الموضوع: الناس اللى بتسال ليه الناس لسه بتنزل التحرير , هما فاضيين و لا ايه

المشاركة الأصلية كتبت بواسطة otefa

أنا ألي هاقول لحضرتك الحل الوحيد أذا أستمرت المظاهرات هو أحكام عرفية صارمة وعن قناعة تامة مصلحة البلد فوق كل شيء وياما حذرنا من كده بس الظاهر مافيش غير كده وألي زودوها وبيتحدو الجيش يوروني هايعملو أيه

برضو؟ ليه يا فندم لغة الوعيد دي؟ ليه حضرتك ودكتور محمد بتتبنوا العقلية القمعية دي؟ لدرجة انكم تتمنوا البطش بمتظاهرين سلميين؟

وليه حضرتك تحتكر "مصلحة البلد"؟

طيب أنا هنقل لحضرتك ردي في المضوع التاني

المشاركة الأصلية كتبت بواسطة itsonlyme

يا فندم احنا شوفنا ازاي مبارك حكمنا طول 30 سنة بـ"الصرامة" وفي بعض الأحيان بالصرمة بحجة الأمن والأمان وكان بيتعامل مع معارضيه بالعنف بتهمة زعزعة الأمن.

بلاش يا فندم العقلية القمعية دي.

اللي يتمسك وهو بيخرب يتقبض عليه.
لكن مينفعش ناس في مظاهرة سلمية أو معتصمين وقاعدين على الأرض ينضربوا ويتسحلوا ويتقبض عليهم عشان حضرتك مختلف معاهم في الرأي. أنت شايف انهم بيخربوا البلد وهما شايفين انهم بينضفوا البلد من الفساد.

ولو حضرتك شايف ان مجرد التظاهر السلمي بيشجع التجاوزات الأمنية من المخربين يبقى يا ريت الجيش يتشطر على الحمار (الحزب الوطني وأمن الدولة والبلطجية المأجورين والغير مأجورين) وبلاش يتشطر على البردعة (المتظاهرين اللي بيطالبوا بتطهير البلد).

يا جماعة يجب ألا نصادر على رأي أحد... إذا كان بعض أعضاء المنتدي يحبون الحكم الديكتاتوري القمعي ويرون أن الشعب المصري لا يستحق الديمقراطية، وأن الأسلوب الوحيد الذي يليق به هو القمع والأحكام العرفية، فأهلا وسهلا برأيهم، ويجب أن نحييهم على ثباتهم على مبدئهم منذ 25 يناير وحتى اليوم، إنهم أكثر نقاء ووضوحا من رؤساء تحرير الصحف القومية والإعلاميون الحربائيون. يحيا الثبات على المبدأ.

المشاركة الأصلية كتبت بواسطة أحمد كمال

يعني بتتكلم عبري و كمان بتحرض الناس؟ ههههههههههه

باهزر معاك (اصلي اتفقعت لك الصراحة) ........

شكرا يا أ.أحمد ... واخدين على كده من بعض الناس ... نصيبنا بقى يبقى شغلنا دراسة اليهود ودينهم ولغتهم وآدابهم.

المشاركة الأصلية كتبت بواسطة د.أبونضال

شكرا يا أ.أحمد ... واخدين على كده من بعض الناس ... نصيبنا بقى يبقى شغلنا دراسة اليهود ودينهم ولغتهم وآدابهم.

متحاولوش يا اساتذه .....العميل بيبان عليه .....

هههههه تقبلوا تحياتي وارجوكم محدش يزعل من حد احنا دماغنا كلنا لسه بتتشكل

المشاركة الأصلية كتبت بواسطة cheetos_892005

متحاولوش يا اساتذه .....العميل بيبان عليه .....

هههههه تقبلوا تحياتي وارجوكم محدش يزعل من حد احنا دماغنا كلنا لسه بتتشكل

ربنا ما يجيبش زعل إن شاء الله
وبمناسبة دماغنا بتتشكل دي... تعرف حضرتك إن فيه كليات كاملة في إسرائيل للدراسات الإسلامية واللغة العربية، وفيها أقسام زي الفقه والتفسير والمذاهب الأربعة... وبيدرس فيها اليهود كل حاجة عن الإسلام والمسلمين.. كليات مش أقسام بس.