موضوع خطير جدا و محتاج رأيكم فيه

**tito_1980** · 26-02-2011 12:29 AM

جاتلي رساله علي الميل من بنت عايزه تتعرف عليا و بتقول انها شافت الاكونت بتاعي علي الفيس بوك و عجبها فعتتلي رساله التعارف دي علي الميل و دي اول رساله طبعا انا رديت و ضفتها عندي علي الميل تمام ... تاني رساله بتتعلي صورتها و قالتلي انها لاجئه سياسيه في السنغال و هي اصلا من الكاميرون و قاعده تحكيلي عن الاوضاع المترديه هناك و انهم قتلوا ابوها و امها و كده و طبعا رديت عليها و قولتلها كلمتين حلوين ... كل ده عادي جدا الكارثه بقه جاتلي في الرساله التالته ... بتقولي فيها ان ليها ورث عن والدها المتوفي بقيمه 7 مليون و نص دولار تمام و عندها في السنغال مش مخلينها تاخد الفلوس عشان هي لائجه سياسيه فعايزه تبعتلي الفلوس علي الاكونت بتاعي و بعدين احولها جزء منه عشان تعمل باسبور و فيزا و تيجي علي مصر ... تحليل الكارثه دي : طبعا انا استبعدت انها spam عشان الصوره اللي بعتتهالي و كمان سابتلي رقم موبايل بتاع القديس بتاعهم هناك في الكامب ... يبقي الاحتمال التاني انها نصبايه و شريكي في الشغل قالي walk away كلها اشتغالات بس انها شايف انها فرصه العمر فانا نويت افتح اكونت في بنك عالمي زي كريدي اجريكول و احط فيه مبلغ اهبل و اخليها تحول الفلوس علي هناك و طبعا انا هاخد نسبه محترمه ... ايه رأيكم في الحوار الطويل ده و ايه هي نسبه المخاطره ؟

**mido_soliman** · 26-02-2011 12:34 AM

اشتغالة

**Everlasting** · 26-02-2011 12:35 AM

الموضوع نصب في نصب يا باشا... وقديم أوي كمان يمكن بس الطريقة مختلفة شوية بس في النهاية نصب.

**الصيداح** · 26-02-2011 12:38 AM

ههههههههههههههه
مش تخليك مركز معانا يا زعيم
بعد الثورة لا للإشتغالات
الحوار ده قديم فعلا

**elrasy** · 26-02-2011 12:43 AM

ياما جتلى ايميلات بالشكل دة
طنش ليهم اغراض يا اما نصب
او مجرد يلموا بيانات ودة الشائع اكتر

**waelfarid** · 26-02-2011 12:53 AM

نصب في نصب وجالي نفس الايميل من فترة ولما قالت نفس الحوار بتاع الفلوس ده ردمت علي طووول
وعاوزين يقلبو اي حد في الدمغة بتاعة حططان فلوس في بنك معرفش فين
ابعد عن الشر وغنيله
الحداية مبتحدفش كتاكيت

طول ما الطماع موجود النصاب حاله عال العال وفي أمان والقانون لا يحمي المغفلين

**metenawy** · 26-02-2011 01:01 AM

شوف الموضوع لنصب من جانبهم لا الا غسيل اموال وانت حتوحشنا و في الحالتين حتبقي زبونيييييي

**lonedoctor** · 26-02-2011 01:04 AM

ياراجل انا بقالى 10 سنين باستلم رسايل زى كدة من دول افريقية كلها كذب فى كذب

**Bonanza** · 26-02-2011 01:06 AM

الموضوع قديم فعلا و جالي اكتر من عشر مرات من ناس و بلدان مختلفة

ناس عاوزة تعمل غسيل اموال يا ريس

ماتدخلش نفسك في متاهات انت في غني عنها

الحداية مش بتحدف كتاكيت