العربية بتشتغل بالريموت!!!!!!!!!!!!

**elayat** · 05-04-2008 10:36 PM

وانا بتفرج إمبارح على كذا عربية فى كذا معرض
فوجئت إن فى عربية بيجو405 بتشتغل بالريموت والراجل دور العربية وبطلها زى مايكون فى حد جواها بيشغلها من الكونتاكت
ياريت لو حد يعرف الحركة دى بتتركب إزاى وفكرتها إيه يرد عليا وتتكلف كام
وشكراً للمنتدى ولأعضاء المنتدى

تم نقل الموضوع... برجاء اختيار القسم الصحيح المناسب للموضوع

http://www.nilemotors.net/Nile/showthread.php?t=21 870

مشرف القسم

**إسلام شاهين** · 05-04-2008 10:44 PM

ده شيء عادي جدا فيه ريموتات إنذار بيبقى فيها الأوبشن ده وهو إنك تدور العربية من الريموت بس أنا عن نفسي لا أنصح بيه للعربيات المانيوال لأن كان واحد صاحبي مركبه في عربية هيونداي أكسنت ونسيها معشقة وابنه مسك الريموت وعمال يلعب بيه ونزلنا لقينا العربية عماله تخبط راسها في الحيط لغاية لما الوش كله ادمر

**tohamy007** · 05-04-2008 10:45 PM

السلام عليكم .......
الموضوع بسيط وموجود من زماااااان قوي وهو بيكون نظام مع الريموت وبينزل فالريموت كنترول .... وهو نوع من انواع الريموت ... والفكرة بسيطة وهي بنفس فكرة فتح اللوك وتشغيل الانتظار ... متوصل بدائرة الكونتكت وبيتم التشغيل .... لاكن هو غير عملي وبيأثر على المارش ولا انصح بية لاني ركبتة بسيارتي وكل الاستفادة منه انك الصبح ممكن تشغل السيارة من البيت عندك علشان تسخن لحد ما تنزل وتمشي علطول .. ودة الغرض منه ..........
واعتقد انو موجود بمصر لانة موجود بالخليج من سنة 2000 واكيد وصل مصر من فترة

**NaderNabil** · 05-04-2008 10:45 PM

موجودة عادي !

روح لأي حد عنده تشكيلة كبيرة من الانذارات و هتلاقيه عنده...بس مش عارف يعمل كام!

عند واحد صحبي بيدوس لمده ثانيتين علي الريموت تقوم العربية مدورة....تنفع لو في عايز تسخن عربيتك وانت نازل....بس مش عارف ايه ظروفها بالنسبة للامان!

**NaderNabil** · 05-04-2008 10:49 PM

المشاركة الأصلية كتبت بواسطة إسلام شاهين

واحد صاحبي مركبه في عربية هيونداي أكسنت ونسيها معشقة وابنه مسك الريموت وعمال يلعب بيه ونزلنا لقينا العربية عماله تخبط راسها في الحيط لغاية لما الوش كله ادمر

يا نهار أزرق:D:D:D

**elayat** · 05-04-2008 10:51 PM

ألف شكر يارجالة على ردكم
وواضح إن الموضوع ده مش غريب ولا حاجه
بس المشكلة إنى صعيدى:d:d:d:d

**جمال** · 06-04-2008 04:34 PM

انا كنت مركبه فى عربية دايو اسبيرو من سنة 1994 وكان عملى جدا لتسخين العربية قبل النزول من المنزل و كمان ممكن تشغل التكييف مع دوارة الموتور قبل ماتنزل , يعنى تنزل سيادتك العربية سخنة و الصالوم مكيف , دلع على الاخر
وللامان بيكون متوصل مع فرملة اليد يعنى لو فرملة اليد مش مشدودة تمام مايشتغلش

**kh_talaat** · 18-05-2008 01:23 PM

فعلا موضوع الريموت إللي بيسخن العربية دة عملي جدا خصوصا في الشتاء ، تخيلو إني كل يوم وأنا رايح الشغل أنزل أدور العربية عشان تسخن وأسمكرها وأطلع أكمل لبس عشان ببقى مستعجل جدا ..... هههههههههههههههه