لمنع السرقه .. عملت مفتاح مستخبي لغلق المارش

**ahmedsamir5edr** · 04-03-2011 10:36 AM

المشاركة الأصلية كتبت بواسطة abodi55

الافضل تعملة على السلك اللى رايح للبوبينة عشان لو كانوا كذا واحد وزقوها يعنى هتدور لاكن البوبينا لو عملولها اللالى

كنت عاوز أعمله كده فعلا .. لكنه قللي أنا مش عاوز أعمل حاجه هنا عشان الكنترول و كلام كده

المشاركة الأصلية كتبت بواسطة ahmedcar

ممكن عنوان الكهربائى ده او رقم تليفون

دي أي كهربائي ممكن يعملها .. مش محتاجه حد معين .. انا ان شاء الله هصورها عشان يبقي عندك تخيل لمكانها
بس أنا اسف مش معايا رقم الكهربائي ده .. انا كنت عند واحد صاحبي و هو اللي وداني ليه

المشاركة الأصلية كتبت بواسطة magd_helm

يا ريت تصوروا لاستفادة الجميع وشكرا

ان شاء الله

المشاركة الأصلية كتبت بواسطة theprofessiona

انا روحت لكهربائي وقلي ان لو عملت المفتاح ده ممكن الحرامي ياخد وصله من البطاريه على طول و يشغل العربيه ... بس قالي احسن حاجه ان يعمل حاجه في الانذار و يخلي مفتاح الانزار اللي معايا هو المفتاح السحري و كده لازم العربيه تتفح بالانزاز و الا متشتغلش خالص ... حد سمع بالحوار ده ولا هو بيشتغلني :)

فعلا هو قاللي كده .. بس أنا مش مركب انذار .. بس الموضوع ده بيتعمل فعلا
و قاللي فعلا ان الحرامي ممكن ياخد وصله من البطاريه علي طول
بس انتا فاهم دي اي حاجه تعطله .. و مش هتكون الوحيده

**wisenada** · 04-03-2011 09:38 PM

المشاركة الأصلية كتبت بواسطة abodi55

حتة قماشة كبيرة وتحشرها جامد فى الشكمان لو دور العربية مش هتكمل ثوانى وهتبطل تانى ومش هترضى تدور ابدا الا لما يطلع البتاعة من الشكمان

هل الموضوع ده فيه خطورة على موتور العربية .. كتم العادم وارتداده على الموتور؟؟؟ .. أرجو الإفادة.

المشاركة الأصلية كتبت بواسطة theprofessiona

انا روحت لكهربائي وقلي ان لو عملت المفتاح ده ممكن الحرامي ياخد وصله من البطاريه على طول و يشغل العربيه ... بس قالي احسن حاجه ان يعمل حاجه في الانذار و يخلي مفتاح الانزار اللي معايا هو المفتاح السحري و كده لازم العربيه تتفح بالانزاز و الا متشتغلش خالص ... حد سمع بالحوار ده ولا هو بيشتغلني :)

نعم هذا الكلام صحيح .. وأنا عامله فى عربيتى .. بس لو وصل من البطارية للمارش مباشرة .. العربية هتدور .. بس سرينة الإنذار هتشتغل ... بس هى فكرة تعطيل.

فكرة قطع البوبينة فكرة هايلة .. وأتوقع إنها تاخد وقت طويل للتغلب عليها.

تحياتى
محمد

**AHMEDCAR** · 07-03-2011 12:56 PM

الموبينه ماينفعش يتعمل فيها كده فى الفيرنا لان الفيرنا فيها موبينتين مش موبينه واحده

**Dojuar** · 07-03-2011 01:15 PM

طيب الخلاصة بقى:

المفتاح في المارش واللا الموبيتة واللا الطلمبة واللا من الانذار

انهي الأأمن؟

**MOSHAKS** · 07-03-2011 01:24 PM

حتى لو المارش مفصول هل العربية لو اتزئت مش هدور يعنى لو قدر يفتح الكونتاكت وده مش صعب ومعاه حد وزقوا العربية وعشق الغيار التانى ورفع رجله من على الدبرياج العربية هدور ( الحرامى بيبئا متخصص وسريع وفاهم ومش اول مرة يسرق) ولا انا غلطان

نفكر فى فكرة تانيه ونحاول نوصل لاقصى حماية!!!!!!!

