يا جماعة ما انا قولت كده انه لا يجوز فعلا انه يعمم حاجة زى دى
يا جماعة ما انا قولت كده انه لا يجوز فعلا انه يعمم حاجة زى دى
فى ناس بتحاول تبرر موقفها حتى لوغلطت فى ناس محترمة انا ممكن اقبل ان ناس محترمة تقول ما نروحش وناس رايها نروح، لكن ما اقبلش ان اللى مش موافقين يشوهوا الاخرين زى ما سيادتك بتقول دى المدرسة القديمة لو اختلفت معاك فى الراى يبقى انت خاين وعميل ومنحل اخلاقيا
للاسف صاحبك مش قادر يقنعك بالحوار فبيستقى معلوماته من بعض الساقطين اللى بيشتموا الناس المحترمة علشان يبرر موقفه
اغلب الفانين كان ليهم نفس نظره طلعت زكريا.............دول حاشيه النظام
ونفسي المشخصاتيه يتم تغيير التعامل معاهم علي قدهم ماديا واجتماعيا
نفسى اعرف ليه بجد فيه ناس كدا
رمى الناس بالباطل حاجه سهله كدا
دا حتى لو دا حصل
ازاى يعمم
مش الناس دول هما اللى بدئو عصر جديد
هما اللى ضحوا بدمهم وروحهم ووقتهم عشان مستقبل افضل
يعنى انا واحد من الناس اللى من يوم 28 فى التحرير
مشفتش اى حاجه من الكلام دا
والله العظيم مشفتش اى حاجه
غير ان الجمعه اللى فاتت فعلا كان فيه اشكال مش مزبوطه فى الميدان و عيال كدا شكلها غريب
بس برده دا مش مبرر لاى كلام من اللى اتقال
انا دمى محروق ومصدوم والله :(
فى من دا كتير وكالعاده تلاقيه بيتكلم بثقه كان الاخطبوط بول قاله الى هيحصل
والله الناس دى بتفكرنى بالقذافى
بصوا ياجماعه الموضوع ان بقايا النظام الفاسد الموجود حتي الأن بيحاول تشويه الثوره وشباب الثوره علشان يظهروا للعالم ان الشباب اللي قام بالثوره شباب فاسد ومنحل ولايعي اي شيئ غير ثقافة اللهو والأنحلال والمخدرات فبيعملوا ايه يجوا عند المناطق الأوليه لميدان التحرير وينشروا العالم التييت دول بكل ماتحمله هذه الكلمه من معاني سيئه وينشروهم في الصفوف الأولي ....طبعا اللي جاي واول مره هيشارك هيصطدم بيهم وهاياخد فكره سيئة سوداء عن الثوره وشبابها ومش هيكمل للآخر وهيمشي وطبعا هيحمل انطباع سيئ وينقله للأخرين وفيه من الأخرين دول ضعاف النفس والشهوه هيبدؤا يجوا ويكتروا والمشهد هيبقي اسوء لكن لو كمل طريقه للداخل هيلاقي شباب محترمين جدا وبيحبوا البلد جدا وطبعا لو حبينا ان احنا نمشي الناس التييت دول يبقي هنعمل انقسام وتخبط مع بعضنا وده اللي عايزه بقايا النظام الفاسد يتم بأي شكل علشان كده عايزين نتعاون مع الجيش والنوعيه دية نحاول نمسكها متلبسه ونسلمها للجيش عايزين نتعاون كلنا لنقطع ايادي الأخطبوط الفاسد ده اعتبروا انفسكم من الشرطه اللي بنتمناها ان تكون وساعدوا القوات المسلحه فالقوات المسلحه طلبت ذلك منكم بوضوح السنا اناس شرفاء لانرضي بالأنحلال والفساد لذلك يجب ان نكون قد المسئوليه اي شخصيه منحله من هؤلاء تابعها بهدوء وبلغ عنها القوات المسلحه وهما هيتصرفوا بهدوء معهم
بص عادي جدا ،،، الكدب علي الانترنت كتير جدا ،،،
أنا برده واحد من أعز اصدقائي ،،، كتب علي الفيس بووك بعد يوم الأربعاء الدامي
بيقسم بالله إنه كان في مصطفي محمود ، و شاف بتوع الجمال و الخيل جايين من نزلة السمان
و بيقولوا إنهم رايحين عشان رزقهم اتقطع
و إن واحد جاله و قاله تاخد خمسين جنية و تهتف للبرادعي !!!!
طبعا قصة متالفة من غير حبكة درامية حتي ،،،
لأن حتي لو فيه حد هيعرض خمسين جنية لحد عشان يهتف للبرادعي
علي الأقل هيعرضها لواحد غلبان أو متشرد يعمل اي حاجة عشان خمسين جنية
و صاحبي ده لارج و متعلم و مثقف و باين عليه اساسا ،،،
بس اي قصة فقط عشان يثبت صحة رأيه علي الانترنت
بخصوص ميدان التحرير ،،، بالطبع هوا مش مدينة الملائكة
خاصة في الأيام اللي مفهاش ضرب
بس حتي ده أنا شايفه ميزة كبيرة جدا
لو ادينا لنفسنا الحق نقسم الناس ،،،، ناس فاهمة و ناس غوغاء رايحة تهيص
طب ما الغوغاء دوول كده كده بيوجهوا ،،، رأيهم مش من دماغهم
يبقي أحسن مية مرة إننا نوجهم لحاجة كويسة و مفيدة للبلد عامة و مع كتر ترديد الهتافات بيفهموها و يقتنعوا بيها
بس طبعا صاحبك ده بيبالغ جدا جدا جدا ،،، ماشي أنا بيضايقني الطبلة ،، الرقص ،، الباعة الجائلين ،
بس إحنا مش في المدينة الفاضلة ،، و في نفس الوقت موصلتشي للدعارة و المخدرات ،،، مش عارف إزاي يقول كده