سؤال فى الفلتر السبور الصينى

**momo44** · 27-02-2011 04:45 PM

المشاركة الأصلية كتبت بواسطة MMamdouh

ألكلام دة مش صح... انا كان عندى فلتر صينى و فرق فى الاداء جدا

MMamdouh

المهندس ممدوح بنفسة

انا ركبته وفعلا فرق فى الاداء
شكرااا لمرور حضرتك
انظفه كل فترة اد ايه ؟؟

**ahmedtunning** · 28-02-2011 10:23 AM

المشاركة الأصلية كتبت بواسطة mmamdouh

مش منطقى الكلام دة.... الفلتر لما يبقى اكبر حيتسد فى مدة اطول mmamdouh

تمام بس اول مايتركب المكنة مش هتبقي مظبوطة عن تجرية لان شغلة الفلتر ادخل هواء نضيف علي الموتور انما الاسبور ادخال هوا نضيف و في نفس الوقت اكتر. فيبقي ايه لازمة الفلتر ان هو يبقي كبير وخصوصا مع جو مصر هيبقي معرض للتراب اكتر

ولو كلمي غلط قولي الصح عشان اتعلم

المشاركة الأصلية كتبت بواسطة mmamdouh

انزو معندوش حاجة... انا روحت قبل كدة و كان المحل فاضى

mmamdouh

حضرتك روحت من امتي ؟؟؟؟
حضرتك لو احتاجت حاجة من هناك قولي واجبهالك

**MMamdouh** · 28-02-2011 03:05 PM

المشاركة الأصلية كتبت بواسطة ahmedtunning

تمام بس اول مايتركب المكنة مش هتبقي مظبوطة عن تجرية لان شغلة الفلتر ادخل هواء نضيف علي الموتور انما الاسبور ادخال هوا نضيف و في نفس الوقت اكتر. فيبقي ايه لازمة الفلتر ان هو يبقي كبير وخصوصا مع جو مصر هيبقي معرض للتراب اكتر

ولو كلمي غلط قولي الصح عشان اتعلم

الفكرة هى فى الوقت اللى حياخدة الفلتر عشان يتسد... لو الفلتر كبير يبقى فيه مساحة اكبر من عنصر الترشيح معرضة للهواء و بالتالى حتحتاج كمية تراب و اوساخ و رواسب اكتر عشان تكتم الفلتر و تقلل كمية الهوا اللى داخلة للمكنة

تخيل العكس لو ركبت بريزر بدل الفلتر (افتراض نظرى طبعا) حتلاقية اتسد بعد اول مشوار لان مساحة عنصر الترشيح صغيرة جدا و اقل كمية تراب حتسدة

حضرتك روحت من امتي ؟؟؟؟

من مدة كبيرة الحقيقة

حضرتك لو احتاجت حاجة من هناك قولي واجبهالك

ربنا يخلليك ليا يا ابو حميد

MMamdouh

**MMamdouh** · 28-02-2011 03:08 PM

المشاركة الأصلية كتبت بواسطة momo44

المهندس ممدوح بنفسة

انا ركبته وفعلا فرق فى الاداء
شكرااا لمرور حضرتك
انظفه كل فترة اد ايه ؟؟

حسب استخدامك و مكان تركيب الفلتر

لو مركبة فى الحوض حتنضفة على فترات متباعدة مقارنة بتركيبة ورا الاكصدام خصوصا لو كنت فاتح فتحة فى الاكصدام عشان تدخل هوا بشكل مباشر على الفلتر

لو مشاويرك فى اماكن فيها تراب و رمل كتير يبقى حتنضف الفلتر على فترات متقاربة لان الفلتر حيتعرض للانسداد بشكل اسرع نتيجة الظروف الجوية

انا بنضف الفلتر بتاعى كل 5 الى 7 الاف و انا مركبة ورا الاكصدام

MMamdouh

**smsm_nabawy** · 04-03-2011 08:09 PM

السلام عليكم ...

