الموضوع: تقرير مفصل وبدقة عن تركيب فرش جلد لنيسان صني by "جينز كار"

أحبائي اعضاء قسم نيسان و اعضاء النايل موتورز

الحمدلله ركبت فرش لعربيتي نيسان صني بشركة "جينز كار" و بصراحة الفرش طلع خطير و فعلا معمول بطريقة احترافية و خصوصا التفاصيل في الاداء و عدم الاحساس بإنك في عربية بفرش تفصيل او تركيب كسوة .. احساس جديد جدا بإنك شاري العربية بفرشها الاصلي و ده لقمة الدقة في تفصيل الفرش كما هي نازلة بفبريكة العربية بل و اجمل بكثير من الفابريكة و طبعا الصور هتوضح مقصدي من كلامي.

واجب شكر وتقدير..

احب في الاول ان اشكر المهندس المحترم مدير الشركة الاستاذ / احمد مشعل الذي اعتبره اخي الكبير و بالفعل كل اللي هيتعامل معاه هيحس بنفس هذا الشعور نظرا لحكمته في التعامل مع العملاء و كل ما يهمه هو ارضاء العميل بنسبة 100% و فعلا الفرش اتعمل افضل من توقعاتي.

و طبعا بشكر جميع العاملين بالشركة و بصراحة مفيش حد قابلني الا ووجدت ابتسامة علي وجهه و الكل يعمل في نشاط و طبعا بشكر الاستاذ / عبدالفتاح اللي قام بتصوير هذه الصور الرائعة بالشركة.

و بشكر اخي الحبيب كريم منير اللي مقابلتوش من يوم مقابلة نيسان الاسرية و تقابلنا بالصدفة عند جينزكار و كانت صدفة رائعة و طبعا كعادة كريم المعروفة في الاطمئنان علي محبيه في المنتدي

سبب تغيرى وتنجيدى لفرش الكراسى ..

المشكلة التي كانت تواجهني انه كان ظهري يؤلمني كثيرا

خصوصا في المسافات الطويلة اللى بقضى فيها وقت طويل فى السيارة و لكن عندما شرحت للاستاذ احمد الوضع وجدته حل المشكلة بكل سهولة و اصبحت الكراسي مريحة بكل المقاييس.

الشغل الجامد اللي اتعمل في العربية ..

اولا ً : في الشركة يوجد الكثير و الكثير من الاختيارات لتحديد اللي تحب تركبه في عربيتك اذا كان جلد او قماش او جلد مع قماش و اللي فعلا عايز ياخد قرار الشراء يبقي لازم تروح الشركة بنفسك و تعاين الوضع لأن يوجد الكثير من الخامات و الموديلات و قصات و خياطات و الوان يعني ممكن تركب جلد لون واحد في العربية او تداخل لونين مع بعض .

ثانيا ً : بالنسبة للتكلفة .. انت اللي هتختار الخامة و القصة و الخياطة لأن في كذا طريقة للخياطة و الجودة في الاختيارات السابقة و طبعا علي كل ده بيوضع السعر و تأكدوا ان اي اختيار هتختاروه هتخدوا الشغل في كل الاحوال 100%

ثالثا ً: لعروض الشركة ..
تفصيل الفرش بالشركة يبدأ من 600 جنيه حتي 2000 جنيه
يتحكم في السعر عاملين :
1- حجم و قصة و خياطة السيارة
2- الخامة المختارة من قبل العميل
والنيسان صني يبدأ من 800 جنيه حتي 1600 جنيه طبعا حسب نوع الخامة و جودتها و حسب الخياطات الخارجية لأن لها كذا طريقة في الخياطة .

رابعا ً: العروض والخصومات والهدايا ..

* فى تخفيض من الشركة لاعضاء النايل موتورز حاملى الاستيكر

* اخدت بعض الهدايا الجميلة و هي فرش لشنطة العربية و المعطر وفوط تلميع رائعة

* و طبعا الاستضافة من قبل جميع عاملين الشركة المحترمين

ندخل على الصور والشرح بطريقة عملية..

طبعا الصور هتوضح مقارنة صريحة بين الفرش الجديد و الفرش القديم اللي كان موجود بالعربية و ايضا مقارنة الجديد بفبريكة العربية و طبعا انتوا هتشوفوا الصور و انتوا اللي هتقولوا رأيكوا ايه.

الخامات :
طبعا زي مانتوا شايفين انا ركبت فرش جلد اسود صريح

ذو نقشة رائعة و خامة ثقيلة و هو افضل الخامات في الشركة و هو جلد اميريكي معالج

و قد احضر الاستاذ عبدالفتاح ولاعة سجائر و قام بتمريرها علي الجلد فترة من الزمن و لم تحدث اي تلفيات بالجلد

و اكد لي ان هذا الفرش لن يتأثر بأي تقشير في المستقبل و الشركة تعطي 4 سنين ضمان علي الفرش.

و المفاجاءة الكبري :

اخذني المهندس احمد في زيارة رائعة للورش بالشركة و كان معنا اخ اماراتي بيركب في نفس الوقت لسيارة تويوتا FJ CRUISER و اطلعنا علي كيفية تفصيل و تركيب الفرش بهذا الاتقان العالي و اطلعنا ايضا علي خامة الخياطة .. خيط من النوع البلاستيك المطاط و ليس قطن و قد شددنا هذا الخيط و لكنه لم يقطع بتاتا ً لأنه يتكون من ثلاث خيوط و كل خيط من الثلاث يتكون من ثلاث خيوط أخريين يعني تسعة خيوط في خيط واحد.
ودى صورة توضح غرز الخياطة

بالنسبة للجلد ايضا قمنا بشده من الطرفين ووجدنا انه في قمة المرونة و لم يقطع رغم الاختبار الصعب لبيان قوة تحمل هذا الجلد و طبعا وجدنا ان الفرش يتكون من الجلد و الاسفنج المقوي و عازل و كل هذه خامات مستوردة و فعلا تأكدت بنفسي ان هذا العمل المتقن يستحق كل مليم يدفع فيه لأنه بالفعل قييم جدا .