wii vs playstation 3

**هيثم** · 25-02-2011 06:08 PM

ايهم افضل للاطفال و لمصر من حيث امكانيه التحديث وخلافه و هل فى حاجه معينه تراعى اثناء الشراء مع العلم انها هتيجى من امريكا , و شكرا مقدما يا حضرات

**Raul_7** · 25-02-2011 07:27 PM

مادام للأطفال يبقى Wii أحسن لإن معظم لعبه arcade وانا شايف إنه هيبقى امتع ليهم, ده بالنسبة لاطفال اخرهم 10-12 سنة بالكتير.

بالنسبة لل PS3, ده لو إنت بتدور على جرافيكس قوية ولعب hardcore في جميع الفئات.

بالنسبة للتحديث بيبقى من خلال الإنترنت في ال PS3 ومجاني من غير اشتراك, ال Wii بصراحة معرفش.

بالنسبة للحاجات اللي تشوفها لو هتجيب من بره, اتاكد إن ال Wii (Region Free) يعني ينفع يشغل ألعاب سواء شاريها من أوروبا أو مصر أو امريكا وتأكد من كهربته إذا كان 110 بس ولا 110-220.

بالنسبة لل PS3 فهو Region Free وكهربته 110-220.

لو فيه اسئلة تانية أنا في الخدمة.

تحياتي

**هيثم** · 25-02-2011 07:38 PM

i told by someone that both of them do not have any games loaded on thier hard and i have to buy cds for games and download it to hard , is this true ?

and i told also that it has a converter so there is no problem with current

**sayed911** · 25-02-2011 07:41 PM

انا من رأيي حسب ميول الأطفال بالطبع لأنه بيختلف من ناس لناس يعني فيه ناس عندها الـ PS3 ده شئ مقدس :D احمد اخويا اقطع عنه كل حاجة لكن الـ PS ده شئ رمزي لا يمكن المساس به ... حتى انا عرفت انه بقا فيه ناس في مصر بتعدل عليه زي PS2 كده وممكن تضيفلوا العاب لأني شفت كذا واحد في تكنولوجي مول بيعملوا الفكرة دي + الـ application اللي في الـ PS اكثر بكتير من وجهة نظري من الموجودة في الـ WII ولكن برضوا هيا اختلاف طباع يعني حضرتم من وجهة نظري مدام فكرت يبقى تشوف ميول اولاد حضرتك ايه وانا شايف انه البلاي ستيشن ها يكون ليهم على طول لأنه ليس محدد بفئة عمرية واحدة ابدا .. "انا بلاعب الحج بيه على طول " يعني موجه لكل الأعمار وها يستمتعوا بيه على طول ولكن الـ WIi بصراحة عشان مدبش انا مكنش لية معاه احتكاك كبير عشان كده من رأيي تستنى حد يكون فعلا مهتم بيه هوة ها يفيدك فيه افضل ... وتحياتي لك اخي ..

**AhmedGen2** · 25-02-2011 07:42 PM

بالظبط لو أطفال يبقى Wii وش ... حط فى اعتبارك الألعاب دى MUST!

Just Dance 2
Super Smash Bros. Brawl
New Super Mario Bros.
Wii Sports
Super Mario Galaxy 2

**AhMeD EzZ** · 25-02-2011 08:06 PM

علي حسب ميول الاطفال
ال Wii العابة خفيفة و Arcade
اما ال PS3 دة العاب Hardcore
شوف هما ميولهم ايه

**Raul_7** · 25-02-2011 08:09 PM

المشاركة الأصلية كتبت بواسطة هيثم

i told by someone that both of them do not have any games loaded on thier hard and i have to buy cds for games and download it to hard , is this true ?

and i told also that it has a converter so there is no problem with current

فعلا الكلام ده صحيح لازم تشترلهم لعب اصلية لو ناوي تبقى موصل جهازك بالإنترنت (من 250-450 جنيه للعبة) وفيه طبعا ناس بتأجر وناس بتبيع مستعمل. إنما لو ناوي تعدل الجهاز و ده طبعا بيبقى Piracy يبقى ممكن تنزل عليه ألعاب كاملة وطبعا مابتكلفش حاجة.

**fepsceasar** · 25-02-2011 08:28 PM

لو جبت فلاشة التهكير بتاعت البلايستيشن 3 وعدلته وحطيت العال على الهاارد ينفع ادخل العب اون لاين ولا الجهاز ياخد حظر ، ارجو الاجابة على السؤال

وخدو بالكوا من حاجة فى موف فى بلايستيشن 3 وبالتالى ممكن يلعبوا بنفس طريقة لعب الوىى تفاعلى
بس متهيالى لو اطفال يبقى ويي افضلهم بس الجرافيكس بتاعت البلايستشن احسن وبالذات لو شاشة اتش دى يبقى جامد