونداى التى عودتنا فى السابق انها تصنع سياراتها من ورق الكلينكس المعاد تدويره، ولكن مع الفيرنا هيونداى قدمت لنا صاج خارجى رائع ، فبينما ان سيارة مثل الإكسيل تحصل على 3 من عشرة للصاج الخارجى ، اجرؤ على ان اقيم صاج الفيرنا ب 8 من 10، اما عن شاسية الفيرنا فهو لايزال حارس مرمى لم يختبر، ولكنى متفائل من ناحيته ولا ادرى ما السبب، وخامات الصالون افضل الى حد ما من اللانوس.
الأناقة
هذة بالطبع مسالة اذواق ، ولكنى بشكل شخصى ارتاح للمنظر الخارجى للفيرنا وشكل صالونها، لا لشئ سوى ان عينى ترتاح للخطوط الحادة اكثر من الأسطح المنحنية (الكيرفات).
العمر المتوقع
التجارب تقول ان محركات جنرال موتوز معمرة عن محركات هيونداى، ويمكن مقارنة عدد السيارات اللانوس المفوتة المدخنة الموجودة بالشارع(تقريبا مافيش) بعدد السيارت الأكسنت بنفس الحالة( عدد لا بأس به )، لكن الملاحظ ان اجزاء التعليق والجر فى اللانوس تتقدم بطلبات إعتزال بعد مدد خدمة اقل من مثيلاتها فى الهيونداى.
منقول
يا جماعه دي كانت مقارنه بين العربيتين
يا ريت كل واحد يقول ملاحظاته ورأيه إيه
رقم العضوية : 4504
تاريخ التسجيل : 19Jan2008
المشاركات : 302
النوع : ذكر
الاقامة : مصر
السيارة: 127
السيارة[2]: لادا
الحالة :
السلام عليكم
مشكور علي الجهد بس الموضوع ده موجود بالنص في مشاركه م / سبعاوي
[IMG]file:///C:/DOCUME%7E1/ORA/LOCALS%7E1/Temp/moz-screenshot.jpg[/IMG]http://www.nilemotors.net/Nile/showthread.php?t=670
إنما الأمم الأخلاق ما بقيت ... فإن هم ذهبت أخلاقهم ذهبوا
رقم العضوية : 8202
تاريخ التسجيل : 31Mar2008
المشاركات : 164
النوع : ذكر
الاقامة : EGYPT
السيارة: MARUTI
السيارة[2]: RENAULT 19
دراجة بخارية: no
الحالة :
انا اسف لو كلامى هيضايقك بس انت كده عملت ايه عشان كاتب (هذه اكبر مقارنه بين اللانوس والفيرنا)انت ناقل الكلام بالنص يعنى انت كده عملت ايه جديد كنت ارجو منك انك كنت تكتب حاجه جديده لانى فعلا محتاج اعرف مين احسن لانى ناوي اشترى واحده من الاتنين بس انا ميال اكتر للانوس
رقم العضوية : 4504
تاريخ التسجيل : 19Jan2008
المشاركات : 302
النوع : ذكر
الاقامة : مصر
السيارة: 127
السيارة[2]: لادا
الحالة :
باللطف يا جماعه
هو قصده خير وممكن يكون ميعرفش انه موجود في موضوع سابق هنا
هو يعني معملش حاجه غلط .. ده حتي هو امين وكاتب ان ده موضوع منقول
والله من وراء القصد
إنما الأمم الأخلاق ما بقيت ... فإن هم ذهبت أخلاقهم ذهبوا
رقم العضوية : 8279
تاريخ التسجيل : 01Apr2008
المشاركات : 123
النوع : ذكر
الاقامة : مصر
السيارة: دا نا غلباااااااااااان
السيارة[2]: Renault Logan BlackLine 2012
دراجة بخارية: لايوجد
الحالة :
أولا السلام عليكم
يا جماعه أنا معرفش إني الموضوع موجود هنا في مشاركه
ثانيا أنا بردوا زيك يا ESO_POP ناوي أجيب واحده من الأثنين
وأنا ببحث على النت لقيت المقارنه دي في أحد المنتديات
فقلت أنقلها ليكم هنا بالنص ( حتى العنوان أنا مغيرتش فيه )
وبعدين أنا كاتب
يعني أنا ناقل الموضوع علشان الأعضاء يقولوا رأيهميا جماعه دي كانت مقارنه بين العربيتين
يا ريت كل واحد يقول ملاحظاته ورأيه إيه
وبعدين يا سيدي بقى أول مشاركه ليك في المنتدى تدخل فيا شمال كده
حصل خير يا باشا وإن شاء الله ربنا يوفقك وتجيب عربيه كويسه
رقم العضوية : 72
تاريخ التسجيل : 21Apr2007
المشاركات : 5,092
النوع : ذكر
الاقامة : البحرين
السيارة: سوزوكي ماروتي، مصر
السيارة[2]: تويوتا ياريس، البحرين
دراجة بخارية: لا يوجد
الحالة :
هلا بيك يا راجى وشكرا على نقل الموضوع والامانة فى ذكر انه منقول، لأن بالفعل الموضوع ده انا كتبته هنا على المنتدى اول ما فتح تقريبا ويبدو انه ككل ما يكتب على المنتدى هنا يتم نقله الى اماكن عديدة وبعدين يرجع لنا تانى
بس عموما لا تعتبر كلامنا ده تقليل من قدر مجهودك، وياريت ما تبخلش علينا بالمشاركات
سبعاوى
_______________________________________________
رقم العضوية : 8279
تاريخ التسجيل : 01Apr2008
المشاركات : 123
النوع : ذكر
الاقامة : مصر
السيارة: دا نا غلباااااااااااان
السيارة[2]: Renault Logan BlackLine 2012
دراجة بخارية: لايوجد
الحالة :
ربنا يخليك يا حبي أنا والله مش زعلان ولا حاجه
بالعكس أنا من حبي للمنتدى نقلت الموضوع ما أنا كان ممكن أقرأه وأستفاد بيه وخلاص
لكن أنا حبيت أفيد أخواني بيه ....... وشيئ جميل إني الموضوع يكون طالع من هنا
ده بيعطي قوه للمنتدى ..... وأتمنى فعلا إني الأعضاء إللي لسه
شايفين الموضوع يفدونا في العربيتين ويضفلنا معلومات جديده
وأنا تشرفت بمعرفتك بجد والله :)
المفضلات