الموضوع: الناس اللى بتسال ليه الناس لسه بتنزل التحرير , هما فاضيين و لا ايه

شهدت مدينة المنصورة في الثامنة من مساء اليوم الجمعة تصاعدا مفاجئا ليوم جمعة التطهير بمصادمات ورد فعل غير محسوب من مديرية أمن الدقهلية حيث تعاملت مع المسيرة السلمية التي خرجت عقب الاحتفالية أمام مبني ديوان محافظة الدقهلية لتتجه إلي مديرية أمن الدقهلية بشاع كورنيش النيل بالمنصورة حاملة أعلام مصر ولافتات وشعارات تطالب بخروج المعتقلين إلا أنهم فوجئوا بقوات أمن الدقهلية أعلي أسطح مبني المديرية يرتدون ملابس مدنية يلقون الحجارة علي المتظاهرين. وأكد محمد مجدي من شباب الثورة أنه رأي إطلاقا لقنابل جديدة غير التي استعملت من قبل في أحداث ثورات الغضب وغيرها حيث تم الحصول علي إحداها وهي أسطوانية الشكل عندما تصل للأرض تتكسر ليخرج منها شظايا كثيرة بخلاف القنابل المسيلة للدموع وهي بأوامر لمدير أمن الدقهلية الجديد. وقد تم اعتقال خمسة شباب ،من بينهم فتاة وإصابة العشرات بالشظايا واختناقات كثيرة لبعض المارة نظرا لكثافة إطلاق القنابل المسيلة للدموع .. وأكد شهود العيان أن قوات الجيش أثناء تواجدها لإنهاء الأزمة والتفاوض مع المتظاهرين جاءت الحجارة لتصيب أحد ضباط الجيش وجاء الأهالي ليحموا رجال الجيش من هذه الحجارة التي لم تفرق بين المتظاهرين ورجال الجيش. وجاءت الشرطة لتطارد المتظاهرين في أحداث مؤسفة ورد فعل انفعالي يزيد من حالة انعدام الثقة ... وردد المتظاهرون لن نرحل حتي يخرج المعتقلون ، ومازال الموقف متصاعدا، والمتظاهرون يحيطون مديرية أمن الدقهلية من كل اتجاه في انتظار خروج معتقليهم.
-----------------------
الكلام دا منقول من الوفد.. بس شباب المنصوره ذكروا ان الى بيعمل مظاهرات عند المديريه عناصر تخريبيه... وايا كان المخربين او المتظاهرين بس فى تأكيد على ضرب الحجاره والقنابل دى

المشاركة الأصلية كتبت بواسطة itsonlyme

المظاهرات السلمية مش مسؤولة عن همجية الآخرين.

مبارك بكل بجاحة كان بيخيرنا ما بين دكتاتوريته وفساده وما بين الفوضى

ولازال نظامة الفاسد الذي تركه وراءه يخيرنا ما بين الشريين.

أزاي يعني ماهم بيندسو في وسط المظاهرات السلمية والجيش والشرطة بيخافو يتعاملو معاهم بعنف لأحسن تيجي في السلمية
ده غير أن الدنيا لو رايقة السلميين ماتواجدوش في الشارع
التانيين هايلمهم الجيش بسهولة أن شا الله يضربهم بألي لو بيخربو في البلد بالمولوتوف ولا بالسلاح ويبقى بركه خلصنا من مجرمين

المشاركة الأصلية كتبت بواسطة itsonlyme

طيب أقول لحضرتك على حاجة اسهل.

نقبض على اللي بيحرض المندسين دول. أصل لو في ناس بتسرق المحلات والبيوت ممكن نقول ده بيتصرف من نفسه

لكن لما واحد ينزل بسلاح ومولوتوف ويهجم على المتظاهرين يوم الأربعاء الأسود والجيش بيتفرج وما يمنعهمش ولا يقبض على اللي محرضهم ... ده معناه ايه؟

والله شفت في التليفزيون يوم الأربعاء الجمال وهي بتعدي من ورا الدبابة وداخلة على التحرير ومحدش وقفها.

أنا ألي هاقول لحضرتك الحل الوحيد أذا أستمرت المظاهرات هو أحكام عرفية صارمة وعن قناعة تامة مصلحة البلد فوق كل شيء وياما حذرنا من كده بس الظاهر مافيش غير كده وألي زودوها وبيتحدو الجيش يوروني هايعملو أيه