ربنا يكون في عونكم ويصبركم
ربنا يكون في عونكم ويصبركم
اولا انا بعتذر كتيييير عن التأخير في الرد بس اكيد انتوا عارفين الواحد متبهدل اد ايه في التدوير علي العربية و مرواح الشغل
ثانيا شكرا جدا جدا لكل واحد فكر معايا او دعا لنا نلاقيها
بالنسبة للكلام اللي قالهولي الظابط انا ذكرته هنا فقط من باب التريأة او الاستعجاب من كلامهم عشان انا عارف انا الحاجة مش بترجع غير بمجهود اصحابها
بالنسبة للجيش انا كلمتهم بس للاسف هما ماردوش ياخدوا مني بيانات العربية حتي بحجة ان دي مش شغلتهم وان مهمتهم تامين حاجات اهم من العربيات زي ارواح الناس وبصراحة.......معاهم حق
بالنسبة للحارس بتاع المعرض انا حاولت اخد منه اي معلومات عن شكل الميكروباص او الناس اللي سايقاه بس للاسف هو قالي انه ما ركز فيه اووي و كمان الميكروباص كان واقف علي الرصيف التاني من الشارع..........و كمان المعرض دة دلوقتي لم عربياته وقفل
و شكرا تاني لكل واحد رد عليا وقدر الله وما شاء فعل..........و لعله خير
بس انا نفسي في حاجه ليه ما نثبتش موضوع هنا علي السايت كل واحد شاف عربية مهجورة او مرمية جنب بيته يعني احتمال مسروقة يكتب نمرها و مواصفاتها لعل وعسي صاحبها يكون بيدور عليها هنا في المنتدي
كفايه كدة علي سلبية الواحد انا ياما شوفت عربيات مرمية في الشوارع و ما فكرتش حتي ابلغ عن نمرها لحد ما الواحد اتسرق
فكره كويسه
ويا ريت تتنفز
وربنا يكرمك وتلاقى العربيه يا رب
لو العربية لسه مرشوشة حاول تدور عليها عن الصنايعية اللي اشتغلوا فيها زي ما قال عضو هنا
ممكن تكون اديتهم المفتاح وعملوا عليه نسخة وانتهزوا فرصة ان البلد فوضي عشان يسرقوها
يعني هيسرقوها ازاي بالسرعة دي وسط النهار واشمعني عربيتك مع انها قديمة...أكيد كانوا متابعينها من فترة...وممكن يكونوا مظبطين حد من الصنايعية اللي اشتغلوا فيها
والله يا اخى انا كاتب ورقة بمواصفات العربية ورقم حضرتك ومعى كل ما انزل
وانصح الاعضاء بعمل هذة الفكرة
مش هتخسر حاجة بالعكس
ويارب ترجع لحضرتك
ربنا يناولك غرضك و يجمعك بضالتك
زي ماالاخوه قالو راجع الصنيعيه اللي اشتغلوا في العربيه اكيد حد منهم عمل نسخه علي المفتاح
لان عمرها ما تتسرق بالسرعه دي وفي النهار والناس كلها في الشارع من غير مفتاح
انا كنت عامل موضوع كده على قد فى قسم سكودا ازاى ترجع عربيتك اول ما تتسرق
انا هخلى المشرفين القائمين على عمل المنتدى ينقلو الموضوع علشان الاعضاء تستفاد منه و هى فكره كده انا فكرة
يارب تعجبكم و تقضى الغرض و لو اى واحد عنده تعديل على الفكره انا موافق مدام فى الصالح و خدمة اعضاء نايل موتورز
شكرا جدا جدا لكل الاعضاء والشباب علي اهتمامهم الكبير و تعاونهم بالتفكير او البحث او الدعاء
بالنسبة لموضوع السمكرية وبتاع الدوكو هو احنا كنا شدناها من حوالي 6 شهور كدة بس في مكان بعيد عنا كتيير و هم ما كنوش يعرفوا احنا ساكنين فين بالظبط غير كدة احنا رحنلهم بنااء علي نااس تانية شكرت فيهم كتييير وشغلهم نضيف و بيتهيألي صعب يوصلوا لمكان سكنا اللي هم مايعرفهوش اساسا....
نسيت اقول انها اتسرقت يوم مولد النبي يوم الثلاثاء اللي كان كله عواصف ترابية الصبح
و في انتظار موضوع ازاى ترجع عربيتك اول ما تتسرق
وشكرا ليكوااا كتييييييير علي تعاونكوا و ربنا يجعلوا في ميزااان حسانتكم ان شاء الله
بص أنا كمان عربيتى كانت مسروقه
وفى عصر الأمن والأمان والبوليس معملش حاجه
والحمد لله بتوفيق ربنا لقيت العربيه وكانت حدوته جامده
اللى أقدر أقولهولك
دور بنفسك ولا تيأس
وشوف مناطق عزبه النخل والمرج والخصوص والخانكه
أكتب مواصفات العربيه ولو أمكن صوره ليها ووزعها على سواقين التاكسى مع وعد بمكافأة مجزيه لهم
والتاكسى فقط منعا للإشتغالات الكتير
وطبعا هما كده كده بيلفوا البلد طول النهار
ماتدفعش فلوس لأى حد يقولك هات ألف أو خمسه وأنا هاجيبهالك
أستمر فى البحث ومتزهقش ودور فى المكان الواحد أكتر من مره فى توقيتات مختلفه
وربنا يوفقك وتلاقيها يارب