سؤال فى الكرستاله من فضلكم
كنت عاوز اعرف فرش الابواب الاربعه بمافتيح الزجاج الكهربا تعمل كان من فضلكم وممكن الاقيها فين ؟
عرض للطباعة
سؤال فى الكرستاله من فضلكم
كنت عاوز اعرف فرش الابواب الاربعه بمافتيح الزجاج الكهربا تعمل كان من فضلكم وممكن الاقيها فين ؟
ياباشا شكراً على اهتمامك
عفوا وتحت امرك في اي سؤال
الاربع ابواب و المكن الكهرباء افتكر ب1500 جنيه كاملة بالازرار
اقولك ياسيدى تنزل الحرفيين وتسال عن كهربائى اسمه حسن عسكر واخوه ابراهيم عسكر ( توئم ) واساله هايبعتك عند واحد ممتاز جنبه قولوا انا جايلك من طرف مصطفى بتاع الكريستالة الفضى اللى كان مسهرك ( الليل واخره ) وهيقوم معاك بالواجب الكهربائى حسن شاب محترم جدا وفاهم جدا وامين جدا وشغله 1000000 المية مظبوط ومضمون وخرم فى الباب بطريقة حلوة عند الخراط اللى جنبه خرم الفابريقة بس مشكلته انه غالى اخد منى 250 جنيه مصنعية بس انا كان عندى مشكلة كبيرة انى كنت مركب قبل كده مكن استيراد على الفرش القديم وشكله كان وحش جدا جدا ده غير ان الكهربائى اللى انا كنت مركب عنده قبل كده الله يسامحه حسبى الله ونعم الوكيل كان عمللى ضفيرة غريبة وكبيرة وشغل عك اخدت من حسن الكهربائى شغل اكبر علشان يرجعللى الحاجة والفيش بتاعت الفابريقة وعلى فكرة العربية مجهزة ان هى تركب زجاج كهرباء ملخص الشغل اللى عمله تركيب اربع زجاج كهرباء بالمكن بتاع العربية والفرش والزراير ومرايات فول اوتو بتفتح وتقفل بالكهرباء ومشاء الله شغله تحفة وفنان
بعد إذنك يا درش دا الرد يا جماعة بس هو عامل موضوع تاني وجاوب فيه على الأسئلة وعلى فكرة الفرش كلوا يمين وبيركب زي الشمال بالظبط والشمال قليل جدا ولو موجود مبيقلش عن 1400 ج لاني كان ادامي واحد بس كانت حالته سيئة جدا جدا عند اولاد الشيخ في الهرم
هنا http://www.nilemotors.net/Nile/202466-99-2.html
انا تحت امرك ياباشا تامرنى الكهربائى اخد منى مصنعية 250 صح مظبوط انا بدلت كل حاجة فى الاول انا كنت مركب زجاج كهرباء وكان على الفرش القديم انت متخيل بقى المنظر اولا المكن مش بينزل ويطلع بسرعة زى الاصلى وثانيا اللاخرام اللى فى الاربع ابواب وثالثا الاخرام مكان الزراير والحتة الموكيت اتبهدلت رغم ان الراجل قاللى هاتبقى تحفة ده الاولانى الله يسامحه وبعدين انا بقى عملت ايه بدلت الاقدام الفرش والزراير والمكن وكل حاجة بالفرش الاصلى وكمان فيه تويتر شكله جامد بتاعت الميراج الاربع فروشات والزراير كاملة بتاعتها والضفاير وظبط الدنيا عندى الاول وبعدين ركب دول بالفيش عادى اخدت المكن والفرش والحاجة كلها الجديدة ب900 جنيه والمرايات 300 يبقى الاجمالى كله 1200 غير الكهربائى طبعا اه نسيت المرايات كاملة يعنى ضم وفتح وتحكم من جوة كلها فول اوتو تحياتى
معلش يا جماعة انا فعلا قريت الموضوع الاولانى بتاع الاخ اللى ركب ازاز كهرباء فى الحرفيين بس برضة عاوز افهم ياعنى اية ان فرش الباب اليمين اللى مفروض فية زراير التحكم (لان معظم الانسر المستوردة بتكون دريكسيون يمين ) يركب مكان الباب الشمال ولا قصدكم ان بيركب كل فرش فى مكانة وفى الحالة دى طبعا زراير التحكم فى الازاز بتكون فى باب اللى قاعد جنبى ياعنى فى الباب اليمين !
ولا زى ما سمعت انها بتتعدل عند حد معين يا جماعة حد يفهمنى.....
بص يا برنس الفرش الاستيراد كله يمين ولوحة التحكم يمين بس احنا بنعمل ايه بنعكس لوحة التحكم بدل ما هية بتركب في الكرسي اليمين بنركبها في كرسي الشمال بتاع السواق وبنعكس زرار الاوتو بتاع زرار الازاز بس كدا
وطبعا لا يمكن هركب وحدة التحكم عند اللي راكب جانبي وكل شوية اقوله والنبي ارفعلي الازاز ههههههههههه
وباقي الازاز هو هو يعني باختصار الازاز القدماني يبقى معكوس ترفع اليمين يترفع ازاز السائق والعكس ولو مش عايز زرار الاوتو يشتغل ليك يبقى من غير تعديل خالص
الف الف الف شكر كدة الصورة وضحت لى.....