بص يا اخي في الله ... كله واحد .. الغرض مننه تسهيل دخول الهوا للماتور.. بتفرق بقا في كي أند أن و سيموتا و الصيني .. مش في حاجة غير الخامة !!

كي أند أن أحسنهم على الأطلاق .. يليها سيموتا .. و بعد كده الصيني
بمعنى كي اند أن .. أحسن خامة تعيش معاك عمر أطول.. أقل كمية أتربة ممكن تعدي منه
يليه السيموتا ..
و يليهم الصيني !!!
============================
أما لجزئية الحجم .. فهي لن تضر .. و لكنها نسبة و تناسب ... عامةً خلينا منهملش الغرض الأساسي من الفتر السبور و هو تقليل ممناعة و مقاومة دخول الهوا .... و أذا كبر الحجم لن يضر ذلك .. و لكنه أذا صغر فسوف يصر و ينقلب لضده .. فمثلاً ميكونش عندك ماتور 2000 سي سي .... و تحطله حجم فلتر صغير !!!!!!!

و ميكونش عندك 1000 سي سي .. و تكع مبلغ في حجم الفلتر الكبيير !! لأن الفلتر مش بيدخل هوا للموتور غصب عنه ،، الي بيقوم بالجزئية دي هو التربو ؟؟.. أما الفلتر بيوفرله الهوا متى أحتاج له ... فمثلاً محرك 1000 سي سي لو حطيتله أكبر حجم من الفلاتر ... مش حيدخل هوا زياده ... يبقى كده فلوس على الفاضي .. في حين أن الحطم الأصغر منه ممكن يدخله كمية الهوا الي عايزها بدون ممناعة أو مقاومة أقل من الأكبر منه !! و هكذا !!!
ده غير رأي الأخ الفاضل ذو الخبرة الواسعة الأخ "محمد ممدوح" ما شاء الله ... ذو خبرة واسعة في الحاجات دي و أكتر من الحاجات دي كمان .. و بعد كلامه و أضافته .. لا يجوز أضافات ..

تقبل مروري و ردي !! :)

**smsm_nabawy** · 05-03-2011 01:00 AM

المشاركة الأصلية كتبت بواسطة momo44

شكرااااا يا باشا على الرد والتوضيح

عفففففواً :)

**ashouhdy** · 06-03-2011 09:30 PM

لا طبعا بيفرق فى تنقية الهوا !! اقل نسبة اتربة ممكن تدخل الموتور هى مع ال k&N

**smsm_nabawy** · 06-03-2011 09:58 PM

المشاركة الأصلية كتبت بواسطة momo44

الفرق فى الخامة يفرق انه يعيش اكتر
ولا يفرق فى تنقية الهواء

في الاتنين !!

بمعنى الخامة المعينة .. بيسمح النسيج بتاعها أنها تعيش اطول .. و متبوظش بسهولة مع الغسيل و تراكم الأتربة

و في نفس الوقت .. بيسمحلها أنها تتنسج بطريقة تقلل المسامات بينها بدون متسدها ..

كل متزيد جودة الخامة .. كل متزيد الخاصيتان دول

هو أصلاً أسمه reusable filter

علشان ممكن بعد ميتوسخ أنظفه و أعيد أستخدامه

أختلاف الخامة بقا .. بيحدد عمره و جودته في التنقيه :)

يا رب أكون أفدتك :) و يا ريت لو حد من الأخوة الأعضاء شايف اني قلت حاجة غلط .. يصححها بسرعة لتعم الفائدة :)

الموضوع: سؤال فى الفلتر السبور الصينى

LinkBack

أدوات الموضوع

عرض

-

-

-

-

-

-

المواضيع المتشابهه

رجة جامدة مع الفلتر السبور !!

الفلتر السبور

ألى كل من جرب زيت على الفلتر السبور

الفلتر السبور بيخبط

هو الفلتر السبور بيخرج العربية من الضمان ؟

الكلمات الدلالية لهذا الموضوع

المفضلات

المفضلات

ضوابط المشاركة