**engaass** · 07-03-2011 02:56 PM

المشاركة الأصلية كتبت بواسطة mikology

انا عامل حاجة زيها بس من السنتر نفسه - لو فتح العربيه من غير الريموت و جه يدور - تبطل منه فى خلال 20 ثانيه و تقفل اللوك كمان هههههههههههه

الموضوع ده ينفع لو مفيش ريموت
واتكلف كام
شكرا

**abdalah_hashem** · 07-03-2011 03:20 PM

انا روحت لكهربائي وقلي ان لو عملت المفتاح ده ممكن الحرامي ياخد وصله من البطاريه على طول و يشغل العربيه ... بس قالي احسن حاجه ان يعمل حاجه في الانذار و يخلي مفتاح الانزار اللي معايا هو المفتاح السحري و كده لازم العربيه تتفح بالانزاز و الا متشتغلش خالص ... حد سمع بالحوار ده ولا هو بيشتغلني :)

يا باشا اللى نعرفة الحرامى فى المناطق السكنية يعنى الحرامى هيركب ويلعب جوة الصالون عشان تدور معاة
لو مرضيتش تدور اكيد مش هيقوم يفتح الكبوت ويستكشف فيها اية
هيسيبها ويطلع على اللى بعديها على طول
لكن لو حتة مقطوعة ممكن يقعد يستكشف براحتة :))

**abdalah_hashem** · 07-03-2011 03:31 PM

هل الموضوع ده فيه خطورة على موتور العربية .. كتم العادم وارتداده على الموتور؟؟؟ .. أرجو الإفادة.

دور الموتور سحب ضغط حرق طرد
لازم العادم يخرج عشان يقدر يسحب هوا جديد ويحرقة مع البنزين
فلما تكتم الشكمان العادم مش هيطلع فالدورة مش هتتم والعربية مش هتكمل ثوانى يعنى 15 او 20 قول نصف دقيقة او اكتر شوية وهتبطل لوحدها

لما تيجى تدور انت بقى ممكن يبقى فية تحميل على المارش شوية صغيرين لكن خطرتة على الموتور نفسة ملهاش خطورة لان الموتور لما ييجى يدور هيطرد العادم على طول وعشان كدة بقوللك هيحمل على المارش شوية صغيرين

انا درست دورات عمل محركات الحتراق الداخلى واللى بتعمل بيها محركات البنزين اسمها دورة اوتتو

هقوللك على حاجة حصلت فى الايام الحلوة اللى احنا فيها دية فى المظاهرات
مش كانوا بيحطوا فى شكمان العربيات قماشة مبلولة تقوم واقفة ومتوضاش تدور
بس اللى انت هتعملة دوة مش كل مرة تيجى تدو العربية تلاقيها فيها الحوار دة انت هتبقى عارف وهتخلعها قبل متركب
وياريت تغطي العربية بغطاء وتربطة حولين جسم العربية بحبل من تحت يبقى جوة القماش
وانت بتغطيها وبتربط الحبل تقوم حاشر القماشة فى الشكمان اوز تفتح الشنطة وانت بتقفلها تقوم حاشرها المهم محدش ياخد بالة
وربنا يبعد عنا جميعا ولاد الحرام

**AHMEDCAR** · 09-03-2011 02:49 PM

طيب ايه رايكوا فى الفكرة دى
http://www.nilemotors.net/Nile/205863-a.html

**MOUSTAFA_SAAD** · 09-03-2011 06:19 PM

يعنى ياجماعه من الاخر المفتاح ده عملى ويستاهل يتعمل ولا لا
ان خايف اعك كتير فى كهربة العربيه
على فكره العربيه اللوجان المفتاح بيبقى مشفر يعنى المفروض لا تدور غير بمفتاحها الاصلى مش عارف ده بردوالحراميه لاقوله حل ولا لا

الموضوع: لمنع السرقه .. عملت مفتاح مستخبي لغلق المارش

LinkBack

أدوات الموضوع

عرض

-

-

-

-

-

-

المواضيع المتشابهه

باركولى أخيرا عملت مفتاح لل 113

عملت مفتاح للبيكانتو اخيرا

سؤال بخصوص المارش و اتوماتيك المارش (جين 2 )

انا عملت مفتاح ريموت من منصور و يا ريتنى ما عملته

الكلمات الدلالية لهذا الموضوع

المفضلات

المفضلات

ضوابط المشاركة